¹ Aken neng zaman ngan masa, senganak-senganak, mpei teri lu ka nyurata kume iku', ² ufana ikam tengen pa tisen tenenga, ufan neng dau Tuhan ka nai ku' kebaan ya' ka ngelasit daleu ma au. ³ Ka miran ra ka petira' a: Munga tiga ngan tadan nira ngan kejet lu ra tai siu' so'on penusa, kebaan se ledo ya' menale siu' ko on sakit menganak nee un tu'e menyala'a. ⁴ Aken ikam senganak - senganak, ikam nee murip dalem ntem, neng dau iti ngan tekejet nai su' ikam kebaan kelasit da, ⁵ neng ufan ikam mung ka anak-anak dema ngan ya' ngelayan dau. Ileu mpei lu kelunan daleu ma au un, ngan kelunan ya' dalem ntem. ⁶ Tu mana mengiti iri lu luntu' kebaan kelunan ira se ti, aken tisen pengan ngan un tugen (kian). ⁷ Ngan iri ya' luntu', luntu' daleu ma au un, ngan ira mafuk, mafuk ra daleu ntem. ⁸ Aken ileu ini ti lu kelunan ya' dema, tiga ti lu nai kian, ke un sapai kelayen lu pengelan ngan pengelesau ngan ka un beluko tebelom kesalamatan. ⁹ Neng ufan na Allah mpeia tetapkan ileu ka siu penusa, aken ufan ka ala' keselamatan so on Yesus Kristus, Tuhan lu, ¹⁰ lepek matai kume ileu, apan na ileu ka jaga - jaga, nee un luntu', ileu ka murip ka pekuwa ngan Ye. ¹¹ Nga mengiti pekatuk na se use ngan ira se ngan lemuto pebo ngan kebaan ya' lan ikam ka uyai. ¹² Ami nyat pala' ikam senganak-senganak, apan nem ka njelima ire ira lemuto pegayeng baat nengaang ikam, ya' ngkin ikam dalem Tuhan ngan pekatuk ikam, ¹³ apan nem lan-lan petangen ire dalem pengelesau neng ufan gayeng ra. Murip na lemuto dalem bangen ngan kelunan peging ira se. ¹⁴ Ami pa pekatuk ikam senganak - senganak, pekatuk nira ira murip ngan nee un teneng, pesalau nira tai jeling penawai, mebona ira lema', pedena na neng ketu' kelunan. ¹⁵ Ngetawai na, apan iri un kelunan ya' menyua' ja'at ngan ya' ja'at, aken negayet na lemuto yta' tiga, neng ikam singket ikam ngan neng ketu' kelunan. ¹⁶ Pengufa' ya' tiga na lemuto. ¹⁷ Lemuta na sembayang. ¹⁸ Mengucap syukurna dalem ketu' pemuyan, mengiti ta pengufa' Tuhan Allah dalem Kristus Yesus kume ikam. ¹⁹ Iri tai menata' Roh, ²⁰ iri tai na a liba nubuat - nubuat. ²¹ Menjile na ketu' ineu ni, ngkang na ya' tiga. ²² Mengesu' na use o' umet ketu' na an ya' ja'at. ²³ Malau Allah damai sejahtera ngebuwe' ikam mung a ngan malau rohberue' ngan use nem ye petubo tiga ngan nee un ja'at neng kenai Yesus Kristus, Tuhan lu. ²⁴ Ye ya' bai ikam ngan tudep ngan le le ka pelipo wa. ²⁵ Senganak-senganak, sembayang kume ami. ²⁶ Ngkin na kenu me pala mung senganak ngan mintuk ya' buwe'. ²⁷ Ngan ngaran Tuhan aki' nyat ngan lan pala' iku', apan surat ini iku' bara' pala' mung senganak lu. ²⁸ Pengelesau pengencai Yesus Kristus, Tuhan lu petubo ikam!