¹ Ko o wa, senganak -senganak, ami nyat ngan katuk nem dalem Tuhan Yesus. Ikam lepek sekening umet ami kamekempei nem kebaya' pengurip apana un guna pala' Allah, puyan iti ufan lepek naam baya' a, aken tiga naam kebaya' a ngan ya' ka lan lu' le'e. ² Ikam tisen pa tuso-tuso ya' mpei ya' lepek ami nai pala' iku' usun ngaran Tuhan Yesus. ³ Nga ini na pengufa' Allah: Pengembue' o, ya iti apan o mengesu' umet kejaneng, ⁴ apan nem singket-singket ala' se ledo jadi ledo nem tengen ngan murip ke bue', ngan selima, ⁵ mpeia ngan ke pengufa'-ufa' lu' un, kebaan ya' kelayan ko on kelunan- kelunan ya' ne'e ngetisen Allah, ⁶ ngan apan dalem pemuyan ini, kelunan iri ya senganak ra ngan ne'e un tiga ngan ka pelingeu ire. Neng ufan na Tuhan un ta ka menyua' umet ketu' ini, kebaan ya' lepek ami bara' ngan nugen met taringa pala' iku'. ⁷ Allah bai ileu mpeika uyai ineu ya; yameng un, aken ineu ya' ka' buwe'. ⁸ Neng ufan na mengiti i ' ya' meka ini mpeia meka kelunan un, aken tia meka Allah ya' lepek mencai ngan Roh-Wa ya' buwe' pala' ikam. ⁹ Neng pengelesau senganak mpei lu perlu ka ngedana a un pala' iku', neng ufan no tengen lepek pekalai lesau, pengelesau umet Allah. ¹⁰ Puyan iti ikam ka uyaia neng ata mung senganak ko sukung tana' Makedonia. Aken ami ka pekatuk ikam senganak-senganak, apan nem lebih ka lan-lan lu' le'e uyaia. ¹¹ Ngan pesiu'na seleket se selima' lu ngan murip temek, ntung lu peteneng pemuyan-puyan lu tengen ngan pegayeng ngan usu, kebaan ya' lepek ami' bara' pala' iku', ¹² pe nem murip kebaan kelunan ya' mu un neng taat kelunan bese awang ngan nee un njelifit pala' ire. ¹³ Ka pesuk pengurip ami nee ufa', senganak-senganak neng ikam nee ngetisen neng ira tai matai, apan nem iri un kelesau ngan tange kebaan kelunan-kelunan ira se ya' nee un tebelom. ¹⁴ Ka buke ileu mengelan, ufan Yesus lepek matai ngan lepek nai beti', nga lu mengelan pele'e ufan ire ya' lepek matai dalem Yesus, sulo Allah kelepeng ire pekuwa-kuwa ngan Ye. ¹⁵ Ini me' bara' pala' iku' ngan isiu Tuhan: Ileu ya' murip, ya' sa lungun pafi' ka kenai Tuhan, se luai pa ileu nee un senteng ka menena ira lepek matai. ¹⁶ Nga daleu kedana ya' nai, ya' iti daleu kepala malaikat ngelalo ngan ketepip Allah menujau, nga Tuhan tengen pa ka nai umet surga ngan ire ya' matai dalem Kristus ka ire ya' lebi aring nai beti. ¹⁷ Neng o iti, ileu ya' murip, ya' sa lungun, akan ketai peneo' pekuwa ngan ire dalem afun nyelalang Tuhan ko' belua' awang ti. Ka mengiti ni lu neng kenyain-nyain na ngan Tuhan. ¹⁸ Nenga mengiti tiga ni lu peja'au tawai lu ngan peja'au tawai balai kume ileu neng isiu ini.