¹ suatu saat,di Kaisarea,ado sasaurang banamo kornelius,saurang perwira dari apo na disabut pasukan Italia, ² urang saleh na takkut akan Allah,baitu juo jongon sadonyo urang na ado dirumah-nyo,samo mangagikan banyak sadekah kapado urang-urang jongon salalu badoa kapado Allah. ³ Suatu sore,sakitar jam kasambilan hari tu,inyo maliek jongon jale dalam sabuah pangaliekan,saurang malaikat Allah datang jongon mangeccek kapadonyo,"Kornelius!" ⁴ Lalu,inyo manatap malaikat tu jongon katakutan samo mangeccek,"Apo ikko,Tuan?"Jongon,malaikat tu mangeccek kapaddonyo,"Doa-doa kau jongon sadekah-sadekah kau ala naik sabage suatu paringatan di mukko Allah. ⁵ Kini,suruhlah urang-urang ka Yope sami imbolah sasaurang banamo Simon,na juo disabut Petrus, ⁶ inyo tingga basamo jongon saurang panyamak kulit banamo Simon,na rumonyo barado di tapi laut." ⁷ Katiko malaikat na mangeccek kapadonyo ala pai,Kornelius mangimbo duo urang palayannyo samo saurang prajurit na saleh dari antarao urang-urang na salalu malayani kabutuhan pribadinyo, ⁸ Jongon satalah manjelaskan sagalo sasuatu kapado sidak,inyo manyuruh sidak ka Yope. ⁹ Barisuknyo,katiko sidak sadang dalam parjalanan nyo samo mandakke kota tu,Petrus naik ka ate atap rumoh,sakitar jam kaanam,untuk badoa, ¹⁰ Lalu,inyo maraso lapa jongon nandak makkan,tatapi katiko urang-urang sadang manyiapkan makkanan,petrus mandapek sabuah pangaliekan, ¹¹ jongon inyo maliek langik tabukka samo sasuatu sakiro kain na lebar bana turun jongon tarulur dari kaampek sudutnyo sampe ka tanah. ¹² Didalamnyo,ado sagalo janis binatang-binatang melata di bumi,samo burung-burung di udaro. ¹³ Kamudian,datanglah suaro mangeccek kapadonyo"Jagolah,Petrus,sambalihlah samo makkanlah!" V 14Akan tatpi,Petrus mangeccek,"Indak,Tuhan.sabab,ambo indak pana makkan apopun na haram ato najis." ¹⁵ Jongon,suaro tu mangeccek lai kapadonyo untuk kaduo kalinyo,"Apo na ala Allah tahirkan, jangan sakkali-kali kau sabut haram." ¹⁶ Hal ikko tajadi tigo kali,jongon tibo-tibo sadonyo tu tarangkek ka langik. ¹⁷ Saat tu,samantaro Petrus masih bingung bana mamikirkan apo arti pangaliekan na ala dilieknyo tu,tampaklah urang-urang na diutus oleh Kornelius sadang mancari tau di mano rumah Simon,sambi badiri di mukko pintu gerbang, ¹⁸ Jongon sambi maninngbo,sidak batanyo apokah Simon,na disabut Petrus,manumpang di sinun. ¹⁹ Samantaro petrus sadang maranungkan pangaliekan tu,Roh Mangeccek kapadonyo,"Lieklah,ado tigo urang Lakki-lakki na sadang mancari kau. ²⁰ Bangun jongon turunlah,pailah basamo sidak tanpo ragu karano Ambo ala mangutus sidak." ²¹ Lalu Petrus turun kapado urang-urang tu jongon mangeccek,"LIek,ambolah na kau cari.Apo alasan kadatangan kau?" ²² Sidak mangeccek,"Korme;ius,saurang perwira,urang bana jongon takkut akan Allah,na terkenal elok di antaro saluruh Yahudi,ala diingekkan oleh malaikat kudus untuk manyuruh kamu datang ka rumonyo jongon untuk mandangakan pangeccean." ²³ Petrus mangundang sidak masuk jongon mangagi sidak tumpangan di situ.Barisuknyo,inyo jago jongon pai basamo sidak,samo babarapo saudaro saiman dari Yope mangkawaninyo. ²⁴ Pado hari barikutnyo,sidak mamasuki kaisarea.Kornelius manantikan sidak jongon ala mangumpukan sanak saudaro samo kawan-kaean dakkenyo. ²⁵ Katiko Petrus masuk,Kornelius manjumpoinyo,lalu balutut di kakki Petrus jongon manyembahnyo. ²⁶ Akan tatapi,Petrus mambantunyo badiri sambi mangeccek,"Badirilah!Ambo hanyo saurang manusio juo." ²⁷ Samantaro Petrus mangeccek jongon Kornelius,Petrus masuk ka dalam manjumpoi ado banyak urang bakumpu basamo. ²⁸ Lalu,Petrus mangeccek kapado sidak,"Kau tau bahwa adolah kakajian bagi urang Yahudi untuk bahubungan ato mangunjungi urang bukkan Yahudi,tatapi Allah manunjukkan kapado ambo bahwa ambo indak saharusnyo manyabut siapo pun haram ato najis. ²⁹ Itulah sababnyo,ambo indak kabaratan katiko kau manyuruh ambo datang,Karano tu,ambo batanyo untuk alasan apo engkau mangimbo ambo?" ³⁰ Jongon,Kornelius mangeccek"Ampek hari na lali sampe jam ikko,pado jam kasambilan,ambo sadang badoa di rumah kau,jongon lieklah,ado sasaurang badiri di mukko mamakke pakkean na bakilau . ³¹ Lalu,mangeccek,'Kornelius,doa ambo ala didanga jongon sadekah kau ala diingek di mukko Allah. ³² OLeh karano yu,suruhlah ka Yope jongon mintalah Simon na disabut Petrus untuk datang.Inyo sadang manumpang di rumoh simon,saurang panyamak kulit,di tapi laut.' ³³ Karano tu,ambo palakke manyuruh urang kapado kau,jongon wngkau ala baelok hati mau datang.Kini,kito sadonyo ado di sikko,di mukko Allah,untuk mandanga sagalo sasuatu na ala diparintohkan kapado kau oleh Tuhan."Petrus Mambaritokan Injil di Rumah Kornelius ³⁴ Lalu,Petrus mambukka mulutnyo jongon mangeccek,"Kini,mangarti bana bahwa Allah indak manunjukkan kabarpihakan. ³⁵ Namun,di satiok bangsa,urang na takkut akan Inyo samo malakukan apo na benar,bakenan kapado-Nyo. ³⁶ Fiman na Allah sampekan kapado bangsa Israel mambaritokan kabar elok damai sejahtera malalui Kristus Yesus,Inyolaah Tuhan ate sadonyo. ³⁷ Kau sandiri tau paristiwa na ala tajadi di saluruh Yudea,mulei dari Galilea,satalah baptisan na Yohanes baritokan, ³⁸ Kau tau Yesus,Urang Nazaret,maccam mano Allah mangurapi-Nyo jongon Roh Kudus samo jongon kuaso.Inyo pai bakaliling malakukan kaelokan jongon manyambuhkan sadonyo urang na ditindas oleh roh jahek karano Allah manyertai Inyo. ³⁹ Kami adolah saksi-saksi dari sadonyo hal na ala Yesus pabuek,elok di daerah urang Yahudi mopun di Yerusalem.sidak ala mambunuh Yesus jongon manggantung-Nyo di ate kayu salib. ⁴⁰ Namun,allah mambangkikkan-Nyo pado hari katigo jongon mamparkenankan Inyo untuk manampakkan diri, ⁴¹ bukkan kapado sadonyo urang,tatapi kapado kami,saksi-saksi na ala dipilih oleh Allah sabalumnyo,na makkan jongon minum basamo-Nyo satalah Inyo bangkik dari antaro urang mati. ⁴² Jongon,Inyo mamarintahkan kami untuk mambaritokan kapado urang-urang jongon basaksi jongon sungguh-sungguh bahwa Inyolah na ditatapkan oleh Allah sabage Hakim ate na hidup jongon na maningga. ⁴³ Bagi Inyo,sadonyo nabi basaksi bahwa satiok urang na piccayo di dalam-Nyo akan manarimo pangampunan dosa malalui nama-Nyo."Allah Manunjukkan bahwa Inyo Manarimo Sadonyo Urang ⁴⁴ Samantaro Petrus masig mangucapkan kato-kato tu,Roh Kudus turun ka ate sadonyo na mandangakan firman tu. ⁴⁵ Jongon,urang-urang piccayo na basunat,na datang basamo Petrus,takjub karano Karunia Roh Kudus ala dicurahkan,juo kapado bangsa-bangsa lain. ⁴⁶ Sabab,sidak mandanga urang-urang tu mangeccek dalam babage bahasa jongon mamuliakan Allah.Lalu,Petrus mangeccek, ⁴⁷ "Bukankah indak ado saurang pun na dapek manghalangi a'i untuk dibaptiskan kapado urang-uranng na ala manarimo Roh kudus samo sakiro kito ikko?" ⁴⁸ Mako,petrus mamarintahkan sidak untuk dibaptis di dalam namo kristus Yesus.Kamudian,urang-urang tu maminta supayo Petrus tingga basamo sidak salamo babarapo hari.