¹ Lalu, borikan ka aku suti buluh, wujudnya bera tungkat pengukur, honi kata-kata,'' Badari lalu ukurkan Bait Hatalla umakan altarnya umakan urang am baibadah ka lalamnya. ² Akan tapi, biarkan pelataran Bait Hatalla am kona sorap luar, hinang maukurnya laie iyah jadi kona bori ka bangsa-bangsa; lalu urang akan manyoja Kota Suci iyah salama 42 bulan. ³ Lalu, Aku akan mamori kuasa ka dua saksiku umakan urag akan banubuat* salama 1260 arie honi kain jabung.'' ⁴ Urang itie iyaham 2 puhun zaitun umakan 2 kaki dian am badiri ka paharap Tuhan am hompu bumi. ⁵ Lalu, amun tege urang am hona manyakit urang, api maluar mula nyawa urang lalu manguskan musuh urang. jadi sapamah hona manyakit urang inya akan kona pati honi cara bera iyah. ⁶ Kaduanya itie hompu kuasa akan manutup langit nyaman hujan honta turun mulaarie nubuat urang; lalu hompu kuasa ka tingie arai akan mangubahnya jadi darah lalu akan marabas bumi honi satiap malapetaka, ⁷ Lalu, amun urang jadi manyalesaikan kasaksian urang, lau jolu am muncul mula lalam jurang maut akan bakalahi malawan urang, umakan mampati urang. ⁸ Lalu, mayat kaduanya akan tangkaling ka jalan kota bakah, am sacara simbolis kona joku Sodom* umakan Mesir, homan Tuhan diri jam kona salidkan. ⁹ lalu, mula saluruh bangsa umakan suku umakan bangsa umakankaum akan mailae mayat kaduanya salama 3,5 arie lalu honta akan maizinkan mayat kaduanya kona baring lala kona kubur. ¹⁰ Lalu, am biam ka bumi akan basukaciti ka tingie urang lalu barami; lalu urang rajin magirimkan hadiah situ kan am bukan laie kadua nabi iyah manjiksa urang am biam ka bumi. ¹¹ Akan tapi, limah 3,5 arie, roh kahidupan mula Hatalla tama ka lalam kadua mayat iyah, lalu urang badiri ka tingie kaki urang sampai am mamparhatikan urang jadi gola. ¹² Lalu, urang nanongar suara am nyaring mula surga bapaner ka urang,''Naie kotie!''Lalu, urang jam naie ka surga lalam awan, kona saksi laie musuh-usuh urang. ¹³ Lalu, metuh iyah jam, tajadi gempa bumi am dahsyat sampai seperpuluh kota iyah runtuh; lalu tujuh ribu urang matie laie gempa bumi iyah, lalu am honta mati jadi bujur gola, lalu mamuliakan Hatalla am ka surga. ¹⁴ Bancana am kadua jadi lalue; ilae bancana am katolu akan sagera datang. (Trompet am Katujuh Babungie) ¹⁵ Lalu, malaikat am ka tujuh maniup trompetnya, lalutadongar suara nyaring ka surga am bapaner, ''Permintaan dunia jadi pamarintah Tuhan diri lalu Inya Am Kona urapi-Nya*, lalu Inya akan mamarintah sampai salama-lamanya.'' ¹⁶ Limah iyah, dua puluh ompat tuha-tuha* am duru ka takhta urang, ka paharap Hatalla, basujud lalu manyomah Hatallla, ¹⁷ lalu bapaner, ''Kami basyukur ka-Kolai, au Tuhan, Hatalla A Mahakuasa, Am Tege umakan Am Jadi Tege, Laie Kolai jadi mangalap kuasa-Mu am bakah lalu mampara mamarintah ¹⁸ Lalu, bangsa jadi gusar, tapi murka-Mu jadi datang, lalu waktunya jadi sampai akan urang mati akan kona hakim lalu mamori upah hamba-hamba-Mu, nabi-nabi* lalu urang kudus lalu am gola akan nama-Mu, m konie umakan am bakah, lalu akan mahancurkan para pahancur bumi!' ¹⁹ Limah iyah, tabukalah bait Hatalla ka surga lalu tailae Tabur Perjanjian Hatalla lalam Bait-Nya, lalu muncullah kilat umakan suara guntur umakan gempa bumi umakanhujas es am lobat.