¹ Lawe a ngiti, senganak-senganak ke' ya' aki' lesau ngan ya' aki' menawai, kebangen kimet te' ngan tiga ngaran ne', nekedeng na dalem Tuhan, senganak-senganak ke ya' aki' lesau! ² Eudia aki' pekatuk ngan Sintikhe aki' pekatuk, apan na se atai se kimet dalem Tuhan. ³ Mengiri ta aki' nyat pala' iku' pa Sunsugos, tuyang nge' ya' tangen : mebo nira. ufan na ire lepek pegayeng ngan aki' dalem pigai isiu Tuhan, pemung ngan Klemens ngan tuyang-tuyang nge' se gayeng ira' se, ya ngaran-ngaran ra un dalem surat pengurip. ⁴ Bangen na lemuto dalem Tuhan! Se luai le-e aki' bara' : Tiga taway na ! . ⁵ Tiga na tiga atai nem dulu tisen mung, dani na Tuhan! ⁶ Nyen nem iut taway neng jo ineu pa, aken bara' na ketu' pengufa nem pala' Allah dalem sebayang ngan pengenyat ngan pempau Tuhan. ⁷ Se-e' taway ngan tiga murip umet Allah, ya' sui' neng ketu' aken, ngan petubo atai ngan kimet nem dalem Kristus Yesus. ⁸ Mengiti na koo a senganak-senganak ke', ketu' a ya' lan, ketu' ya' mulia, ketu' ya' adil, ketu' ya' bue', ketu' ya' me, ketu' ya' tiga sekening, ketu' ya' ileu kume peniga ngan dulu maak, pekimet na' mung ira' iti. ⁹ Ngan ineu ya lepek ikam pekalai ngan ineu ya' lepek ikam ala, ngan ineu ya' lepek ikam sekening ngan ineu ya' lepek ikam menaat neng aki', uyai na ira' iti. Nga Allah ya' puun na se-e' taway ngan tiga murip kemuyang ikam. ¹⁰ Aki atek tiga kimet dalem Tuhan, ufan na koo a kimet nem ngan penaway nem nai murip peluet pala' aki'. Lan ta lemuto un penaat nem, na' pia ngiti empei un awang nga kume ikam un. ¹¹ Aki bara' ini empei ufan ne' kasip un, lawe ufan na aki' lepek pekalai pedekep use e' dalem ketu' puyan. ¹² Aki' tisen ineu penepe ngan aki' tisen ineu lelum. Dalem ketu ineu ngan dalem ketu se puyan empei un se ineu ya suuk neng aki un; tiga pa dalem pa daleu beso, ngiri ta dalem laau, tiga pa dalem lu lelum ngiri pa dalem penepe. ¹³ Ketu' puyan senteng aki' nyuun dalem Ye ya' nai pengayeng kume aki'. ¹⁴ Na' pia ngiri tiga ta puyan no', ye ufan na ikam lepek ala' tulat dalem pen usa e'. ¹⁵ Ikam tengen tisen pa, aa' kelunan-kelunan Filipi; daleu e' menaring pigai isiu tuhan, daleu e' leka' umet Makedonia, empey un empun kelunan ira' mengelan Tuhan uyai se tutun ngan aki ira' se neng ikam. ¹⁶ Ufan na ku' Tesalonika ikam lepek se due luai nay kateu mebo pala' aki'. ¹⁷ Na' pia ngiti tuk aki' ya' un nco mpey pengencai iti un, dalem ma ngiti bua' a, ya' ke ngejaau peniga o'. ¹⁸ Na' kini ne-e' lepek ala' ketu' ya' aki' ufa' umet iki', un nco sui' neng ira' iti. Aki sangan ngan pen iga, ufan na aki lepek ala' kateu wo' se pengencay selum umet Epafroditus, se pengencai ya selum, se pemuyan ya' ami' ufa' ngan ya' siu' nenmg jume Allah. ¹⁹ Allah e' kemenyangan ketu' pengufa' nem kebaan penyangan ngan peniga A dalem Kristus Yesus. ²⁰ Pempau na Allah ngan Amai lu seng kasan na Amin. ²¹ Bara' na kenu' e' pala' singet-singket kelunan bue' dalam Kristus Yesus. Bara' kenu' e' kume ikam umet senganak-senganak, ira' sedingan ngan aki. ²² Bara kenu' kume iku' umet ketu kelunan bue', nyito' umet ire ya' ku istana Kaisar. ²³ Pengelesau pengencay Tuhan Yesus Kristus ke petubo b erue o'!