¹ Ami nee un senteng ka pekadi le'e, neng ufan na mengiti ami ala' se tuken ka lungun tengen lu ko' Atena. ² Nga me' so'on Timotius, senganak ya' pegayeng ngan ami' kume Allah dalem kebara' Katuk (Injil) Kristus, apan ka payeng penawai nem ngan ka pekatuk ikam neng ka pengelan nem. ³ Apan na iri un kelunan ya' tai sengim pengelan ra neng ufan na un penusa mengini. Ikam tengen tisen, neng ufan lu kasiu' tulat mengiti. ⁴ Nga un daleu nem ngan ami da lepek neme' bara' kume ikam, neng ufan lu kasiu' tusa. Ngan puyan iti, kebaan nem tisen, lepek ke nuyan. ⁵ Iti ta tuman na, nga e nee un senteng pekadi le'e, lepek so'on ye, apan ne ka tisen neng pengelan no', ufan ne tai i'ot tawai buke iku' lepek siu' penesek so on pengejaat ngan buke gayeng nem ketai nee un apen nem. ⁶ Aken nakini, neng lepek Timotius ti nai ngeluet umet ikam ngan ngkin denge ya' ti'ga neng pengelan no' ngan pengelesauo', ngan ufan ikam lemuto ka un kedana'-kedana' ya' ti'ga neng ami ngan ufa' ka petegu' nga ikam, ⁷ nga me' pele'e, senganak-senganak, dalem ketu' kepekeng ngan penusa me' tai salau so'on ikam ngan so'on pengelan no'. ⁸ Na kini me' murip ngeluet, ala' iri naam tageng nekedeng neng dalem Tuhan. ⁹ Ngaa ucapan syukur ineua ya' senteng ami ka mencai pala' Allahusun ketu' pengufa a ya' ami ka ala' neng ikam, neng jume Allah lu? ¹⁰ Singket dau ngan singket alem me sembayang lan-lan, apan lu tai petegu' silung ngan silunglu apana un pit ineu ya' sa kurang neng pengelan no'. ¹¹ Apana Ye, Allah ngan Amai lu, ngan Yesus Tuhan lu' ka mesik kume ami janan nai pala' ikam. ¹² Dengan mengiti pa Tuhan ka uyai ikam ka un pit-un pit ngan kasangan dalem pengelesau se use ngan ira se nga ketu' kelunan, kua' kebaan me' pa lesau ikam. ¹³ Apana Ye ka payeng penawai nem, apana nee un mano, ngan un kebuwe' ko' jume Allah ngan Amai lu' neng daleu kenai Yesus, Tuhan lu', ngan ketu' kelunan buwe'a.