¹ Kamudian, ambo maliek malaikat turun dari surga, mambaok kunci jurang maut jongon saincek rante gadang ditangannyo. ² Inyo manangkok naga tu, si Ula Tuo, na iyolah Setan jongon Iblis, jongon mangikkutinyo salamo saribu tahun, ³ malantingkannyo ka dalam jurang maut, manutupnyo, jongon manyegelnyo supayo inyo indak akan manyasekkan bangsa-bangsa lai, sampe saribu tahun tu barakhir. Satala itu, inyo akan dilapekan untuk samantaro. ⁴ Lalu, ambo maliek tahta-tahta jongon di atenyo duduk urang-urang na diagi kuaso untuk manghakimi. Ambo maliek jiwo urang-urang na dikudung kapalonyo karano kasaksian Yesus jongon karano Firman Allah, jongon sidak na indak manyambah binatang tu ato patungnyo jongon indak manari mo tando binatang tu pado dahi jongon tangan sidak. Sidak hidup kambali jongon mamarintoh basamo Kristus salamo saribu tahun. ⁵ Akan tatapi, urang-urang mati na lainnyo indak hidup lai sabalum maso saribu tahun tu barakhir. Ikkolah kabangkitan na duluan. ⁶ Dibarkatilah jongon kuduslah urang-urang na mamperoleh bagian dalam kabangkitan duluan tu. Tahadok urang-urang ko, kamatian kaduo indak bakuaso, tatapi sidak akan manjadi imam-imam Allah jongon Kristus, jongon akan mamarintoh basamo Inyo salamo saribu tahun. Kakalahan Iblis ⁷ Satala maso saribu tahun barakhir, iblis akan dilapekan dari panjaronyo. ⁸ Inyo akan pai untuk manyasekkan bangsa-bangsa pado kaampek panjuru bumi, Gog jongon Magog,jongon mangumpukan sidak untuk baparang. Jumlah sidak sakiro kasik di laut. ⁹ Sidak naik ka dataran bumi jongon mangapung pakemahan urang-urang kudus jongon kota na takasih. Namun, api turun dari langit jongon manghanguskan sidak. ¹⁰ Lalu, Setan na ala manyasekkan sidak dilantingkan ka dalam lautan api jongon belerang, di sinunlah binatang jongon nabi palsu tu pulo dilantingkan. Sidak akan disikso siang jongon malam salamo-lamonyo. Panghakiman di Mukko Tahta Putih ¹¹ Satala itu, ambo maliek tahta putih na gadang jongon Inyo na duduk di atenyo, na dari mukko-Nyo bumi jongon langit lanyap jongon indak dujumpoi lai tampek bagi sidak. ¹² Jongon, ambo maliek urang-urang mati, gadang jongon ketek, tagak di mukko tahta tu. Lalu, dibukkaklah kitab-kitab na lain, yaitu Kitab Kahidupa, jongon urang-urang mati tu di hakkimi badasarkan apo na tatulis dalam kitab-kitab tu, sasue pabuekan sidak. ¹³ Laut manyerahkan urang-urang mati na ado di dalamnyo, maut jongon Hades pulo manyerahkan urang-urang mati na ado di dalamnyo jongon sidak dihakkimi, masing-masing manurut pabuekannyo. ¹⁴ Lalu, maut jongon Hades dilantingkan ka dalam lautan api. Ikkolah kamatian na kaduo lautan api. ¹⁵ Apobilo sasaurang namonyo indak tatulis dalam Kitab Kahidupan, inyo akan dilantingan ka dalam lautan api tu.