¹ Ikam tengen pa atek tisen, senganak-senganak, neng kenai me' ko' nengaang ikam mpei ka nee un banga un. ² Aken lan ta ami kena ini da, kebaan ikam tisen, lepek siu' tuyen ngan siu' keja'at ko Filipi, ufan na ngan pertolongan Allah lu' iti ami un makang ka nebara' isiu Tuhan Allah pala' ikam dalem pengasat ya' baat. ³ Nga katuk me' mpeia nai kawang umet ka pelingeu ngan umet kadep ya' nee tiga ngan mpei un ya' baka. ⁴ Buke ileu kapupea ufan Allah lepek na ami senteng mengelan Katuk/ Injil iti pala' ami, nga mengiti ami petira, mpei ka neng pengufa kelunan, aken ka pengufa Allah ya' manguji atai lu'. ⁵ Aken mpei me' ba ya' menyak daau, puyan iti ikam tisen ngan nee un kadep lamaka ya' kesu uk Allah tia ka saksi. ⁶ Nengiri ta mpei me' ka irap dulu pancau umet kelunan ti'ga umet ikam, ngan umet kelunan-kelunan ira se, mengiti pa me' senteng uyai kebaan rasul -rasul Kristus. ⁷ Aken ami ka uyai selima daau me' nengaang ikam, kua' kebaan se kelunan se sinen ya' selawan ngan petubo anaka. ⁸ Neng iti teme dalem pengelesau ya' ja'au neng ikam, mpeia bang ti'ga tawai me' petulat Injil (Katuk) Allah ngan ikam, aken mengiti pa pengurip me' tengen ngan ikam, neng ufan nem lepek ami lesau. ⁹ Neng ufan nem sa ngetawai, senganak-senganak aken tengayet ngan ke lama' xme'. Kasan me' pegayeng singket dau ngan singket alem, apana iri jadi le,pin kume ipa ya' nengaang ikam, ami pedenge isiu Injil Allah pala' ikam. ¹⁰ Ikam ka saksi, mengiri pa Allah, unco bue', teneng ngan nee ya' ata ami ka uyai nengaang ikam, ya' mengelan. ¹¹ Ikam tisen, unco me', kebaan se tamen pala' anak - anak ka, lepek pekatuk ikam ngan peja'au tawai nem ngan se ngan se use, ¹² ngan pengenyat ya' lan, apan nem murip pekua' ngan pengufa Allah, ya' bai ikam ko' dalem pengaern ngan peniga-A. ¹³ Ngan mengiti pa me' nee un beto-beto mengucap syukur pala' ALlah, nga taam lepek ala' isiu Tuhan Allah ya' ami bara' oti, mpei kebaan isiu lu kelunan da un, aken ngan ya' lan-lan mengitipa isiu Tuhan Allah, ya' pegayeng pa dalem ikam ya' mengelan. ¹⁴ Tuman nem, senganal - senganak, lepek ngebaya' jemaat-jemaat Allah ko' Yudea, jemaat-jemaat dalem Kristus Yesus, neng ikam pele'e lepek ketuyen umet tuyang-tuyang nem pengelebu' ketu' se ineu ya' ka penuyen ra umet kelunan-kelunan Yahudi. ¹⁵ Ufan na kelunan-kelunan Yahudi iti lepek menatai Tuhan Yesus ngan pala nabi ngan lepek petuyen ami. Ineu ya' pengufa' Tuhan Allah mpeira ka pedulia nu un ngan ketu' kelunan ya di ayaura, ¹⁶ neng ufan ra ufa' mempeng-mempeng ami pedenge isiu (firman) pala' lebu-lebu' ira se neng keselamatan ra. Neng iti nira lemuto-uto mengepit penyala' ra pafi' keta a tipo kadu'a ngan na' kini pengejaat lepek siu' ire ngan baat. ¹⁷ Aken ami senganak - senganak, sengkasan petat ngan ami, su' neng penaatlu, aken mpei su' neng penawai lu un, ngan lan-lan na ngan menawai ya' ja'au lepek nengayet ka nai menaat ikam. ¹⁸ Nengiti pa me lepek pesedep ngan nai pala' ikam - aki', Paulus, ufana sui' umet se luai - aken Iblis lepek penceng ami. ¹⁹ Nga i' ya' ketebelom me' atau kepengufa' me' ngan mahkota (kelayen) penekep me' neng asa Yesus, Tuhan lu, neng daleu kenaia, buke nee ikam? ²⁰ Atek lan na, ikam ta kemeniga ami ngan ka pengufa' me'.