¹ Nengkoo a senganak-senganak ke', tiga taway na dalem Tuhan. Menyurat puyan ira' ini lee kume ikam empei baat tuk aki' un ngan na' kedana' kume ikam. ² Tu'e lu' na pala' ira' baan puyan aseu, tue lu' neng kelunan ira' pegayeng ya' jaat, tue lu' neng kelunan ira' baka' ngan nce mengelan. ³ Ye ufan na ileu ta kelunan-kelunan ira' mengelan, ya' tay tunuk pala' Tuhan ufan soon Roh Allah, ngan un bangen dalem Kristus Yesus ngan nce un ngelan pala' pemuyan kimet kelunan. ⁴ Na' pia un tegen ukan ne' ke mengelan n eng ineu-ineu ira' un ku' usun tana' ini. Buk ke un kelunan ira' se pekiyo' sinteng mengelan pala' puyan-puyan usun kimet kelunan ira' usun tana' ini, un nco sui' pe-e' : ⁵ Ire menyunat neng dau ya' ke aye, umet lebu' jaau Israel, umet puu' Benyamin, kelunan atek luung Ibrani , neng jo pen gelan pala' hukum Taurat aki' ni kelunan Farisi, ⁶ neng jo puyan aki' ni petuyen ira' mengelan pala' Tuhan, neng jo ya' teneng dalem baya' hukum Taurat empei e' un sala' un. ⁷ Aken ineu ya' ufan met mena-a' da se peniga kume aki, na' kini aki' kume empey un bang nga un ufan koon Kristus. ⁸ Ufan ketu' se ineu ni aki' kume nce un bang, neng ufan mengelan pala' Yesus Kristus, Tuhan ne', un nco tiga usun ketu' ineu ni. Lawe ufan koon Ye te-e' lepek lepo ketu' ira' iti, ngan na' a mu', apan ne' un dalem Kristus. ⁹ Ngan un dalem Ye empei ngan peneneng nge' tengen un usun ufan ne' tunuk pala hukum Taurat, aken neng usun peneneng ufan mengelan pala' Kristus, yaiti peneneng ya' Allah mencai neng usun pengelan. ¹⁰ Ya' aki' ufa' yaiti tisen Ye ngan ayeng kenaa murip ngan pemung tawai dalem penusa A, ku' iti e' ketai kua' ngan Ye dalem patai A, ¹¹ apan iri koo a aki' kenai murip nengaang kelunan matai. ¹² Empei ufan na neng nge' lepek ala' puyan ini ngan lepek pedekep, ufan na aki' tay pavat ta ,senteng ta, buk ke aki' sinteng ke menakep pa piti, ye ufan na aki tengen pa lepek Kristus Yesus ti menakep. ¹³ Senganak-senganak, aki tengen nce un tisen neng ufan lepek menakep pa, aken ini ya' aki' uyai: Aki' kelupi' na ineu ya lepek lalau base likut te' ngan petelit use e' pala' ineu ya' un ku' jume e'. ¹⁴ ngan mengasa pala' tuso' ke ala' tunang, yaiti tebai sorgawi umet Allah dalem Kristus Yesus. ¹⁵ Ufan na mengiti tiga nilu, ya' muun pekimet menginye. Ngan buk ke tengen kimet to' neng jo se naan na, puyan iti Tuhan ke bara ta poo kume iku'. ¹⁶ Aken tiga na dalem penisen ya' lepek ileu un ileu metuk ku' baan janan ya' lepek ileu baya'. ¹⁷ Senganak-senganak, baya' na uyo e' ngan menaat nira, ya' murip kubaan ami' ya' ke bara' uyo ya' tiga kume ikam. ¹⁸ Ufan na, kubaan ya' tipan aki' lepek bara' kume ikam, ngan ya' aki' petula' ple-e na' kini entung menange, kadu' kelunan ya' murip miet pala' salib Kristus. ¹⁹ Tay koo ra yaiti salai, Tuhan ra yaiti bang pen guman lu', peniga ra yaiti pengjaat ra, kimet ra bang pala' puyan usun tana'. ²⁰ Ye ufan na usap lu un ku' dalem sorga, ngan umet iti pilu pekena kenay Tuhan Yesus Kristus ya' seleket janan ya' teneng. ²¹ ya' ke menyaliu use lu ya' jameng ini, apan na tai kua' ngan use A ya' bue' ngan tiga, ku' baan pengayeng Nga ya' sinteng ke menyupe' ketu' ineu pala' use A.