¹ Lalu, mangajarlah Yesus di topi danau. Bakumpullah orang-orang nang banyakan ondak manengok Yesus mangajar, sangkinkan banyaknyo naiklah Yesus ka sampan dan duduk di atas danau tu. Samantarto orang nang banyak ni barado di darat di topian danau tu. ² lalu, banyak hal yang di ajarkan Yesus ni samo orang-orang di topian danau tu malalui parumpaman-parumpamaan. Bacakaplah Yesus samo orang tu, ³ "Dongarkan! Ado panabur ondak pogi manabur. ⁴ Jadi, waktu dio lagi manabur, babaropo bonih tu jatuh di topi jalan, dan burung-burung datang, lalu ⁵ mamakannyo. abagian tajatuh tontang tanah yang babatuh nun yang sadikit tanahnyo. Bonih tu pun copat tumbuhnyo lantaran tanahnyo tak dalam. ⁶ Waktu matahari samakin torik, tanaman tu pun gosong lantaran tak ado akarnyo, akhirnyo koringlah tanaman tu. ⁷ Sabagian tajatuh di tongah-tongah somak baduri. lalu, somak baduri ni pun tumbuh dan mangimpit tanaman tu sampek mati, dan tanaman tu pun tak babuah. ⁸ Tapi, ado jugo yang jatuh di tanah nang elok dan manghasilkan buah nang elok, batumbuh, dan batambo bosar, sorta manghasilkan tigo puluh kali lipat, onam puluh kali lipat, dan saratus kali lipat." ⁹ Kamudian, bacakaplah Yesus, "Siapo yang punyo talingo ondak lah mandongar!" ¹⁰ Waktu yesus sandirian, orang-orang di sakitarnyo, basamo dongan kaduo bolas rasu, mananyokan kapado-Nyo tontang parumpamaan-parumpamaan tu. ¹¹ Lalu dijawab Yesus lah orang ni, "Rahasia Karajoan Allah tolah diborikan kapadomu. Akan tatapi, kapado orang orang laen, satiap hal disampaikan pada parumpamaan-parumpamaan, ¹² supaya, 'meskipun bisa manengok, orang tu manengok dan tak mangorti, dan meskipun bisa mandongar, orang tu mandongar dan tak mangorti. Supaya orang tu jangan bartobat dan diampuni.''' ¹³ Kamudian bacakaplah Yesus samo orang tu, "Tidakkah kamu mangorti parumpamaan ni? Camano kamu bisa mangorti samuo parumpamaan tu? ¹⁴ Panabur tu manaburkan firman. ¹⁵ Orang tu adalah orang-orang yang jatuh di topi jalan, tompat firman tu ditaburkan. Saat orang tu mandongar, sacopatnyo Iblis datang dan marampas firman yang ditaburkan samo orang tu. ¹⁶ Bagitu jugo, orang orang yang di tabur di tanah babatu adalah orang-orang yang mandongarkan firman dan sagora manarimonyo dengan sukacito. ¹⁷ Akan tetapi, orang tu tak barakar di dalam dirinya Sandiri dan hanyo batahan samantaro. Kamudian, katika datang kasusahan atau panganiayaan karono firman tu, orang tu sagora tajatuh. ¹⁸ Dan, lainnyo adalah yang tacampak di tongah-tongah somak baduri. Mareka adalah orang-orang yang mandongar firman, ¹⁹ tapi kagaduhan akan dunio, dan hawo nafsu akan kakayoan, dan, kainginan-kainginan akan hal-hal laen masuk di antara firman tu dan manghimpitnyo sahinggo dio tak manghasilkan buah. ²⁰ Namun, mareka yang ditabur di tanah nan elok adalah mareka yang mandongar firman, manarimonyo, dan manghasilkan buah, tigo puluh kali lipat, onam puluh kali lipat, dan saratus kali lipat." ²¹ Lalu, bacarito lah Yesus samo orang-orang tu, "Bukankah palito? tak dibawak ondak di lotakkan di bawah gantang tu atau di tontang kolong tompat tidur tu? Bukankah palito tu saharusnyo di lotakkan di atas kaki palita tu? ²² Sobab, tak ado yang tasambunyi yang tak di ucapkan. Damikian jugo, tak ado rahasio apo pun lantaran hal itu ondak dinyatakan. ²³ Jiko ado orang yang punyo talingo untuk mandongar pabiarlah dio mandongar!" ²⁴ Lalu, Yesus bacakap samo orang tu, "parhatikan lah apo yang kamu dongar. Ukuran yang kamu pakek akan diukurkan samomu, dan masih ado lagi yang ondak ditambohkan samomu. ²⁵ Karono siapo yang mampunyoi, dio akan dibori lagi, tatapi siapo yang tak mampunyoi, apo pun jugo yang ado padonyo akan balek darinyo.'' ²⁶ Kamudian, Yesus bacakap, "Karajoan Allah adalah macam sasaorang yang manabur bonih. ²⁷ Panabur tu tidur dan bangun siang dan malam, dan bonih tu mangaluarkan tunas dan batumbuh. Panabur tu tak tau camano tajadinyo. ²⁸ Tanah tu manghasilkan buah dengan sandirinyo. Mulo-mulo tunas, kamudian bulirnyo, lalu biji-biji gandum di dalam bulir tu. ²⁹ Waktu biji-biji gandum tu masak, orang tu sacopatnyo manyabitnyo karono musim panen tolah tibo." ³⁰ Kamudian, bacakaplah Yesus, "Dengan apokah kito dapat mambandingkan Karajoan Allah? atau, dongan parumpamaan apokah kito dapat mambandingkannyo? ³¹ Karajoan Allah tu saporti biji sasawi yang ditabur di tanah, walaupun biji tu adalah biji yang paling kocik diantaro samuo biji di bumi, ³² Tatapi katiko ditabur biji tu akan tumbuh dan manjadi lobih bosar dari pado samuo tanaman kobun, dan mangaluarkan cabang-cabang bosar sahinggo burung-burung di udara biso mambuat sarang di bawah palindungannyo." ³³ Dongan mamakai banyak parumpamaan macam tu, Yesus mangabarkan firman samo orang tu sasuai domgan yang dapat orang tu dongar. ³⁴ Dio tak parono bacarito samo orang tu tanpa suatu parumpamaan, tatapi dio jolaskan samuonyo dongan tarsandiri samo murid-murid-Nyo. ³⁵ Lalu, pada hari tu, katiko sudah potang bacakaplah Yesus samo murid-murid-Nyo, "Ayoklah kito pogi ka saborang danau." ³⁶ Katiko maninggalkan orang banyak tu, di bawak orang tu lah Yesus masuk ka sampan tu. Lalu, sampan-sampan yang lain pun mangikut barsamonyo. ³⁷ Lalu, tibo-tibo datang lah angin topan yang ngori dan ombak nang bosar sahinggo sampan tu pun diponohi air. ³⁸ Namun, Yesus ado di buritan kapal, lagi bagolek di atas bantal. Lalu, di bangunkan orang tu lah Yesus dan bakato, "Guru, apokah Kau tak paduli kalau kita binasa?" ³⁹ Kamudian, bangun lah Yesus dan mambontak angin tu, lalu bacakap samo laut tu, "Diam! tonanglah!" mako, rodahlah angin tu dan manjadi sangat tonang. ⁴⁰ Kamudian, Dio bacakap samo orang tu, "Apo yang kamu takutkan? yang tak adonyo iman kamu?" ⁴¹ Orang tu pun jadi takut dan tak bacakap satu samo laen, "Siapo Dio tu? angin nang koncang pun patuh samo-Nyo!"