¹ Neng ufan dalem Kristus un katuk, un penyalau ya' lesau, un pebeke tawai Roh, un pengelesau ya' tiga ngan selum taway, ² neng Ufan na mengiti pedekep bangen taway ye' ngan ini: tiga taam se atai se kimet, dalem se pengelesau, se penaway, se tuso', ³ ngan nce un tay kanye pengufa' tengen ngan buk ke nce maak ya' nce un bang nga. Ya' tiga-a nyelima' na ngan liba' tawai se use pala' ira' se sui neng o use a tengen, ⁴ ngan nyen un singket-singket batang use bang kepeteneng pengufa'-a tengen, aken pala' kelunan ira' se pa. ⁵ Tiga taam dalem nem murip pumung, bara' kimet ngan penaway ya' un kebaan dalem Kristus Yesus, ⁶ ya' ineu pia dalem kebaan dite uyo Allah, nce un pekio' kua' ngan Allah iti seleket anun na ya' atek ye ke menganun. ⁷ na' pia lepek ngelangan use A tengen na, ngan nay nyelifo ku' kebaan se ula', ngan baliu nuyan kua' ngan kelunan. ⁸ Ngan dalem sengkasan na kebaan kelunan, Ye lepek nyelima' taway Ya ngan tunuk pafi' taa matai, mengiri ta pafi' taa matai ku' kayeu salib. ⁹ Iti na tuman na Allah menco' Ye ngan mencai kume Ye ngaran ya' un nco base empau neng ketu' ngaran. ¹⁰ Apan na dalem ngaran Yesus tunuk nengkalep ketu' ya' un ku' langit ngan ya' un ku' usun tana' ngan ya' un ku' base nta' tana', ¹¹ ngan ketu' jela' petira': "Yesus Kristus Ye ta Tuhan," kume peniga Allah, ya' Amai lu. ¹² Senganak-senganak ke' ya' aki' lesau, ikam lemuto tunuk ngan tudep; neng ufan na mengiti muto na pegayeng pengurip nem ya' bue' ngan mentam ngan tangen, mpey ya kebaan daleu we' sa' un daleu ikam, aken un nco pa na' kini daleu we' nce un ngan ikam. ¹³ Ufan na Allah ya' pegayeng nga dalem ikam tiga usun pengufa megiri ta pegayeng baya' usun pengufa' A. ¹⁴ Uyai na ketu' ineu ngan nce un mengueng ngan pesakat, ¹⁵ apan nem nce un see ngan nce un mano seleket anak Allah neng daleu kelunan ira' kileng atai-a ngan ya' lingeu ini, apan na ikam un kedema nengaang ire ku' baan bet'tuen-bet'tuen ku' usun tana'. ¹⁶ Entung engkang pala' isiu Tuhan ya' murip, apan ne' sinteng un peniga neng tuken dau kenay Kristus, ye ufan na mpey ufan ne' jafa' ka pasa ngan nce un jafa' ufan ne' ka pami' ngan nengayet. ¹⁷ Aken na' pia daa' e' petite pala' pengencay ngan sembayang usun pengelan nem, aki' bangen taway ngan aki' bangen taway ngan ikam mung. ¹⁸ Ngan ikam se atekka bangen taway baan mengiti ngan bangen taway na ngan aki'. ¹⁹ Aken dalem Tuhan Yesus aki' petadap soon Timotius nay pala' ikam, apan iri tadan lu' tegen tawai ye' soon denge neng jo pengurip po'.. ²⁰ Neng ufan na nce un i' ngan aki', ya se atai ngan se kimet ngan aki' ngan ya' lan-lan menaat dite pengufa' nem; ²¹ Ye ufan na mung ra irap pengufa' ra tengen, empei ya usun pengufa' Kristus Yesus un. ²² Ikam tisen ufan penudep pa lepek lalau dalem penesek ngan neng ufan na lepek mebo aki' dalem gayeng nebara' isiu Tuhan kua' ku' kebaan se anak mebo tamen na. ²³ Ye aki' nebelom aki' kekateu ngan petadap, neng o tugen pala' aki' mengempey asat pekara' e'. ²⁴ . Aken dalem Tuhan aki mengelan, ye ufan na aki tengen ke palet kenay. ²⁵ Neng kena iti aki' soon Epafroditus kume ikam, yaiti senganak ke ngan tuyang se gayeng ngan penuyang nge', ya' ikam soon ke mebo aki' dalem pengufa' e'. ²⁶ Ye ufan na ale'-a menawai neng ikam mung ngan maru pa atai ya, lawe ufan nem sekening daau wa mua. ²⁷ Atek lan tia mua ngan dani kematai, aken Allah ti lesau ye, ngan empei ye lu' un, mengiri tee' pa, apan na tusa kimet te' nce un nai mepit. ²⁸ Nga tee' ngepalet soon ye, apan iri daleu nem menaat ye, ikam sinteng nay see' taway lee ngan ngedoot tegen jaat taway ye'. ²⁹ Neng nga mengiti nyalam nia dalem Tuhan ngan ketu' tiga taway ngan tunuk na pala' kelunan-kelunan ira' ku baan ye na. ³⁰ Lawe ufan na pegayeng kume Kristus ye dani kematai ngan ye mencay brue-a ufan na kepetipo ineu ya' sa' tepe dalem gayeng nem pala' aki.