¹ Lalue, malekat kalimae maniup tarompetnya, lalue aku mailae suti bintang jatue mulae langit ka tingie tanah, lalue kaninya diborie kuncie luwang pampatie. ² Inya maungkap luwang pampatie, makae maluar asap mulae luwang iyah, berae asap mulae tungkue am bakah, lalue mata arie umakan langit jadie potang laie asap luwang iyah ³ Limah iyah, mulae lalam asap maluar bunta-bunta ka tingie tanah, lalue pamanya di borie kuasa samah berae akan kalae ka tingie tanah. ⁴ Lalue, akan pamanya di parah hinang marusak rumput-rumput tanah, mun tanam atawae puhun kayue, am tahue bayae pamanya am hontae bagorae segel Hatalla ka dahie pamanya. ⁵ Pamanya hontae di suruh mampatie pamanya, tapie bayae manyiksa pamanya sapalamat 5 bulan; lalue panyakitnya samah berae panyakit laie wisae kalae metuhnya muntut kalunen. ⁶ Metuh iyah, kalunen uras hona matie tapie hontae tahue matie. Pamanya hona matie, tapie pamatie mahila mulae pamanya. ⁷ Tuwuh bunta-bunta iyah berae kuda-kuda am di siapkan honie parang; lalue ka tingie palae pamanya tege suti berae mahkota amas. muhae pamanya berae muhae kalunen. ⁸ Balau pamanya berae balau labinie lalue gigie pamanya berae gigie singa, ⁹ umakan darae pamanya berae bajue bosie, lalue bungie sayap pamanya berae bungie karetae-karetae am bannya kuda lalue manguang ka medan kalahie. ¹⁰ Lalue, ikku pamanya berae kalae umakan tege wisae kabuntut lalam ikkunya pamanya tiam tege kuasae akan manyiksa kalunen sapalamat 5 bulan. ¹¹ Rajae am maretah pamanya iyaham malekat luwang pampatie, am lalam bahasa Ibrani namanya iyaham "Abadon", tapie lalam bahasa Yunani namanya iyaham "Apolion", ¹² Pamalie am sulanya jadie lalue, tapie tege 2 panyakit bukan am kan datang. (Tarompet Kaonam Babungie) ¹³ Lalue, malekat am kaonam maniup tarompetnya, lalue aku manongar bungie mulae kaompat puting tanu mazbah* amas am tege paharap Hatalla, ¹⁴ bapaner kan malekat kaonam am mangongam tarompet iyah, "Lopaskan kaompat malekat am dikowat kasungaie Efrat am bakah iyah." ¹⁵ Makae, kaompat malekat iyah, am jadie di sadiya kan jam lalue arie, bulan lalue tahun iyah, dilopas akan mampatie 1/3 umat kalunen. ¹⁶ Sanganya tantara bakuda banyanya iyaham 200 juta sanganyanya; aku manongar sanganya pamanya. ¹⁷ Lalue, puna bera iyaham aku mailae lalam pailae* kuda-kuda iyah lalue pamanya am duru ka tinggienya; kawan panungang nya mahonie bajue bosie bawarnae mirah manyalae, birue potang, lalue kuning berae balerang; lalue kapalae kuda-kuda iyah berae kapalae singa umakan durung pamanya maluar apie, asap, lalue balerang. ¹⁸ Laie katolueyaham 1/3 kalunen matie; laie apie, asap, lalue balerang am maluar mulae durung pamanya. ¹⁹ Sabab, kagancang kuda-kuda iyah tege lalam durung umakan iku pamanya. Sabab, iku pamamnya berae ular lalue bagorae palae, lalue honie iyaham pamanya manyiksa. ²⁰ Jakae, kalunen am salamat, am hontae matie laie pamalie iyah, totap hontae batobat mulae karuhan-karuhan jarie pamanya, diyah pamanya hontae tahue manyomah roh-roh jahat lalue imun-imun* mulae amas, perak, tamagae, batue atawae kayue, am hontae tahue mailae, manongar, atawae bajalan, ²¹ lalue pamanya hontae batobat mulae mampatie, kajie patuae,* habanung, umakan mangolit.