¹ kamudian, Yesus bacakkap kapado urang banyak dan murid-murid-Nyo, ² "paro ahli taurat dan urang-urang Farisi duduk di ate kursi Musa. ³ Oleh karano itu, sagalo hal, sabanyak na sidak katokan kapado kau, lakukanlah dan perhatikanlah. Akan tatapi, jangan lakukan pabuatan-pabuatannyo karano sidak mangatokannyo, tatapi indak malakukannyo. ⁴ Sidak mangabekkan beban-beban na barek dan malatakkannyo di ate pundak urang lain. Akan tatapi, sidak sandiri indak mau mamindahkannyo jongon jari sidak. ⁵ Sidak malakukan sadonyo pabuatan sidak supayo diliek urang. Sidak mampalawe tali-tali sambayangnyo dan mampagadang rumbai-rumbai unjung jubah sidak. ⁶ Sidak manyukkoi tampek tahormat dalam parjamuan, tampek duduk ta mukko dalam sinagoge-sinagoge, ⁷ salam panghormatan di tampek-tampek umum, dan disabut Rabi oleh urang-urang. ⁸ Akan tatapi, kau jangan disabut rabi karano hanyo saincek Guru kau, dan kau sadonyo badusanak. ⁹ jangan manyabut siapo sajo sabagai ayah kau didunio ko karano saincek sajo Ayah kau, yaitu Inyo na di surga. ¹⁰ Jangan pulo kau disabut pamimpim karano saincek sajo pamimpin kau, yaitu Kristus. ¹¹ Namun, na tagadang di antara kau, hendaklah inyo manjadi pelayan kau. ¹² Siapo na maninggikan dirinyo akan direndekan dan siapo na marendekan dirinyo akan ditinggikan. ¹³ Calakalah kau, ahli-ahli Taurat dan urang-urang Farisi, urang-urang munafik! Kau manutup pintu karajaan Surga di mukko urang karano kau sorang indak mamasukinyo dan juo indak mangizinkan sidak na sadang masuk untuk mamasukinyo. ¹⁴ Celakalah kau, hei ahli-ahli Taurat dan urang-urang Farisi, urang-urang munafik! kau malahap rumoh para janda dan untuk mambuek doa-doana panjang. Karano itu, kau akan manarimo hukuman na lebih barek. ¹⁵ Calakalah kau, hei ahli-ahli Taurat dan urang-urang Farisi, urang-urang munafik! kau manjalajoi lautan dan daratan untuk mambaok saurang masuk ka dalam agama kau. Dan, katiko inyo ala manjadi salah sainceknyo, kau manjadikannyo anak narakko, duo kali lipek daripado kau sandiri. ¹⁶ Celakalah kau, hai paro pamimpin buto, na mangeccek, 'siapo na basumpah demi Bait Allah, hal itu indak ado artinyo. Akan tatapi, siapo na basumpah demi ame Bait Allah, inyo takabek oleh sumpahnyo itu.' ¹⁷ Kau, na bodoh dan na buto! Mano na tagadang, ame atau Bait Allah na manguduskan ame tu? ¹⁸ Dan, 'Siapo na basumpah demi altar, sumpah tu indak ado artinyo. Akan tatapi, siapo na basumpah demi pasembahan di ate altar tu, into takabek oleh sumpahnyo itu. ¹⁹ Hai kamu urang-urang buto! Mano na gadang, pasembahan atau altar na manguduskan parsembahan tu? ²⁰ Karano itu, siapo na basumpah demi altar dan sadonyo na ado di atenyo. ²¹ Siapo na basumpah demi Bait Allah, basumpah demi Bait Allah dan demi Inyo na diam didalamnyo. ²² Dan, Siapo na basumpah demi surga, basumpah demi takhta Allah, dan demi Inyo na duduk di atenyo. ²³ Calakalah kau, hei ahli-ahli Taurat dan urang-urang Farisi, urang-urang munafik! kau mangunjuk parsepuluhanmu dari selasih, adas manis, dan jintan, tatapi ala mangabaikan hal-hal na lebih barek dari Hukum Taurat, yaitu keadilan, ibo hati, dan iman. Hal-hal ikkolah na seharusnyo ala kau lakukan tanpa mangabaikan hal-hal na lain. ²⁴ Kau pamimpin-pamimpin buto, na manyaring nyamuk dan manalan saikku unta! ²⁵ Calakalah kau, hei ahli-ahli taurat dan urang-urang Farisi, urang-urang munafik! sabab, kau mambarsihkan bagian luar cangki dan pinggan kau, tatapi bagian dalamnyo panuh rampasan dan keserakkohan. ²⁶ Kau, Urang-urang Farisi na buto! Barsikan daulu bagian dalam cangki dan pinggan, mako bagian luarnyo juo bisa manjadi barsih ²⁷ Celakalah kau, ahli-ahli Taurat dan urang-urang Farisi, urang-urang munafik! sabab, kau samo sakiro kuburan na di cat putih, pado bagian luarnyo tacalik rancak, tatapi bagian dalamnyo panuh jongon tulang-tulang urang mati dan sadonyo kanajisan. ²⁸ Bagitu pulo jongon kau, pado bagian lua kau tampak benar bagi manusio. Akan tatpi, pado bagian dalam kau panuh kamunafikan dan kajahatan. ²⁹ Calakalah kau, ahli-ahli Taurat dan urang-urang Farisi, urang-urang munafik! sabab, kau mambangun kuburan-kuburan paro nabi dan mamparancak nisan-nisan urang-urang saleh, ³⁰ dan mangeccek, 'jiko kami ala hidup pado masa nenek moyang kami, kami indak akan ambik bagian jongon sidak dalam daroh para nabi.' ³¹ Jongon baitu, kau basaksi tahadok diri kau sandiri bahwa kau adalah anak-anak sidak na mambunuh para nabi. ³² Jadi, ganapilah ukuran para nenek moyang kau. ³³ Kau, ula-ula baludak, bagaimano kau akan malapekan diri dari hukuman narakko? ³⁴ Karano itu, lieklah, Ambo mangutus nabi-nabi urang-urang bijaksana, dan ahli-ahli Taurat kapado kau. Babarapo dari sidak akan kau bunuh dan disalibkan, babarapo akan kau ampoki di sinagoge-sinagoge kau, dan kau aniaya dari kota ka kota, ³⁵ supayo sadonyo darah urang-urang benar na di tunggangkan di bumi akan datang kapado kau, mule dari darah Habel, urang na benar tu, sampe kapado darah Zhakaria, anak Berekhya, na kau bunuh di antaro Bait Allah dan altar. ³⁶ Sasungguhnyo, ambo mangeccekkan kapado kau bahwo sadonyo hal-hal ko akan datang ate generasi ko." ( Hukuman Bagi Yerusalem ) ³⁷ "Oh Yerusalem, Yerusalem, na mambunuh paro nabi dan malantingi jongon batu sidak na diutus kapadonyo. Batapo seringnyo ambo nandak mangumpukan anak-anak kau basamo, bagaikan induk ayam mangumpukan anak-anaknyo dibawah sayapnyo, tatapi kau indak mau. ³⁸ Lieklah, rumoh kau ditinggakan bagi kau dan manjadi sunyi. ³⁹ Sabab, Ambo mangatokan kapado kau bahwa mule kini, kau indak akan maliek Ambo lai sampai kau bacakkap, 'Diberkatilah Inyo na datang dalam ama Tuhan."