¹ Katiko sidak dakkek jongon Yerusalem jongon ala tibo di Betfage, dibukkit Zaitun, Yesus mangutus duo urang murid-Nyo; ² keccek-Nyo kapado sidak, pailah ka desa na ado dimukko kau, jongon kau akan langsung manamukan saikku kaledai na takabek jongon saikku anak kaladai basamonyo. Lapekan kabek sidak jongon baoklah kaduonyo kapado ambo. ³ Jiko ado urang na mangeccekkan sasuatu kapado kau, kau harus mangeccek, Tuan mamarlukannyo, inyo akan mangirimkannyo lakke." ⁴ Hal ko tajadi supayo taganapilah apo na dikeccekkan nabi: ⁵ "Keccekkan kapado putri Sion, lieklah, Rajo kau datang kapado kau jongon manunggang saikku kaledai, saikku kaledai mudo, anak dari kaledai beban. ⁶ Murid-murid pai jongon malakukan sakiro na la Yesus parintokan kapado sidak. ⁷ Sidak mambaok kaledai basarto anak kaledai tu, jongon malatakkan jubah-jubah sidak diate keledai-keledai tu, Yesus duduk diatenyo. ⁸ sabagian gadang dari urang banyak tu mambentangkan jubah-jubah sidak di jalan, jongon na lainnyo mangkudung ranting-ranting batang, lalu manyebarkannyo dijalan. ⁹ Banyak urang bajalan dimukko-Nyo sidak mangikkuti-Nyo basorak, Hosana bagi Anak Daud! Diberkatilah Inyo na datang dalam namo Tuhan. Hosana ditampek na tinggi! ¹⁰ Katiko Yesus mamasuki Yerusalem, saluru kota digemparkan. Sidak batanyo, siapokah inyo ikko? ¹¹ urang banyak tu manjawab, Inyo adalah Nabi Yesus, dari Nazaret di Galilea. YESUS MANYUCIKAN BAIT ALLAH ¹² lalu, Yesus masuk ka bait Allah jongon mangusi urang-urang na sadng manjualbalikan di Bait Allah. Lalu manjungkirbalikkan meja-meja panukkaran kepeng jongon bangku sidak na manjua pipik-pipik merpati. ¹³ Inyo mangeccek kapado sidak, "Ala tatulis Rumoh ambo akan disabut Rumoh doa, tatapi kau manjadikannyo sabagai sarang para parampok." ¹⁴ Urang na buto serta na lumpuh datang kapado-Nyo datang ka Bait Allah, lalu Inyo mancegakkan sidak. ¹⁵ Namun, katiko para imam kapalo jongon Ahli-ahli Taurat maliek mukjizat-mukjizat na ala dilakukan Yesus jongon maliek anak-anak na basurak dalam bait Allah, Hosana bagi Anak Daud, sidak manjadi berang. ¹⁶ lalu, sidak batanyo kapado Yesus, "apokah kau mandanga apo na dikeccekkan anak-anak tu?" Yesus manjawab sidak, Ya. Balum panahkah kau mambacco, dari mulut bayi-bayi jongon anak-anak na manyusu, kau la manyiapkan pujian untuk diri kau surang. ¹⁷ kamudian, Yesus maninggakan sidak jongon kalua dari kota tu ka Betania jongon ba malam disinun. YESUS MANUNJUKKAN KUASO IMAN ¹⁸ Kini, pado pagi hari, katiko Yesus kambali ka kota, Inyo manjadi lapa. ¹⁹ katiko maliek batang ara di pinggi jalan, Inyo mandatanginyo jongon indak mandapeki apo-apo, kacuali daun-daun sajo. Inyo mangeccek kapado batangtu, "indak akan panah ado buah lai dari pado kau sampe salamo-lamonyo!" Saat tu juo, batang ara tu dijadikan karing. ²⁰ Katiko murid-murid maliek hal ikko, paro murid taheran-heran jongon batanyo, " maccam mano batang ara tu karing sakajap tu juo?" ²¹ Yesus manjawab sidak, sasungguhnyo ambo mangeccek kapado kau, jiko kau mampunyoi iman jongon indak bimbang kau indak hanyo malakukan apo na dilakukan tahadop batang ara ko, bahkan jika kau mangeccek kapado gunung ko, tarangkek jongon tacampaklah kadalam laut, hal tu akan tajadi. ²² Dan, sagalo sasuatu na kau mintak dalam doa, picayolah, kau akan manarimonyo." ( Pamimpin Yahudi Maragukan Kuaso Yesus ) ²³ Katiko Yesus mamasuki bait Allah, paro imam kapalo jongon para tuo-tuo bangso yahudi datang kapado-Nyo samantaro Inyo sadang mangajar samo batanyo, "jongon kuaso apokah kau malakukan hal-hal ko? dan siapokah na mangagi kau kuaso?" ²⁴ Yesus manjawab sidak,"ambo juo mananyokan saincek hal kapado kau, kok bisa kau manjawabnyo, ambo akan mangagi tau kau jongon kuaso apo ambo malakukan sadonyo ikko. ²⁵ Darimanokah baptisan Yohannes? dari surga atau dari manusio? sidak mulai mambicarokannyo diantaro sidak surang, kecceknyo, "jiko kito mangeccek berasal dari surga Inyo akan mangeccek kok baitu, mangapo kau indak piccayo kapado Yohannes? ²⁶ akan tatapi, kok kito manjawab, barasal dari manusio. koto takkut kapado urang banyak karano sidak sadonyo manganggap bahwo Yohannes adalah nabi." ²⁷ mako sidak manjawab Yesus, "kami indak tau, dan yesus mangeccek, "kok baitu, ambo juo indak mangagi tau kau jongon kuaso apo ambo malakukan hal-hal ikko. PARUMPAMOAN TANTANG DUO URANG ANAK ²⁸ " Namun apo pandapek keu? ado urang na mampunyoi duo anak lakki-lakki, inyo datang kapado na pertamo samo mangeccek, Anak ambo, pai dan karajolah hari ko dikabun anggur. ²⁹ dan, inyo manjawab, ya Ayah, tatapi satalah itu inyo indak pai. ³⁰ kamudian Ayah itu pai kapado na kaduo dan mangeccekan hal na samo. Anak tu manjawab Indak mau, tatapi inyo manyesal lalu pai. ³¹ Siapokah dari kaduo anak tu na mamatuhi ayahnyo? sidak mangeccek, na tarakhir. Yesus mangeccek kapado sidak, "sasungguhnyo, ambo mangeccekkan kapdo kau bahwa para pangumpu pajak dan pelacur-pelacur akan masuk kadalam kerajaan Allah mandaluani kau. ³² Sabab, Yohannes datang kapado kau dalam jalan kabanaran dan kau indak mampiccayoinyo, tatapi, para pangumpu pajak jongon pelacur-pelacur mampiccayoinyo. katiko kau maliek hal ko bahkan indak manyesal sasudahnyo sahinggo kau dapek mampiccayoinyo. PARUMPAMOAN TANTANG PAMPUNYO DAN PANYEWA KABUN ANGGUR ³³ "Dangalah parumpamaan na lain. Ado pampunyo kabun na mananami sabuah kabun anggur, dan mamasang pagar disakalilingnyo, dan manggali tampek pamerasan anggur, dan managakkan menara. kamudian, inyo manyewakan kabun anggurnyo kapado babarapo petani, dan inyo barangkek ka luar negeri. ³⁴ katiko musim buah hampir tibo, inyo mangutus hamba-hambanyo kapado petani-petani tu untuk manarimo buahnyo. ³⁵ Dan, paro petani manangkok para pelayan tu dan mangampok na saurang, dan mambunuh na saincek, dan na lainnyo di lantingi batu. ³⁶ Sakali lai, pampunyo kabun tu manyuruh hamba-hambanyo na lain, na labih banyak daripado sabalumnyo. Paro petani itu malakukan hal na samo tahadok sidak. ³⁷ Akhirnyo,pampunyo kabun tu mangutus anaknyo kapado sidak, katonyo, 'sidak akan manghormati anak ambo.' ³⁸ Akan tatapi, katiko para petani itu maliek anaknyo, sidak mangeccek diantaro sidak saurang, 'Inyo adalah ahli waris, mo kito bunuh inyo dan marampas warisannyo.' ³⁹ lalu, sidak manangkok anak pampunyo kabun tu, malantingkannyo ka lua kabun anggur, dan mambunuhnyo. ⁴⁰ Karano itu, katiko pampunyo kabun anggur tu datang, apo na akan inyo lakukan kapado petani-petani tu?" ⁴¹ Sidak mangeccek kapado-Nyo, "Inyo akan mambinasokan urang-urang jahat tu jongon dangat jahek, dan akan manyewakan kabun anggurnyo kapado petani-petani na lain, na akan manyerahkankapadonyo buah-buah pado musimnyo." ⁴² Yesus mangeccek kapado sidak, "Apokah kau indak panah mambacco dalam Kitab Suci: 'Batu na ditolak oleh tukang-tukang bangunan ala manjadi batu panjuru. hal ko tajadi dari pihak Tuhan, dan hal ko ajaib dimato kito'? Mazmur 118:22-23 ⁴³ Karano itu, Ambo mangeccek kapado kau, karajaan Allah akan diambik dari kau dan akan diagikan kapado urang-urang na manghasilkan buah darinyo. ⁴⁴ Siapo na jatuh ka ate batu ko akan dipaccakan bakeping-keping; dan siapo pun na ditimpo batu ko akan ramuk." ⁴⁵ Katiko imam-imam kapalo dan urang-urang Farisi mandanga parumpamaan-parumpamaan-Nyo, sidak mangarti bahwa Yesus sadang mangeccek tantang sidak. ⁴⁶ Akan tatapi, katiko sidak barusaha untuk managkok Yesus, sidak takut kapado urang banyak karano orang banyak tu manganggap bahwo Yesus adalah nabi.