¹ Kamudian, malaikat tu manunjukkan kapado ambo sunge a'i kahidupan, na baning sakiro kristal, mangalir dari tahta Allah jongon Anak Domba ² ditanga-tanga jalan kota tu. Di kaduo sisi sunge, tumbuh batang kahidupan namanghasilkan duo bale maccam buah jongon manghasilkan buahnyo satiok bulan. Daun-daun batang tu di gunokan untuk mancegakkan bangsa-bangsa. ³ Indak akan ado lai kutuk, tatapi tahta Allah jongon Anak Domba akan ado di dalam kota tu. Hamba-hamba-Nyo akan manyambah Inyo. ⁴ Sidak akan maliek mukko-Nyo jongon namo-Nyo akan tatulis pado dahi sidak. ⁵ Malam indak akan ado lai sahinggo sidak indak mamarlukan cahayo lampu ato matohari karano Tuhan Allah akan manarangi sidak, jongon sidak akan mamarintoh salamo-lamonyo. ⁶ Malaikat tu mangeccek kapado ambo, "Sadonyo pangeccean ko dapek dipiccayo jongon benar. Tuhan, Allah dari roh paro nabi, manyuruh malaikat-Nyo untuk manunjukkan kapado hamba-hamba-Nyo apo na harus lakke tajadi. ⁷ Dangalah, Ambo lakke datang! Dibarkatilah urang na manaati pangeccean-pangeccean nubuat kitab ko." ⁸ Ambo, Yohanes, na ala mandanga jongon maliek sadonyo itu. Katiko ambo mandanga jongon maliek sadonyo, ambo basujud untuk manyambah di kakki malaikat na ala manunjukkan sadonyo tu kapado ambo. ⁹ Namun, inyo mangeccek kapado ambo, "Jangan pabuek itu! Ambo iyolah hamba samo sakiro kau jongon saudaro-saudaro kau, paro nabi, sarto sakiro sidak na manaati pangeccean-pangeccean dalam kitab ko. Sambahlah Allah!" ¹⁰ Kamudian, malaikat tu mangeccek kapado ambo,"Jangan manyegel pakatoan-pakatoan nubuat dalam kitab ko karano waktunyo ala dakkek." ¹¹ Padiakan urang babuekjahe, urang na indak suci tetap indak suci, urang na babuek benar tetap malakukan kabenaran, jongon urang na kudus tetap manguduskan dirinyo." ¹² "Dangalah, Ambo lakke datang! dan, Ambo mabaok upoh-Ambo, untuk mambale satio urang manurut pabuekannyo. ¹³ Ambo iyolah Alfa jongon Omega, Na Duluan jongon Na Tarakhir, Na Mulo jongon Na Akhir. ¹⁴ Dibarkatilah sidak na manyucci jubah sidak sahinggo sidak mampunyoi batang kahidupan tu jongon masuk ka kota tu malalui pintu-pintu gerbangnyo. ¹⁵ Na di lua kota tu iyolah anjing-anjing, urang na malakukan sihir, urang-urang cabul, paro pambunuh, paro panyambah berhala, jongon urang-urang na manyukkoi kabohongan. ¹⁶ Ambo, Yesus, ala manyuruh malaikat-Ambo untuk basaksi kapado kau tantang sadonyo ikko kadi jemaat-jemaat. Ambolah tune jongon katurunan Daud, Sang Bintang Timur na bandarang." ¹⁷ Roh jongon pangantin padusi tu mangeccek, "Molah!" Padialah urang na haus datang: padialah urang na basadio mangambik a'i kahidupan sacaro cumo-cumo." Panutup ¹⁸ Ambo basaksi kapado sadonyo urang na mandanga pangeccean nubuat kitab ko: "Jiko ado na manambhakan sasuatu pado pangeccean-pangeccean ko, Allah akan manambahkan kapadonyo sadonyo bancano na tatulis dalam kitab ko. ¹⁹ Jongon, jiko ado na mangurangi sasuatu dari pangeccean-pangeccean nubuat tu, Allah akan mangambik bagiannyo dari batang kahidupan, dari kota kudus, jongon dari hal-hal na tatulis dalam kitab ko." ²⁰ Inyo na basaksi manganai hal-hal ko mangeccek, "Ya, Ambo lakke datang." Amin! Datanglah, Tuhan Yesus ²¹ Anugrah Tuhan Yesus manyartoi kau sadonyo. Amin.