¹ Limah iyah, aku maila siku malaikat onya am bukan turun mula surga, bapakaian awan umakan liu tege ka tingi palanya, umakan muhanya bera mataarie, umakan kakinya bera tihang apie. ² Malaikat iyah marigap suti buku am tabuka. Umakan, Inya manyoja kaki kanannya ka laut umakan kaki kiwanya ka natai, ³ limah iyah basoru honi bungie am nyaring, bera bungie singa; umakan limah inya basoru, tujuh guntur manampa bungie rang. ⁴ Sota katujuh guntur iyah jadie babungie, aku hona manulisnya, tapie aku manongar bungie mula surga, "Segel apa am jadie dipaner laie katujuh guntur iyah! Hinam manulisnya!" ⁵ Limah iyah, malaikat am ka ilae badiri ka laut umakan darat iyah maangkat jari kanannya ka langit, ⁶ lalu basumpah demi Inya am hirup salama-lamanya, am manciptakan langit umakan bumi umakan sagala isinya, lalu laut umakan sagala isinya, amun mayan ara mula pamundaan, ⁷ tapi metuh masa sinie malaikat ka tujuh, metuh inya hona maniup trompetnya, maka gonaplah rahasia Hatalla, bera am Inya sampaikan ka para hamba-Nya: para nabi*.'' ⁸ Limah iyah, suara am tari aku dongar mula surga bapaner mula ka aku, ujanya,''badari lalu alapkan gulungan kitab tabuka mula jari malaikat am badiri ka tingie laut umakan darat iyah.'' ⁹ Maka, aku badari ka malaikat iyah lalu mamintanya mamori gulungan kitab konie iyah ka aku. Lalu, malaikat iyah bapaner ka aku,''Alapkan kitab itie lalu makan, iyah akan mangaruh porutmu pahit, tapi ka nyawamu, iyah akan tarasa manis bera maru.'' ¹⁰ Lalu, aku mangalap Kitab konie ka jarie malaikat iyah lalu mamusehnya, lalu ka nyawaku yah tarasa manis bera maru; lalu metuh aku jadi mamusehnya, porutku jadi pahit. ¹¹ Lalu, inya bapaner kan aku,'' Kolai harus banabuat* mula ka paharap banya bangsa umkan kaum umakan bangsa umakan raja-raja.''