¹ Kamudian,Imam Gadang mangeccek,"Apokah iyo maccam itu?" ² Jongon,Stefanus mangeccekk,"Saudaro-saudaro samo Bapak-bapak,dangakan ambo.Allah Na Mahamulio tampak kapado nenek moyang kito,Abraham,katiko inyo masih barado di Mesopotamia,sabalum inyo tingga di Haran, ³ jongon mangeccek kapadonyo,'pai lah dari tanah kau jongon dari sanakn saudara kau,lalu datanglah ka tanah na akan ambo tunjukkan kapado kau.' ⁴ Kamudian,Abraham maninggakan tanah urang Kasdim jongon tingga di haran.Jongon dari sinun,sasudah ayanhnyo maningga,Allah manyuruhnyo pindah ka tanah ikko,tampek kini ko kau tingga. ⁵ Namun,Allah indak mangagikan warisan kapadonyo,bahkan satapak tanah pun indak,tatapi bajanji untuk mangagikannyo kapado Abraham sabage miliknyo jongon katurunan sasudah inyo,padiapun Abraham balum mampunyoi anak. ⁶ Akan tatapi,Allah mangeccek maccam ikko,bahwa katurunannyo akan mmanjadi pandatang di tanah na asing jongon bahwa sidaak akan dipabudak samo dianiaya salamo ampek ratus tahun. ⁷ 'Namun,amabo akan manghukum bangsa na mamparbudak sidak,'kato Allah,'Jongon'satalah tu siddak akan kalua dari sinun jongon baribadah kapado-Ambo di tampek ikko.' ⁸ Lalu,Allah mangagikan kapado Abraham parjanjian sunek,maka Abraham manjadi ayah Ishak jongon manyunatnyo saat barusio dalapan hari,jongon Ishak manjadi ayah Yakub,samo Yakub,kaduo bale bapa leluhur. ⁹ Karano iri kapado Yusuf,bapa leluhur kito manjua-nyo ka Mesir.Akan tatapi,Allah manyertai Yusuf, ¹⁰ jongon manyalamatkan nyo dari sadonyo pandaritoan,samo mangaginyo anugerah samo kabijaksanaan di mukko Firaun,Rajo Mesir,na mambueknyo manjadi pamimpin ate Mesir samo saluruh istananyo. ¹¹ Suatu katiko,bancano kalaparan tajadi di saluruh Mesir jongon Kanaan,samo manyebabkan pandaritoan na gadang bana,jongon nenek moyang kito indak bisa mandapekkan makanan. ¹² Akan tatapi,katiko yakub mandanga bahwa ado gandum di Mesir,inyo manyuruh nenek moyang kito datang ka sinun untuk pertama kalinyo. ¹³ Pado kunjungan na kaduo,yusuf mambuek dirinyo di katahui oleh sodaro-sodaro jongon kaluarganyo Yusuf manjadi jelas bagi Firaun. ¹⁴ Satalah tu,Yusuf mangirim pesan jongon mangundang Yakub,ayahnyo,jongon sadonyo bajumlah 75 jiwo. ¹⁵ Maka,Yakub turun ka Mesir jongon inyo mati disinun,inyo jongon nenek moyang kito. ¹⁶ Dari sinun,sidak dipindahkan ka Sikhem jngon dibaringkan di kuburan na ala Abraham bali jongon sajumlah kepeng dari anak-anak Hemor di Sikhem. ¹⁷ Akan tatapi,katiko makkin dakke waktu parjanjian tu,na ala Allah ikrarkan kapado Abraham,bangsa tu batambah jongon dilipekgandakan di mesir, ¹⁸ sampe ado raja lain bangkik ate saluruh Mesir,na indak tahu tantang Yusuf. ¹⁹ Raja tu mampardaya bangsa kito jongon managaniaya nenek moyang kito sahinggo mamaksa sidak mambuang bayi-bayi sidak sahinggo sidak indakdapek batahan hidup. ²⁰ Pado masa tu,Musa lahe jongon inyo elok bana di mata Allah.JOngon,Musa diassuh di rumah ayahnyo salamo tigo bulan. ²¹ Jongon,katiko inyo ala dibuang,putri Firaun mangambik nyo jongon manggadangkannyo sakiro anaknyo sandiri. ²² Maka,musa dididik dalam sagalo hikmat urang-urang Mesir jongon inyo bakuaso dalam pangeccean jongon pabuekannyo. ²³ Namun,katiko Musa ganap barusio ampek puluh tahun,muncul di dalam hatinyo untuk mangunjungi sodaro-sodaronyo,yaitu katurunan Israel. ²⁴ Jongon,katiko maliek salah satu dari sidak diparlakukan jongon indak adil oleh urang Mesir,Musa datang mambela urang na dianiaya tu jongon mambalas jongon mambunuh urang Mesir tu. ²⁵ Musa mangiro bahwa sodaro-sodaro nyo akan mangarti bahwa Allah mangagi sidak kasalamatan malalui dirinyo,tatapi sidak indak mangarti. ²⁶ Pado hari barikutnyo,Musa mandatangi urang Israel na sadang bacakka,jongon inyo barusaho mandamaikan sidak,jongon mangeccek,'Hai,bukankah munak ado hubungan sodaro,mangapo saling manyakkiti?' ²⁷ Namun,urang na manyakiti sodaronyo tu manyingkirkan Musa ka samping sambil bakato,'Siapo na manjadikan kau panguaso jongon hakim ate kami? ²⁸ Apokah kau nandak mambunuh ambo sakiro kau mambunuh urang Mesir tu kapatang?' ²⁹ Mandanga pangeccekan urang tu,Musa malarikan diri jongon manjadi pandatang di tanah Midian.Di sinun,inyo manjadi ayah dari duo urang anak lakki-lakki. ³⁰ Satalah ganap ampek puluh tahun,saurang malaikat manampakkan diri kapado Musa di padang balantaro gunung Sinai,dalam lidah api di semak duri. ³¹ Katiko musa malieknyo,inyo heran jongon pangaliekannyo tu.Jongon ,katiko inyo mandakke untuk mangamatinyo,datanglah suaro Tuhan, ³² 'Ambolah Allah nenek moyang kau,Allah abraham,jongon Allah Ishak,samo Allah Yakub.' musa pun bagatar katakkutan jongon indak barani untuk mangamatinyo. ³³ Kamudian,Tuhan mangeccek kapadonyo,'lapekanlah sandal dari kakki kau karan tampek di mano kau badiri adolah tanah suci. ³⁴ ambo banar-banar ala maliek pandaritoan umat-Ambo na ado di mesir jongon ala mandanga rintihan sidak.Jongon,Ambo ala turun untuk manyalamatkan sidak.Jongon kini ko mo lah,Ambo akan mangutus kau ka mesir.' ³⁵ Musa,na ala sidak tulak jongon mangeccek,'Siapokah na manjadikan kau panguaso jongon hakim ate kami?' Inyo adolah urang na Allah utus untuk manjadi,elok panguaso maupun panyalamat,malalui tangan malaikat na manampakkan diri kapadonyo di semak duri. ³⁶ Urang ko mamimpin sidak kalua,sambil mangadakan mukjizat jongon tando-tando ajaib di tanah Mesir,samo di Laut Merah,samo di padang balantaro salamo ampek puluh tahun. ³⁷ Musa ikkolah na mangeccek kapado bangsa Israel,'Allah akan mambangkikkan bagi kau saurang nabi sakiro ambo dari antaro sodaro-sodaro kau.' ³⁸ Inyo ikko adolah urang na ado di antaro jemaat di padang balantaro basamo malaikat na mangeccek kapadonyo di gunung Sinai,samo basamo nenek moyang kito,jongon inyo ala manarimo firman na hidup untuk diagikan kapado kito. ³⁹ Nenek moyang kito manulak untuk taat kapado Musa,tatapi manyingkirkannyo jongon nandak kambali ka Mesir dalam hati sidak, ⁴⁰ jongon mangeccek kapado Harun,'Buekkan kami dewa-dewa na akan bajalan di mukko kami karano Musa ikko,na mamimpin kami kalua dari tanah Mesir,kami indak tau apo na ala tajadi padanyo.' ⁴¹ Pado waktu tu,sidak mambuek sabuah patung anak lambu,samo mangagikan parsembahan kapado berhala tu,serta basorak-sorak jongon pakarejoan-pakarejoan tangan sidak. ⁴² Akan tatapi,Allah bapaling dari sidak jongon mampadiakan sidak manyembah bala tentara langik,sakiro na tatulis dalam kitab paro nabi, 'Apokah kau mambaok kkapado-Ambo binatang sembelihan jongon parsembahan salamo ampek puluh tahun dipadang balantaro,hai umat Israel? ⁴³ Kau mambaok kemah Molokh jongon bintang dewa kau,Refan patung na kau buek untuk manyembahnyo, jongon Ambo akan mambuang kau ka sabarang Babel.'Am.5:25-27 ⁴⁴ Nenek moyang kito mamiliki Kemah Kasaksian dipadang balantaro,sakiro ma allah parintohkan katiko mangeccek kapado Musa,untuk mambueknyo sasuai jongon gambaran na ala inyo liek. ⁴⁵ Satalah manarimo kemah tu,nenek moyang kito mambaoknyo masuk basamo Yosua,waktu parebutan tanah sidak dari bangsa-bangsa lain,na ala Ala Allah singkikan dari mukko nenek moyang kito,sampe pado zaman Daud. ⁴⁶ Daud mandapekkan kasih karunia di mukko Allah jongon minta untuk mandapekkan tampek kadiaman kadiaman bagi Allah Yakub. ⁴⁷ Akan tatapi,salomo na mambangun sabuah rumah bagi Inyo. ⁴⁸ Namun,Na Mahatinggi indak tingga dalam rumoh na dibuek oleh tangan manusio, sakiro na dikatokan oleh nabi, ⁴⁹ 'Langik adolah takhta-Ambo jongon bumi adolah tumpuan kakki-Ambo. Rumah apokah na akan kau bangun bagi-Ambo?'allah bafirman, 'Ato,apokah tampek paristirahatan-Ambo? ⁵⁰ Bukkankah tangan-Ambo na mambuek sadonyo ikko?'Yesaya 66:1-2 ⁵¹ Hai,kau urang-urang na kare kapalo,jongon hati samo talingo na indal basunat,kau salalu manantang Roh Kudus,sakiro na dibuek oleh nenek moyang kau! ⁵² Nabi-nabi mano na indak disiksa oleh nenek moyang kau?Jongon,sidak mambunuh urang-urang na sabalumnyo ala mangumumkan kadatangan Sang kabanaran na kini ala manjadikan diri kau sandiri sabage pangkhianat jongon pambunuh. ⁵³ Kau,na ala manarimo Hukum, Taurat sakiro ala disampekan oleh paro malaikat,tatapi kau indak manjaganyo!" Stefanus Dibunuh ⁵⁴ Katiko sidak mandanga hal-hal ikko,hati sidak tatusul jongon mangartakkan gigi sidak tahadik Stefanus. ⁵⁵ Akan tatapi,Stefanus na dipanuhi oleh Roh Kudus manatap ka langik jongon maliek kamuliaan Allah,samo Yesus badiri di sabalah kanan Allah. ⁵⁶ Stefanus mangeccek,"stefanus mangeccek,"Danga!Ambo maliek langik tabukko jongon Anak Manusio badiri di sabalah kanan Allah." ⁵⁷ Namun,sidak basorak-sorak jongon suaro akre,samo manutup talingo sidak,serta sepakat manyerbu Stefanus. ⁵⁸ Lalu,sidak manyeretnyo kalua dari kota jongon mulei malantinginyo samo batu.Satalah tu,paro saksi mato mananggalkan jubah sidak di kakki saurang pamudo bana ⁵⁹ Jongon,sidak tarus merajam Stefanus na sadanng baseru jongon mangeccek,'Tuhan Yesus,tarimolah roh ambo." ⁶⁰ Kamudian,satalah balutut,inyo baseru jongon suaro kare,"Tuhan,jangan tanggungksn dosa ikko kapado sidak!"Jongon,sasudah maangatokannyo,inyo pun maningga.