Anak Domba Mambukkak Segel na Katujuh ¹ Jongon, katiko Anak Domba mambukkak segel na katujuh, ado kasunyian di surga kiro-kiro satanga jam lamonyo. ² Dan, ambo maliek katujuh malaikat na tagak di mukko Allah, dan tujuh trompet diagikan kapado sidak. ³ Lalu, malaikat lain datang jongon tagak di altar, mamacci saincek pedupaan ame; jongon kapadonyo diagikan banyak dupa untuk dipasembahkan basamo urang-urang kudus di ate altar ame na di mukko tahta tu. ⁴ Jongon, asok dupa tu, basamo jongon doa-doa urang-urang kudus, naik ka mukko Allah dari tangan malaikat tu. ⁵ Lalu, malaikat tu mangambik pedupaan dan mangisinyo jongon api na diambik dari altar dan malantingkannyo ka bumi; mako tadangalah bunyi guntur na disartoi kilek jongon gampo bumi. Trompet duluan sampe Trompet kaampek Diombus ⁶ Satala itu, tujuh malaikat na mamaccik tujuh trompet tu basiap-siap untuk mangombus trompet sidak. ⁷ Malaikat duluan mangombus trompetnyo, mako tajadilah hujan es jongon api bacampu darah; dan ditumpahkan ka te bumi, mako tabakkarlah sapartigo bumi dan sapertigo batang jongon tabakkarlah sadonyo rumput hijo. ⁸ Malaikat kaduo mangombus trompetnyo, mako sasuatu sakiro gunung na tabakkar api dilantingkan ka dalam laut; jongon sapertigo dari laut manjadi darah, ⁹ mako sapertigo dari makhluk na barado di laut dan mampunyoi hidup manjadi mati, jongon sapartigo dari kapal dihancurkan. ¹⁰ Malaikat katigo manghombus trompetnyo, mako jatuhlah dari langit saincek bintang gadang, manyalo sakiro obor, dan bintang tu manimpo sapartigo dari sunge jongon mato a'i. ¹¹ Namo bintang tu iyolah Apsintus. Mako, sapartigo dari sadonyo a'i manjadi apsintus jongon banyak urang mati karano a'i tu karano a'i tu ala dijadikan pait. ¹² Malaikat kaampek manghombus trompetnyo, mako taampoklah sapartigo matohari, sapartigo bulan, jongon sapartigo bintang sahinggo sapartigo dari sidak manjadi kalam, dan sapartigo siang hari manjadi kalam jongon damikian pulo pado malam hari. ¹³ Lalu, ambo maliek jongon mandanga saikku pipik rajowali tabang di tanga-tanga langit, mangeccek, jongon suaro nyaring, "Celaka, celaka, celakalah sidak na diam di bumi karano bunyi trompet katigo malaikat lain na masih akan ditiup."