"Sabab, Karajaan Surga iyolah sakiro pampunyo kabun na pagi-pagi bana pai untuk mancari pakarajo-pakarajo bagi kabun anggurnyo. ² Katiko inyo ala sepakatjongon paro pakarajo tu untuk sedinar sahari, inyo manyuruh sidak kakabun anggurnyo. ³ Dan, kiro-kiro pado jam katigo inyo pai jongon maliek na lainnyo sadang tagak manganggur di tampek umum. Lalu, inyo bacakkap kapado sidak, 'Kau, pailah pulo ka kabun anggur dan apo na pantas akan ambo agikan kapadokau.' Dan, sidak pun pai. ⁵ Sakkali lai, sakitar jam ka anam jongon jam kasambilan inyo pai dan malakukan hal na samo. ⁶ Dan, kiro-kiro pado jam kasabale, inyo pai dan manamukan na lainnyo sadang tagak dan inyo bacakkap kapado sidak, 'Mangapo kau tagak di sikko manganggur sapanjang hari?' ⁷ Sidak bacakkap kapadonyo, 'Karano balum ado na mampakarajokan kami.' Pampunyo kabun tu bacakkap kapado sidak, 'Kau, pailah pulo ka kabun anggur ambo.' ⁸ Katiko hari ala malam, pampunyo kabun tu bacakkap kapado mandornyo, 'Imbolah paro pakarajo jongon baikan kapado sidak gajinyo, dimule jongon na tarakhir sampe ka na partamo.' ⁹ Katiko sidak na dipakarajokan pado jam kasabale, datang, masing-masing urang manarimo 1 dinar. ¹⁰ Katiko sidak na dipakarajokan partamo kali, datang, sidak mangiro akan manarimo labi banyak. Namun, sidak masing-masing pulo manarimo 1 dinar. ¹¹ Katiko manarimonyo, sidak mamprotes kapado pampunyo kabun. ¹² Sidak bacakkap, 'Urang-urang na masuk tarakhir hanyo bakarajo salamo 1 jam, dan kau mambuek sidak samo jongon kami, na ala mananggung beban jongon hangek terik saharian.' ¹³ Akan tatapi, pampunyo kabun tu manjawab jongon bacakkap kapado saincek dari sidak, 'Sodaro, ambo indak basala kapadokau. Indakkah kau ala sepakat jongon ambo untuk saincek dinar? ¹⁴ Ambiklah punyokau dan pailah, tatapi ambo nandak mangagi kapado urang na tarakhir ko, samo sakiro kapadokau. ¹⁵ Apokah ambo indak dibenarkan untuk malakukan apo pun na ambo nandakkan tahadok punyo ambo sorang? Ato, apokah matokau jahek karano ambo elok?' ¹⁶ Jadi, na tarakhir akan manjadi na partamo, dan na partamo akan manjadi na tarakhir." YESUS MANGECCEK LAI TANTANG KAMATIAN-NYO ¹⁷ Katiko Yesus akan pai ka Yerusalem, Inyo mambaok duo bale murid-Nyo sacaro tapisah. Dalam pajalanan, Inyo bacakkap kapado sidak, ¹⁸ "Lieklah, kita sadang manuju Yerusalem jongon Anak Manusio aka di serahkan kapado imam-imam kapalo jonogn ahli-ahli Taurek. Sidak akan manghukkum-Nyo jongon kamatian. ¹⁹ Lalu, sidak akan manyarahkan Inyo kapado bangsa-bangsa lain untuk mangejek, mancambuki, jongon amnyalibkan-Nyo. Dan, pado hari katigo, Inyo akan dibangkikkan." PAMOHONAN UMAK DARI ANAK-ANAK ZEBEDEUS ²⁰ Kamudian, umak dari anak-anak zebedeus basamo anak-anaknyo datang kapado Yesus dan basujud untuk mamintak sasuatu kapado Yesus. ²¹ Dan, Yesus bacakkap kapadonyo, "Apo na kau nandakkan?" Umak tu manjawab, "Parintokanlah supayo kaduo anak ambo bisa duduk dalam Karajaan-Kau, saincek di sabala kanan-Kau dan saincek di sabala kiri-Kau." ²² Akan tatapi, Yesus manjawab, "Kau indak mangarti apo na kau mintak. Apokah kau talok minum dari cawan na harus Amno minum?" Sidak bacakkap kapado Yesus, "Ya, kami talok." ²³ Yesus bacakkap kapado sidak, "Kau memang akan minum dari cawan-Ambo, tatapi untuk duduk kanan-Ambo ato kiri-Ambo, indaklah hak-Ambo mangagikannyo, malainkan bagi sidak na tala dipasiapkan samo Ayah-Ambo." ²⁴ Katiko sappuluh murid na lain mandanganyo, sidak berang kapado kaduo sodaro tu. ²⁵ Namun, Yesus mangimbo sidak jongon bacakkap, "Kau tau bahwo paro panguaso bangsa-bangsa lain mamarinto ate sidak, dan urang-urang gadang sidak manjalankan wewenang ate sidak. ²⁶ Saharusnyo indak damikian di antaro kau, tatapi siapo na nandak manjadi gadang di antaro kau, inyo harus manjadi palayan kau. ²⁷ Dan, siapo sajo na nandak manjadi na partamo di antaro kau, ²⁸ Samo sakiro Anak Manusio na datang indak untuk dilayani, tatapi untuk malayani jongon mangagikan nyawo-Nyo sabage tabusan bagi banyak urang." DUO URANG BUTO DICEGAKKAN ²⁹ Dan, katiko sidak maninggakan Yerikho,karumunan gadang urang mangikkuti-Nyo. ³⁰ Jongon, duo urang buto na sadang duduk di pinggi jalan, katiko mandanga bahwo Yesus lewat, sidak baseru, "Tuhan, Anak Daud, kasihanilah kami!" ³¹ Urang banyak mansapo sidak supayo sidak diam.Akan tatapi, sidak makkin kare mamakkik, "Tuhan, Anak Daud, kasihanilah kami!" ³² Lalu, Yesus baranti jongon mangimbo sidak. Inyo bacakkap, "Apo na kau nandak Ambo pabuek untukkau?" ³³ Sidak bacakkap kapado-Nyo, "Tuhan, kami nandak mato kami dibukkakkan." ³⁴ Yesus tagarak samo bale kasihan kapado sidak, dan manjamah mato sidak, daan saat tu pulo sidak manarimo pangliekannyo kambali, jongon mangikkut Yesus.