¹ Yesus mangeccek lai kapado sidak salam parumpamoan-parumpamoan, cakkap-Nyo, ² "Karajaan Surga dapek di umpamokan sakiro saikku rajo na mangadokan pesta panikkahan untuk anak lakki-lakkinyo. ³ Dab, inyo manyuruh paro hambanyo untuk mangimbo urang-urang na ala di undang ka pesta tu, tatapi sidak indak mau datang. ⁴ Lalu, rajo manyuruh lai hamba-hamba na lain, katonyo, "Katokanlah kapado urang-urang na di undang, liek, ambo ala mampasiapkan hidangan ambo. Lembu-lembu jantan jongon ternak-ternak gemukan sadonyo ala di saik, dan sadonyo ala siap. Datanglah ka pajamuan kawin ko." ⁵ Akan tatapi, sidak mangabaikan dan pai, na sa incek ka ladangnyo, na lain ka usahonyo, ⁶ dan lainnyo manangkok hamba-hamba rajo tu, manyikso, jongon mambunu sidak. ⁷ Mako, sang rajo marah, jongon mangirim tantaro-tantaronyo, mambinasokan pambunuh-pambunuh tu, dan mambakkar kota sidak. ⁸ Kamudian, inyo bacakkap kapado hamba-hambanyo, 'Pesta panikkahan ala siap, tatapi urang-urang na di undang tu indak layak. ⁹ Oleh karano itu, pailah ka jalan-jalan rayo jongon undanglah sabarapo banyak urang na dapek kau jumpoi ka pesta panikkahan ko.' ¹⁰ Mako, hamba-hamba tu pai ka jalan-jalan dan mangumpukan sadonyo urang na sidak jumpoi, na elok jongon na jahek. Dan, tampek panikkahan tu dipanuhi jongon paro tamu. ¹¹ Akan tatapi, katiko rajo masuk untuk basuo jongon paro tamunyo, inyo maliek sasaurang di sinun, na indak mangkanekan pakkean untuk pesta panikkahan. ¹² Inyo bacakkap kapadonyo, 'Sodaro, baapo kau biso masuk ka sikko tanpa mamakke pakkean untuk pesta panikkahan?' Dan, urang tu tadiam. ¹³ Kamudian rajo tu bacakkap kapado hamba-hambanyo, 'Kabeklah tangan dan kakkinyo, jongon lantingkanlah inyo ka dalam kagalapan na paling lua. Di sinun, akan ado tangis jongon kartak gigi.' ¹⁴ Sabab, banyak na diimbo, tatapi saketek na di pilih." USAHO PAMIMPIN YAHUDI UNTUK MANJEBAK YESUS ¹⁵ Kamudian, urang-urang Farisi pai dan bakomplot supayo sidak dapek manjarek Yesus jongon ucapan-Nyo. ¹⁶ Dan, sidak mangutus murid-murid sidak kapado Yesus, basamo jongon urang-urang Herodian. Sidak bacakkap, "Guru, kami tau bahwo Kau jujur dan mangajarkan jalan Allah dalam kabenaran. Kau indak takkut pado siapopun kaeano Kau maliek rupo. ¹⁷ kok baitu, katokanlah pandapek-Kau kapado kami. Apokah dibenarkan untuk mambai pajak kapado kaisar ato indak?" ¹⁸ Akan tatapi, Yesus mangatahui kajahekan sidak jongon bacakkap, "Mangapo kau mancuboi Ambo, hai munafik? ¹⁹ Tunjukkanlah kapado-Ambo kepeng untuk pajak tu." Lalu, sidak manyerahkan sakeping dinar kapado-Nyo. ²⁰ Dan, sidak mangeccek ka sidak, "Gambar samo tulisan siapo ikko?" ²¹ Sidak manjawab, "Kaisar." Kamudian, Yesus mangeccek ka sidak, " karano nyotu, bailah kapado Kaisar hal-hal punyo kaisar, dan kapado Allah hal na punyo Allah." ²² Katiko mandanganyo sidak taheran-heran, dan maninggakan-Nyo dan pai. USAHO URANG SADUKI UNTUK MANJEBAK YESUS ²³ Pado hari na samo urang-urang Saduki, na mangeccek bahwo indak ado kabangkian, datang kapado Yesus dan batanyo kapado-Nyo. ²⁴ Sidak mangeccek, "Guru, Musa mangeccek bahwosaurang lakki-lakki mati dan indak mampunyoi anak, sodaro lakki-lakkinyo harus mangawini bininyo dan manaruskan katurunan ka sodaronyo na maningga tu. ²⁵ Kini, ado tujuh basodaro di antaro kami. Na duluan manikka, dan mati tanpo mampunyoi anak, dan maninggakan bininyo ka sodaronyo. ²⁶ Damikian pulo jongon na kaduo, na katigo, sampe na katujuh. ²⁷ Akhir dari sadonyo, padusi tu mati. ²⁸ Pado hari kabangkian, padusi tu manjadi bini siapo dari katuju basodaro tu? Sabab, sidak ala mangawininyo." ²⁹ Akan tatapi, Yesus manjawab dan mangeccek kapado sidak, "Kau tasasek, indak mangarti Kitab Suci atopun Kuaso Allah. ³⁰ Sabab, pado hari kabangkian, sidak indak kawin atopun dikawini, tatapi sakiro malaikat-malaikat di surga. ³¹ Namun, takana kabangkian urang-urang mati, balum kau bacco apo na dikatokan kapado kau oleh Allah Abraham, Allah Ishak, jongon Allah Yakub'? Inyo indak Allah urang mati, malainkan Allah urang hidup." ³³ Katiko urangbanyak mandanga hal ko, sidak taheran-heran tahadok pangajaran-Nyo. HUKKUM MANOKAH NA PALING PANTING? ³⁴ Namun, katiko urang-urang Farisi mandanga bahwo Yesus alamambuek urang-urang Saduki tadiam, bakumpulah sidak. ³⁵ Kamudian, saurang ahli Hukkum Taurek, batanyo kapado Yesus untuk manguji-Nyo, ³⁶ "Guru, parinto mano na paling panting dalam Hukkum Taurek?" ³⁷ Dan, Yesus bacakkap kapadonyo, '"Kau harus mangasihi Tuhan Allahkau jongon saganap hatikau, jongon jiwokau, dan jongon pikkirankau. ³⁸ Ikko iyolah parinto na gadang jongon duluan. ³⁹ Na kaduo iyolah sakiro ikko, ' Kau harus mangasihi sasamokau sakiro dirikau sorang.' ⁴⁰ Dalam kaduo parinto ko, tagantung sadonyo Hukkum Taurek jongon kiyan paro nabi." PARTANYOAN TANTANG MESIAS ⁴¹ Kini, samantaro urang-urang Farisi bakumpu basamo, Yesus batanyo kapado sidak, ⁴² "Baapo pandapekkau tantang Kristus? Anak siapo Inyo?" Sidak bacakkap kapado-Nyo, "Anak Daud." ⁴³ Inyo bacakkap kapado sidak, "Kok baitu, baapokah Daud, dalam Roh, mangimbo-Nyo 'Tuan,' katonyo, ⁴⁴ 'Tuhan bafirman kapado Tuan ambo, "Duduklah di sabala kanan-Ambo, Sampe Ambo manampekkan musuh-musuh-Kau di bawa kakki-Kau.'? ⁴⁵ Jiko Daud mangimbo kristus sabage 'Tuan' baapo mungkin Inyo iyolah anak Daud?" ⁴⁶ Indak saurang pun na dapek manjawab saincek kato pun kapado-Nyo. Dan, sajak hari tu, indak ado urang na barani mananyokan partanyaan-partanyaan lai kapado-Nyo.