¹ Sampeklah orang tu di saborang danau, di daerah orang-orang Gadara. ² Waktu Yesus turun dari sampan, dengan sagora sasaorang dari kuburan yang damasuki roh jahat manomui Yesus. ³ Dio tinggal di dalam kuburan-kuburan. Tak ado orang yang sanggup mangikatnyo, bahkan dengan rante. ⁴ Sobab, dio soring diikat dengan balonggu kaki dan rante, tapi diputuskannyo rante dan mamatahkan rantenyo. Tak ado orang yang mampu mangalahkannyo. ⁵ Siang dan malam, dio manjorit di kuburan dan di bukit-bukit dan malukoi dirinyo sandiri dengan batu. ⁶ Waktu ditengok orang tu Yesus dari jauh, balari dio dan basujud di dopan Yesus. ⁷ Lalu, sambil manjorit dio bacakap, "apo urusan antaro awak samo mu, Yesus, Anak Allah yang Mahatinggi? Ku mohon pado-Mu domi Allah, jangan manyiksaku!" ⁸ Sebab, Yesus sudah bacakap padonyo, "Kaluarlah dari orang ni, hoi roh najis!" ⁹ Lalu, batanyo lah Yesus ka orang tu, "Siapo namomu?" Abis tu di jawab-nyo, "Namo ku Legion lantaran kami banyak." ¹⁰ Dio bakali-kali mamohon ka Yesus biar tak diusir orang tu dari daerah tu. ¹¹ Ado di sano samkumpulan babi-babi tu lagi makan dokat bukit tu. ¹² Lalu, bacakaplah roh-roh tu ka Yesus sambil mamohon, "Suruhlah kami pado babi-babi tu supayo kami masuk ka dalamnyo." ¹³ Dikabulkan Yesus lah. Karono tu, pogi lah roh-roh najis tu masuk ka dalam babi-babi tu. Sakumpulan babi-babi tu kiro-kiro bajumlah duo ribu balari ka topi jurang sampek ka danau dan tanggolam. ¹⁴ Lalu, panjago-panjago babi tu lari dan mambagitaukan-nyo ka kota dan ka kampung. Dan, kaluar orang-orang ondak manengok apo yang tajadi ¹⁵ Lalu, orang-orang tu manjumpoi Yesus dan manengok dio yang karasukan roh jahat tadi, yang mampunyoi Legion, lagi duduk, dan udah babaju, dan dio balek waras. Dan, orang tu jadi takut. ¹⁶ Lalu, orang tu manengok kajadian tu, mancaritokan ka orang-orang camano hal tu tajadi samo orang yang karasukan roh jahat dan tontang babi-babi tu ¹⁷ karono tu, muloilah di pintak orang tu Yesus maninggalkan daerah tu. ¹⁸ Kamudian, waktu Yesus naek ka sampan, orang yang karasukan roh jahat tadi tu mamohon supayo dio boleh basamo Yesus. ¹⁹ Tapi, tak dizinkan Yesus dio, malainkan bacakap samonyo, "Pogilah ka sanak sudaromu. Caritokan samo orang tu samuo hal yang tolah Tuhan pabuat samomu dan belas kasihan Tuhan samomu. ²⁰ Lalu, orang tu pogi dan muloi mambaritakan samo orang-orang di Dekapolis tontang samuo hal yang sudah Yesus pabuat samonyo dan samu orang jadi heran. ²¹ Waktu Yesus manyaborang dongan parahu kasaborang, rame orangnya bakumpul di sabolahnyo, dan Dio barado di topi dano. ²² Lalu, saorang katuo sinagoge yang banamo Yairus tibo dan sasudah manengok Yesus, dio mambungkuk di kaki-Nyo. ²³ Dan, dio mamohon motan- motan kapado Yesus, katonyo, "Anak batino yang kocik hampir mati. Tibo dan taruh tangan Mu di atas kapalonyo supayo dio sombuh dan hidup." ²⁴ Lalu Yesus pogi basamo Yairus. Ado rame orangnya mangikuti Yesus dan mangalilinginya. ²⁵ Dan, ado anak batino pendarahan selamo duo bolas tahun. ²⁶ Dio sudah bakali- kali rojam oleh banyak tabib, dan sudah mangaluarkan samuo yang dimilikinyo, tapi tak ado gunonyo dan kadaannyo batambah buruk. ²⁷ satolah mandongar tontang yesus, anak daro tu mandatangi yesus dari balakang di tongah-tongah karumunan orang dan mangonai jubah-nyo. ²⁸ Anak batino tu bacakap, " Saandainyo awak biso mangonoi jubah-Nyo sajo, awak akan sombuh." ²⁹ Sakatiko tu jugo pandarahannyo ontok dan dio marasakan lantaran badannyo sudah sombuh dari panyakit. ³⁰ Yesus lansung mangatahui dari diri-Nyo sandiri bahwa ado kuaso yang telah kaluar dari-Nyo. Dio babalek di antara karumunan tu dan bacakap: "Siapo yang mangonoi jubah-ku?" ³¹ Lalu murid-murid yesus bacakap samo-Nyo, "Engkau manengok karumunan orang mandosak-dosak mu dan engkau bacakap, 'siapo yang manyontuh-Ku?"" ³² Lalu, Yesus manengoki sakalilingnyo ondak manengok siapo yang tolah malakukannyo. ³³ Namun, satolah tau apa yang tarjadi pado nyo, parampuan tu manjadi katakutan dan gamotar. Dio tibo dan bersujud di dopan Yesus dan mangasih tahu Yesus samuo kabonarannyo. ³⁴ Lalu, bacakaplah Yesus samo parampuan tu, "Anak ku, imanmu tolah manyalamatkanmu. pogilah dalam dame sajahtera dan sombuh lah panyakitu." ³⁵ waktu Yesus masih bacarito, datanglah babarapo orang dari rumah katuo sinagoge yang bacakap "Anakmu sudah maninggal. Mangapo masih manunggu Guru?" ³⁶ Tapi, Yesus tak ondak mandongarkan apo yang tolah dikatokan, Dio bacakap samo pamimpin sinagoge tu, "jangan gopoh, pacayo sajo." ³⁷ Lalu, Yesus tak mangijinkan saorang pun mangikuti-Nyo, kacuali Petrus, dan Yakubus, dan Yohanes, saudara Yakobus. ³⁸ Lalu, orang tu tibo di rumah katuo sinagoge tu, dan Dia manegok karusuhan, dan orang-orang manangis jugo maratap dongan suaro manjorit ³⁹ Lalu, waktu Yesus masuk, Dio bacakap kapado orang tu, "Mengapo kamu ribut dan manangis? Anak tu tak mati, tatapi sodang tatidur. ⁴⁰ Tatapi orang tu manggolaki Yesus. Namun Dio manyuruh orang tu samuo kaluar dan Dio mangajak orang tuo anak batino tu, sorta orang-orang yang basamo-Nyo, lalu masuk karuangan tompat anak batino tu barada. ⁴¹ Lalu, dipegang-Nyo longan anak kocik tu dan Dio bacakap kapadanyo, "Talita kum!" (Artinyo, "Gadis kocik, Aku bakato padamu, bangunlah!") ⁴² Anak batino tu sagora bardiri dan muloi bajalani, karono dio barumur duo bolas tahun, dan sagora samuo orang maraso heran. ⁴³ Lalu, Yesus manyuruh dongan koras kapado orang tuo anak batino tu supayo jangan saorang pun yang tau tontang hal ni, dan mangatokan kapado orang laen agar anak tu di kasih makan.