¹ Jongon,saulus pun manyatujui pambunuhan Stefanus ru.Saulua Mambunasakan Jemaat di Yerusalem Pado hari tu,suatu panganiayaan na gadang tajadi tahadok jemaat di Yerusalem,jongon sidak sadonyo tepencar ka wilayah-wilayah Yudea jongon Samaria,kacuali paro rasul. ² Babarapo urang saleh manguburkan Stefanus jongon mandatangkan ratapan na baitu gadang tahadopnyo. ³ Akan tatapi,Saulus barusaho mambinasakan jemaat jongon masuk ka rumah dami rumah.Inyo manyeret lakki-lakki jongon padusi,lalu manyerahkan sidak ka panjera. Filipus Mambaritokan Injil di Samaria ⁴ Lalu,sidak na ala tapanca tu bakaliling sambi mambaritokan Injil. ⁵ Filipus turun ka suatu kota di Samaria jongon mambaritokan tantang Kristus. ⁶ Samo,urang banyak jongon sahati mamparhatikan apo nsa Filipus katokan katiko sidak mandanga jongon sidak maliek tando-tando ajaib na inyo pabuek. ⁷ Sabab,roh-roh jahek kalua dari urang-urang na dirasukinyo,urang sambi basorak jongon suaro kare,serta banyak urang lumpuh samo pincang na disambuhkan. ⁸ Karano tu,ado sukacito gadang di kota tu. ⁹ Namun,ado saurang lakki-lakki banamo Simon na sabalumnyo ala mampratikkan sihir di kota jongon mambuek kagum sadonyo urang Samaria,jongon manyabut bahwa dirinyo urang gadang. ¹⁰ Sadonyo urang,mulei dari urang paling ketek sampe urang paling gadang,mangeccek,"Urang ko adolah kuaso Allah na disabut 'Gadang'."Mako,sidak mangagi parhatian kapadonyo karano ala sakian lamo inyo ala mambuek sidak takjub jongon ilmu sihirnyo. ¹² Namun,satalah urang-urang tu mampiccayoi Filipus na mambaritokan Injil tantang karajaan Allah jongon namo Kristus yesus,sidak dibaptis,elok lakki-lakki mopun padusi. ¹³ Bahkan,Simon sandiri piccayo jongon satalah inyo dibaptis,inyo tarus barado di dakke Filipus,jongon katiko maliek babage mukjizat samo tando-tando ajaib na tajadi,inyo manjadi takjub. ¹⁴ Pado waktu tu,katiko rasul-rasul di Yerusalem mandanga bahwa urang-urang Samaria ala manarimo firman Allah,sidak mangutus Petrus samo Yohanes kapado urang-urang di sinun, ¹⁵ Na datang jongon badoa bagi siddak agar sidak manarimo Roh Kudus. ¹⁶ Sabab,Roh Kudus balum turun ate saurang pun dari sidak,sidak hanyo ala dibaptis di dalam namo Tuhan Yesus. ¹⁷ Lalu,Petrus jongon Yohanes manumpangkan tangan nyo ate sidak samo sidak manarimo Roh Kudus. ¹⁸ Katiko Simon maliek bahwa Roh Kudus diagikan malalui panumpangan tangan rasul-rasul,Simon manawarkan uang kapado rasul-rasul tu, ¹⁹ Jongon mangeccek,"Agikan juo kapado ambo kuasa ikko supayo satiok urang na kapadonyo ambo manumpangkan tangan ambo akan manarimo Roh Kudus." ²⁰ Akan tatapi,Petrus mangeccek kapado Simon,"Samoga kepeng kau tu binasa basamo kau dapek mamparoleh karunia Allah jongon Kepeng! ²¹ Kau indak mampunyoi bagian ato hak dalam hal ikko lurus di mukko Allah. ²² Jadi,batobatlah dari kajahatan kau ikko jongon badoalah kapado Tuhan supayi,kok mungkin,niat hati kau dapek diampunkan kapado kau. ²³ Sabab,ambo maliek bahwa kau ado didalam emepedu na paik samo dalam jeratan kajahatan." ²⁴ Namun,Simon manjawab joong mangeccek,'badoalah untuk ambo kapado TUhan supayo apo na ala engkau katokan indak manimpa ambo." ²⁵ Mako,sasudah Petrus samo Yohanes barsaksi jongon sungguh-sungguh samo mangatokan firman Tuhan,sidak kambali ka Yerusalem sambi mambaritokan Injil la banyak desa urang Samaria. Filipus Mambaptis Urang Etiopia ²⁶ kamudian,malaikat Tuhan mangeccek kapado Filipus,katonyo,"Bangunlah jongon pailah ka Selatan,ka jalan na turun dari Yerusalem manuju Gaza.Jalan tu adolah jalan na sepi." ²⁷ Filipus pun bangun jongon barangkek.Samo,tampak saurang Etiopia,na adolah sida-sida dari saurang pejabat pangadilan Sri Kandake,Ratu Karajaan Etiopia.Inyo batanggung jawab ate sadonyo harya sang ratu.Inyo ala ddatang ka Yerusalem untuk baribadah, ²⁸ samo sadang kambali pulang,sambi duduk di dalam karetanyo jongon mambacco kitab Nabi Yesaya. ²⁹ Lalu,Roh mangeccek kapado Filipus,"pai jongon bagabunglah samo kareta tu." ³⁰ Maka,Filipus balari ka kareta tu jongon mandanga urang tu sadang mambacco kitab Nabi Yesaya.Filipus batanyo kapadonyo,"Apokah tuan maangarti apo na sadang tuan bacco?" ³¹ Jongon,urang tu manjawab,"Maccam mano ambo bisa,kacuali sasaurang mambimbing ambo?"Mako,inyo mangundang Filipus untuk naik samo duduk basamonyo. ³² Pado waktu tu,bagian dari Kitab Suci na sadang inyo bacco adolah ikko, "Inyo dibaok sakiro saikku domba ka tampek panyambalihan, samo sakiro saikku anak domab sabalum digunting bulunyo mambisu sahinggo Inyo indak mambukka mulut-Nyo. ³³ Dalam kahinaan-Nyo, katidakadilan dirampas dari -Nyo. Siapo na dapek mancaritokan katurunan-Nyo? Sabab,hidup-Nyo ala dirampas dari bumi." Yes.53:7-8 ³⁴ Kamudian,sida-sida tu manjawab samo mangeccek kapado Filipus,"Ambo mohon kapado kau,tantang siapo sang nabi mangatokan ikko,tantang dirinyo sandiri ato tantang urang lain?" ³⁵ Lalu,Filipus mambukka mulut-nyo,jongon mulei dari Kitab Suci Ikko,inyo bakhotbah tantang Yesus kapadonyo. ³⁶ JOngon,saat sidak pai manempuh parjalanan,sidak sampe di tampek na bara'i,samo sida-sida tu mangeccek,'Lieklah,ado a'i!Apo na manghalangi ambo untuk dibaptus?" ³⁷ [Lalu,filipus mangeccek,"kok tuan piccayo jongon sapanuh hati tuan,tuan boleh."Lalu,inyo manjawab jongon mangeccek,"Ambo piccayo bahwa kristus Yesus adolah Anak Allah."] ³⁸ Kamudian,sida-sida tu mamarintohkan kareta untuk barantu,Samo,sidak baduo turun ka a'i Filipus samo sida-sida tu,lalu Filipus mmbaptisnyo. ³⁹ Satalah sidak baduo kalua dari a'i,Roh TUhan mambaok Filipus pai,samo sida-sida tu indak malieknyo lai,lalu malanjutkan parjalanan-nyo sambi basukacito. ⁴⁰ Namun,Filipus mandapati dirinyo barado di Asdod,samo katiko inyo malewati kawasan tu,inyo mambaritokan Injil ka sadonyo kota sampe inyo tibo di Kaisarea.