¹ Namun,Saulus,sambi tarus malakukan ancaman jongon pambunuhan terhadap murid-murid Tuhan,pai manghadok Imam gadang, ² samo maminta surek darinyo,na ditujukan kapado sinagoge-sinagoge di damsyik sahingga kok inyo manamukan siapo sajo na piccayo kapado jalan tu,elok lakki-lakki mopun padusi,inyo dapek mambaok sidak untuk dibelenggu di Yerusalem. ³ Salamo inyo sadang bajalan,inyo samakkin dakke jongon Damsyik,tibo-tio suatu cahaya dari langik mamancar mangalilinyo. ⁴ Lalu, inyo jatuh ka tanah samo mandanga suara na mangeccek kapadonyo, "Saulus,Saulus,mangapo kau manganiaya Ambo?" ⁵ Saulus batanyo,"Siapokah Engkau,Tuan?" Jongon,Inyo mangeccek,"Ambolah Yesus,na kau aniaya. ⁶ Akan tatapi,jago jongon masuklah ka kota,samo kau akan dibaritahu apo na harus kau lakukan." ⁷ Urang-urang na pai basamo jongon Saulus badiri tanpa bakato-kato satalah mandanga suaro tu,tatapi indak maliek siapo pun. ⁸ Saulus badiri dari tanah,padiapun matonyo tabukka,inyo indak maliek apo-apo.Mako,urang-urang tu maanuntunnyo jongon tangan samo mambaoknyo masuk ka Damsyik. ⁹ Jongon,salamo tigo hari,saulus indak dapek maliek samo juo indak makkan ato minum. ¹⁰ Pado waktu tu,ado saurang murid di damsyik,banamo Ananias.Tuhan babicaro kapadonyo dalam sabuah pangaliekan,"Ananias!" Mako,Ananias ,mangeccek,"Ikko Ambo,Tuhan." ¹¹ Lalu,Tuhan mangeccek kapadonyo,"jago samo pailah ka Jalan Lurus,samo di rumah Yudas,carilah urang Tarsus na banamo Saulus,urang tu sadang badoa, ¹² samo inyo ala mandapek sabuah pangaliekan bahwa sasaurang banamo Ananias datang samo manumpangkan tangan ka atas nyo supayo inyo bisa maliek lai." ¹³ Namun,Ananias manjawab,"Tuhan,ambo ala mandanga dari banyak urang tantang urang ikko,batapo banyaknyo kajahatan na ala inyo lakukan tahadok umat kudus-Kau di Yerusalem, ¹⁴ amo di sikko inyo mampunyoi kuaso dari imam-imam kapalo untuk mambelenggu sadonyo urang na mangimbo nama-Kau." ¹⁵ Akan tatapi,Tuhan mangeccek kapadonyo,"Pailah karano urangn ikko adolah alat na Ambo pilih untuk mambaok namo-Ambo ka mukko bangsa-bangsa lain,samo raja-raja serta bangsa Israel. ¹⁶ Sabab,Ambo akan manunjukkkan kapadonyo batapo banyaknyo inyo harus mandarito dami namo-Ambo." ¹⁷ Mako,Ananias barangkek jongon masuk ka rumah tuy,samo satalah malatakkan tangan nyo ka ate Saulus,inyo mangeccek,'Saudara Saulus,Tuhan Yesus,na manampakkan diri kapado kau dalam parjalanan kau kasikko,ala mangutus ambo supayo kau dapek maliek lai samo dipanuhi jongon Roh Kudus." ¹⁸ Lalu,sakatiko iyi juo,sasuatu sakiro sisik-sisik Lauk jatuh dari matonyo samo inyo dapek maliek lai.Kamudian,inyo jago samo dibaptis.Saulus Mulei Mambaritokan tantang Yesus ¹⁹ Samo,satalah makkan,Saulus dikuekkan.Inyo basamo murid-murid di Damsyik salamo babarapo hari. ²⁰ Jongon,lakke inyo mambaritokan Yesus di sinagoge-sinagoge jongon mangeccek,"Yesus adolah Anak Allah." ²¹ Sadonyo urang na mandangnakannnyo takjub jongon mangeccek,"Bukkankan inyo ikko na do di yerusalem mambunuh sidak na manyabut namo tu samo na ala datang ka sikko jongon maksud mambaok sidak dalam kaadaan tabelenggu ka mukko imam-imam kapalo?" ²² Akan tatapi,Saulus manjadi samakkin kuek samo mambingungkan urang-urang Yahudi na tingga di Damsyik jongon mambuktikan bahwa Yesus adolah Kristus. Saulus Lolos dari Babarapo Urang Yahudi ²³ Satalah ganap babarapo hari,urang-urang Yahudi basengkongkol basamo untuk mambunuh Saulus, ²⁴ tatapi pasengkongkolan sidak tu ala diketahui oleh Saulus.Sidak mangawasi pintu-pintu gerbanng siang samo malam supayo sidak dapek mambunuhnyo. ²⁵ Akan tatapi,murid-murid Saulus mambaoknyo pado waktu malam samo manurunkannyo malalui sabuah tembok jongon mangulurkannyo ka bawah di dalam sabuah karanjang. Saulus di Yerusalem ²⁶ Katiko Saulus tibo di Yerusalem,inyo mancubo untuk bagabung jongon para murid.Akan tatapi,sidak sadonyo takkut kapadonyo karano indak piccayo bahwa inyo adolah murid. ²⁷ Namun,Barnabas manggandeng Saulus samo mambaoknyo kapado paro rasul,lalu mancaritokan kapado sidak maccam mano inyo ala maliek Tuhan di dalam parjalanan,samo bahwa Tuhan ala mangeccek kapaonyo,serta maccam mano inyo jongon barani ala mangeccek dalam namo Yesus di Damsyik. ²⁸ Samo,Saulus basamo-samo jongon sidak katiko sidak masuk samo kalua dari Yerusalem sambi mangeccek jongon barani dalam namo Tuhan ²⁹ Inyo mangeccek samo badebat jongon urang Helenis,tatapi sidak barusaho mambunuhnyo. ³⁰ Katiko saudaro-saudaro saiman mangatahui hal ikko,sidak mambaoknyo turun ka Kaiserea samo mangutusnyo ka Tarsus. ³¹ Krano tu,jemaat di saluruh Yudea,samo Galilea,jongon mamparoleh damai dan batumbuh.Samo,hidup dalam takkut akan Tuhan dan dalam panghiburaan Roh Kudus,sidak tarus batambah banyak.Petrus di Kota Lida samo Kota Yope ³² Pado suatu waktu,saat Petrus mangalilingi saluruh wilayah tu,inyo juo mangunjungi urangn-urang Kudus an tingga di Lida. ³³ Di sinun,inyo mandapati sasaurang na banamo Eneas,na ala tabaring di tampek tidunyo salamo dalapan tahun karano inyo lumpuh. ³⁴ Lalu,Petrus mangeccek kapadonyo,"Eneas,Kristus Yesus manyambuhkan kau.Jago lah samo rapikan tampek tidu kau!"Samo,sakatiko tu juo,Eneas jago. ³⁵ Mako,sadanyo urang na tingga di Lida samo Saron malieknyo samo sidak babalik kapado Tuhan. ³⁶ Suatu saat,di Yope,ado saurang ,murid padusi banamo Tabita,na kok ditarjamahkan bararti Dorkas.Inyo panuh jongon pabuekan elok samo tindakan sadekah. ³⁷ Pado hari-hari tu tajadilah,inyo sakkik samo maningga.Lalu,katiko uranng-urang ala mamandikannyo,sidak mambaringkannyo di ruang ate. ³⁸ Karano Lida barado di dakke Yope,paro murid,satalah mandanga bahwa Petrus barado di sinun,mangutus duo urang kapado Petrus samo mamohon kapadonyo,"Jangan manunda pai ka tampek kami!" ³⁹ Mako,Petrus bangkik basamo sidak.Samo,inyo sampe,sidak mambaok Petrus ka ruang ate.Sadonyo janda badiri di samping Petrus sambil mananngi,serta manunjukkan tunik-tunik samo pakkaian-pakkaian lainnyo dibuek oleh Dorkas sawaktu inyo masih basamo jongon sidak. ⁴⁰ Namun,Petrus manyuruh sidak sadonyo kalua,lalu balutut samo badoa.Kamudian,inyo bapaling kapado mayat Tabita samo inyo mangeccek,"Tabita,bangunlah!"Lalu,padusi tu mambukka matonyo samo katiko inyo maliek Petrus,inyo duduk. ⁴¹ Mako,Petrus mangulurkan tangan kapadonyo samo mambantunyo badiri.kamudian,sambi mamngimbo urang-urang Kudus samo paro janda,inyo manunjukkan bahwa Tabita hidup. ⁴² Jongon,kajadian tu tasebar di saluruh Yope,samo banyak urang piccayo kapado Tuhan. ⁴³ Mako,Petrus tingga cukup lamo di Yope basamo sasaurang banamo Simon,saurang panyamak kulit.