¹ Kamudian, ambo maliek langit na baru jongon bumi na baru. Sabab, langit na duluan jongon bumi na duluan ala lenyap; dan laut pun ala indak ado lai. ² Lalu, ambo maliek kota na kudus, Yerusalem Baru, turun dari langit, dari Allah, jongon ala disiapkan bagaikan pangantin padusi badandan untuk lakkinyo. ³ Ambo mandanga suaro na kare dari tahta mangeccek, "Lieklah., kemah Allah ado di tanga-tanga manusio. Inyo akan tingga di antaro sidak jongon sidak akan manjadi umat-Nyo. Allah surang akan ado di antaro sidak jongon manjadi Allah sidak. ⁴ Inyo akan manghapus satiok a'i mato dari mato sidak jongon maut indak akan ado lai, indakakan ado lai pakabungan, tangisan, ato raso sakkik karano na lamo ala balalu." ⁵ Inyo na duduk di tahta tu mangeccek, "Lieklah, Ambo manjadikan sadonyo baru!" Kato-Nyo lai, "Tulislah ikko karano pangeccean-pangeccan ko dapek di piccayo jongon benar." ⁶ Kamudian, Inyo mangeccek kapado mabo, "Ala salase! Ambo iyolah Alfa jongon Omega, Na Mulo jongon Na Akhir. Ambo akan mangagikan minum kapado satiok urang na haus dari mato a'i kahidupan sacaro cumo-cumo. ⁷ Inyo na manang akan mawarisi sadonyo ikko; Ambo akan manjadi Allahnyo dan inyo akan manjadi anak-Ambo. ⁸ Akan tatapi, sidak na takkut, indak piccayo, jongon keji; pambunuh, urang-urang Sundal, tukang sihir, paro panyembah berhala, jongon sadonyo pandusto, akanmandapek bagian sidak dalam lautan na manyalo-nyalo samo api jongon balerong. Ikkolah kamatian kaduo." Yerusalem Baru ⁹ Kamudian, saincek dari tujuh malaikat na mamaccik tujuh cawan na panuh jongon tujuh bancano tarakhir tu datang jongon mangeccek kapado ambo, "Molah, ambo akan manunjukkan kapado kau pangantin padusi, bini Anak Domba tu." ¹⁰ Lalu, inyo mambaok ambo dalam Roh manuju ka saincek gunung na gadang bana jongon tinggi, sarto manunjukkan kapado ambo kota suci tu, Yerusalemn na turun dari langit, dari Allah, ¹¹ panuh jongon kamiloan Allah jongon cahayonyo sakiro permato na maha bana, sakiro permaato yaspis, janih sakiro kristal. ¹² Kota tu mampunyoi tembok na gadang jongon tinggi jongon duo bale pintu gerbang. Pado pintu-pintu gerbang tu ado duo bale malaikat jongon namo-namo tatulis di atenyo, yaitu namo kaduo bale suku Israel. ¹³ Ado tigo pintu gerbang di sabalah timur, tigo pintu gerbang di sabala utaro, tigo pintu gerbang di sabala salatan, jongon tigo pintu gerbang di sabala barat. ¹⁴ Tembok kota tu mampunyoi duo bale batu fondasi jongon di ate batu-batu fondasi tu tatulis namo kaduo bale rasul Anak Domba. ¹⁵ Malaikat na mangeccek kapadomabo tu mamaccik saincek tongkat pangukku na tabuek dari ame untuk mangukku kota tu, pintu-pintu gerbangnyo, jongon temboknyo. ¹⁶ Kota tu babentuk sagi ampek, panjangnyo samo jongon lawenyo. Inyo mangukku kota tu jongon tongkatnyo, duo bale ribu stadia; panjang, lawe, jongon tingginyo samo. ¹⁷ Lalu, inyo mangukku tembok kota tu, saratus ampek puluh ampek hasta, manurut ukkuran manusio, na pulo marupokan ukkuran malaikat. ¹⁸ Tembok kota tu tabuek dari permato yaspis jongon kota tu tabuek dari ame murni, sabaning kacco. ¹⁹ Fondasi tembok kota tu tagak di ate sadonyo jenis permato na maha. Batu fondasi na duluan iyolah batu yaspis, na kaduo batu safir, na katigo batu mirah, na kaamoek iyolah batu zamrud, ²⁰ na kalimo batu unam, na kaanam batu sardis, na katujuh batu ratna cempaka, na kadalapan batu beril, na kasambilan batu krisolit, na kasappulu batu krisopras, na kasabale batu lazuardi, jongon na kaduo bale iyolah batu kecubung. ²¹ Kaduo bale pintu gerbangnyo iyolah duo bale mutiaro, masing-masing pintu gerbang tabuek dari saincek mutiaro. Jalan kota tu tabuek dari ame murni, sabaning kacco. ²² Ambo indak maliek Bait Allah di dalam kota itu karano Tuhan, Allah Na Mahakuaso, jongon Anak Domba suranglah Bait Allah kota tu. ²³ Kota tu indak mamarlukan matohari ato bulan untuk manaranginyo karano kamulioan Allah manarangi kota tu jongon Anak Domba iyolah lampunyo. ²⁴ Bangsa-bangsa akan bajalan dalam cahayo kota tu jongon rajo-rajo di bumi akan mambaok kamulioan sidak ka dalamnyo. ²⁵ Pintu-pintu gerbangnyo indak akan panah ditutup pado siang hari, jongon indak akan ado malam hari di sinun. ²⁶ Sidak akan mambaok kamulioan jongon hormat bangsa-bangsa ka dalam kota tu. ²⁷ Namun, dak sasuatu pun na najis akan masuk ka dalam kota tu, pulo urang na malakukan hal-hal keji ato malakukan kabohongan, malainkan hanyo na namonyo tatulis dalam Kitab Kahidupan Anak Domba.