¹ Limah iyah, aku mailae langit am baharu lalu bumi am baharu. Laie, langit am partama umakan bumi am baharu jadi hila; lalu laut jam jadi mayan ara mula. ² Lalu, aku mailae kota am kudus, Yerusalem Baharu, turun mula langit, mula Hatalla, lalu siap bera panganten labimi baaci akan lakinya. ³ Aku manongar suara am nyaring mula takhta bapaner,''Ilae, kemah Hatalla tege katongah tongah kalumen. Inya akan diam ka antara urang lalu urang akan jadi umat-Nya. Hatalla kaniri akan tege ka antara lalu jadi Hatalla urang. ⁴ Inya akan mahapus satiap arai mata mula mata urang lalu maut honta ara mula, homta akan ara malu pakabungan, tangis, atau asa panyakit laie am lalu jadi lalu.'' ⁵ Inya am duru ka takhta iyah bapaner,''Ilae, Aku manjadikan urasnya baharu!''Uja-Nya mula, ''Tuliskan iti laie pamaner iti tahu parcaya umakan bujur.'' ⁶ Limah iyah, Inya bapaner ka aku,''Jadi salesai! Aku inyaam Alfa umakan Omega, Am Awal uamkan Am Akhir. Aku akan mamori arai ka satiap urang am haus malu mata arai pahirup sacara cuma-cuma. ⁷ Inya am monang akan mawaris urasnya iti; Aku akan manjadi Hatallanya lalu inya akan jadi ana-Ku. ⁸ Akan tapi, urang am gola, honta parcaya, lalu keji; pampati, urang sundal, tukang sihir,* para panyomah barhala,* lalu uras pandusta, akan baulih bagian urang lalam lautan am manyala-nyala laie api umakan barah. Iti kamatian kadua.'' Yerusalem Baharu ⁹ Limah iyah, suti mula tujuh malaikat am maragap tujuh cawan am ponuh lalu tujuh bancana taakhir iyah datang lalu bapaner ka aku,''Ayo, aku akan manunyu ka kolai panganten labini, bani Ana Domba iyah.'' ¹⁰ Lalu, inya manaingku lalam Roh maguang ka suti gunung am bujur bakah lalu tingie, umakan manunyu ka aku kota suci iyah, Yerusalem, am turun mula langit mula Hatalla, ¹¹ Ponuh kamulian Hatalla lalu cahayanya bera parmata am bujur mahal, bera parmata yaspis, barasih bera kristal. ¹² Kota iyah bagora tembok am bakah umakan tingie honi dua belas pintu gerbang. Mula pintu gerbang iyah tege dua belas malaikat umakan nama-nama tatulis ka tingienya, inyaham nama kadua belas suku Israel.* ¹³ Tege tolu pintu gerbang ka sorap timur, tolu pintu gerbang ka sorap utara, tolu pintu gerbang ka sorap selatan, lalu tolu pintu gerbang kasorap barat. ¹⁴ Tembok kota iyah bagora dua belas batu fondasi lalu ka tingie batu-batu fondasi iyah tatulis nama kadua belas rasul* Ana Domba. ¹⁵ Malaikat am bapaner ka aku iyah maragap suti tungkat pengukur am kona karuh mula amas honi maukur kota iyah, pintu gerbangnya laku temboknya. ¹⁶ Kota iyah babentuk segi ompat, panyaknya samah umakan lebarnya. Inya maukur kota iyah honi tungkatnya, dua belas ribu stadia; panyak, lebar, umakan tingienya samah. ¹⁷ Lalu, inya maukur tembok kota iyah, saratus ompat puluh ompat hasta, mamurut ukuran kalunen, iyah jam ukuran malaikat. ¹⁸ Tembok kota iyahkona karuh mula parmata yaspis umakan kota iyah kona karuh mula amas murni, sabening kaca. ¹⁹ Fondasi tembok kota iyah badiri mula sagala jenis parmata am mahal. Batu fondasi am partama inyaham batu yaspis, am kadua batu safir, am ka tolu batu mirah, am ka ompat batu zamrud, ²⁰ Am ka lima batu unam, am ka onam batu sardis, am ka tujuh batu ratna cempaka, am kadelapan batu beril, am ka sembilan batu krisolit, am ka sapuluh batu krisopras, am ka sebelas batu lazuardi, lalu am ka dua belas iyaham batu kacubung. ²¹ Kadua belas pintu gerbangnya iyaham dua belas mutiara, masing-masing pintu gerbang mula suti mutiara. Jalan kota iyah mula amas murni, sabening kaca. ²² Aku honta maila Bait Hatalla* ka lalam kota iyah laie Tuhan, Hatalla Am Mahakuasa, lalu Ana Domba kaniri Bait Hatalla kota iyah. ²³ Kota iyah honta mamerlu mata arie atau bulan honi manorangnya laie kamulian Hatalla manorang kota iyah lalu Ana Domba iyaham lampunya. ²⁴ Bansa-bangsa akan bajalan lalam cahaya kota iyah lalu raja-raja ka bumi akan manaing kamulian urang ka lalamnya. ²⁵ Pintu gerbangnya honta akan basa kona tutup mula siang arie, umakan honta akan tege malam arie koyah. ²⁶ Urang akan manaing kamulian lalu hormat bangsa-bangsa ka lalam kota iyah. ²⁷ Tapi, mayansuti mun am najis akan tama ka lalam kota iyah, urang am mangaruh hal keji atau mangaruh parongka, tapi baya am namanya tatulis lalam Kitab Kahidupan AnaDomba.