¹ Pado waktu tu, murid-murid datang kapado Yesus jongon batanyo, "Siapokah na gadang dalam Karajaan Surga?" ² Lalu, Yesus mangimbo saurang anak ketek kapado-Nyo, dan manampekkan anak ketek tu di tanga-tanga sidak, "Ambo mangatokan na sabananyo kapadokau, kacuali kau batobat dan manjadi sakiro anak-anak, kau indak akan masuk ka dalam Karajaan Surga. ⁴ Siapo na marandokan dirinyo sakiro anak ko iyolah na gadang dalam Karajaan Surga. ⁵ Dan, siapo na manarimo anak ketek sakiro na sa incek ko dalam namo-Ambo, inyo manarimo Ambo." PARINGEKAN TANTANG PANYEBAB DOSO ⁶ "Akan tatapi, siapo na manyasekkan salah saincek dari anak-anak ketek na piccayo kapado-Ambo ikko, labi elok baginyo jiko sabuah batu kilangan digantungkan pado lihinyo jongon dibanamkan ka laut na paling dalam. ⁷ Celakalah dunio karano panyasek-panyasek na ado di dalamnyo! Sabab, panyasekan memang harus tajadi, tatapi celakalah urang na mandatangkannyo. ⁸ Jiko tangan ato kakki kau mambuekkau badoso, kudung jongon campakkanlah itu. Labi elok bagikau masuk ka dalam hidup jongon tangan na kudung ato pincang daripado mampunyoi duo tangan jongon duo kakki, tatapi dicampakkan ka dalam api kekal. ⁹ Jiko matokau mambuek kau badoso, cungki jongon campakkanlah itu. Labi elok kau masuk ka dalam hidup jongon saincek mato, daripado mampunyoi duo mato tatapi dicampakkan ka dalam api narakko." ¹⁰ "Pahatikanlah, jangan kau maremekan saincek dari anak-anak ketek ko. Sabab, Ambo mangatokan kapado kau bahwo malaikat-malaikat sidak sdi surga salalu mamandang mukko Ayah-Ambo na di surga. ¹¹ Sabab, Anak Manusio tala datang untuk manyalamekkan urang na hilang. PARUMPAMOAN TANTANG DOMBA NA HILANG ¹² Baapo manurutkau? Jiko sasaurang mampunyoi 100 ikku domba, tatapi na sa incek dari sidak tasasek, indakkah urang tu maninggakan na 99 ikku di gunung jongon pai untuk mancari saincek na tasasek tu? ¹³ Dan, jiko inyo manamukannyo, sasunggunyo AMbo mangatokan kapadokau, inyo labi basukkocito ate sa incek na tasasek tu daripado 99 na indak tasasek. ¹⁴ Damikian pulo, indaklah kahendak Ayahkau na di surga jiko saurang dari anak-anak ketek ko binaso." MANASEHATI URANG NA BASALAH ¹⁵ "Jiko sodarokau badoso, pai dan tunjukkan kasalahannyo, antaro kau jongon inyo sorang sajo. Jiko inyo mandangakankau, kau ala mandapekkan sodarokau. ¹⁶ Akan tatapi, jiko inyo indak mandangakan kau, ajaklah saincek dari duo urang lai basamokau supayo jongon mulut dari duo ato tigo urang saksi, satiok pakatoan ditetapkan. ¹⁷ Jiko inyo manulak untuk mandangakan sidak, katokan hal ko kapado jemaat. Dan, jiko inyo bahkan manulak unntuk mandangakan jemaat, padialah inyo manjadi sakiro bangsa-bangsa lain jongon pangumpu pajak. ¹⁸ Ambo mangatokan na sabananyo kapadokau bahwo apo na kau kabek di bumi akan takabek di surga. Dan, apo na kau lapekan di bumi akan talape di surga." ¹⁹ Sakkali lai, Ambo mangatokan kapadokau bahwo jiko duo urang diantaro kau sakongkol di bumi tantang sasuatu na sidak mintak, hak tu akan tajadi bagi sidak oleh Ayah-Ambo na ado di surga. ²⁰ Sabab, di tampek duo ato tigo urang bakumpu basamo dalam Namo-Ambo, Ambo ado di tanga-tanga sidak. PARUMPAMOAN TANTANG PANAGAMPUNAN ²¹ Kamudian, Petrus datang kapado Yesus dan batanyo, "Tuhan, sabarapo accok saharusnyo ambo mangampuni sodaro ambo na badoso tahadok ambo? Sampe 7 kali?" ²² Yesus bacakkap kapadonyo, "Ambo indak mangatokan kapadokau sampe 7 kali tatapi sampe 70 kali 7 kali. ²³ Karano itulah, Karajaan Surga diumpamokan sakiro saurang rajo na mangadokan parhitungan jongon paro hambanyo. ²⁴ Katiko inyo mule mangadokan parhitungan, urang na barutang sagadang 10.000 talenta dibaok kapadonyo. ²⁵ Karano inyo tu indak talok mamba'i, tuannyo mamarintokan supayo inyo dijua, basarto bini jongon anak-anaknyo, pulo sadonyo na inyo punyoi, dan jongon itu pambayaran dilakukan. ²⁶ Mako, hamba tu tasungku jongon manyembah tuannyo, katonyo, 'Basabalah kapadoambo dan ambo akan mamba'i sadonyo kapadokau.' ²⁷ Kamudian, tuan dari hamba tu babale kasihan, jongon mambebaskannyo, jongon mangagi sidak ampunan ate utangnyo tu. ²⁸ Akan tatapi, katiko hamba tu kalua jongon basuo jongon hamba lain na barutang 100 dinar kapadonyo, inyo manangkok sarto mencakkik hamba tu, jongon bacakkap, 'Bai kambali kepeng na kau pinjam dariambo!' ²⁹ Mako, hamba na barutang tu basujud dan mamohon kapadonyo, katonyo, 'Basabalah kapado ambo dan ambo akan mambai sadonyo kapadokau.' ³⁰ Akan tatapi, inyo manulak jongon manjebloskan kawannyo tu ka panjaro sampe inyo tu biso malunasi sadonyo utangnyo. ³¹ Katiko hamba-hamba na lain maliek kajadian tu, sidak manjadi sedih bana lalu datang dan malaporkan kapado tuannyo tantang sagala sasuatu na tala tajadi. ³² Kamudian, tuannyo mangimbo hamba na duluan tu dan bacakkap kapadonyo, 'Kau hamba na jahek. Ambo mangampuni sadonyo utangkau karano kau mamohon kapadoambo. ³³ Indakkah kau saharusnyo mampunyoi bale kasihan kapado sasamokau hamba, sakiro ambo pulo tala manunjukkan bale kasihan kapadokau?' ³⁴ Dan, tuannyo, jongon panu kaberangan, manyerahkannyo kapado paro panyikso sampe inyo dapek mambai kambali sadonyo na dipinjamkan kapadonyo. ³⁵ Ayah-Ambo di di surga pulo akan malakukan hal na samo kapado kau, jiko kau indak mangampuni sodarokau dari dalam hatikau."