¹ Limah iyah, malaikat iyah manunyukan ka aku sungai arai kahidupan, am barasih bera kristal, hanyut mula takhta Hatalla umakan Ana Domba ² ka tongah jalan kota iyah. Kadua sisi sungai, tumuh puhun kahidupan am mahasilkan dua macam buah umakan mahasilkan buahnya satiap bulan. Daun-daun puhun iyah gunanya honi manyangka bangsa-bangsa. ³ Mayan ara mula kutuk, tapi takhta Hatalla umakan Ana Domba akan tege ka lalam kota iyah. Hamba-hamba-Nya akan manyomah Inya. ⁴ Urang akan mailae muha-Nya lalu nama-Nya akan tatulis ka dahi urang. ⁵ Malam honta akan tege mula sampai urang honta mamerkukan cahaya lampu atau mata arie laie Tuhan Hatalla akan manurang urang, lalu uarng akan mamarintah salama-lamanya. Panatang Yesus Kristus ⁶ Malaikat iyah bapaner ka aku,''Uras paner iti ulih kona parcaya lalu bujur. Tuhan, Hatalla mula roh para nabi,* manyuruh malaikat-Nya nyaman manunyukan ka hamba-hamba-Nya apa am harus laca jadi. ⁷ Dongarlah, Aku laca datang! Kona berkatlah urang am manaati pamaner nubuat* Kitab iti.'' ⁸ Aku, Yohanes, am jadi manongar lalu mailae urasnya iyah. metuh aku manongar lalu mailae urasnya, aku basujud honi manyomah ka kaki malaikat am jadi manunyukan uras iyah ka aku. ⁹ Tapi, inya bapaner ka aku,''Hinang mangaruh iyah! Aku iyah am hamba samah bera kolai umakan kawan manyarimu, para nabi, bera urang am manaat pamaner lalam kitab iti. Somahkan Hatalla!'' ¹⁰ Limah iyah, malaikat iyah bapaner ka aku,''Hinang manyosal pamaner nubuat lalam kitab iti laie waktunya jadi damping.'' ¹¹ 11Biarkan urang am jahat, urang am honta suci totap honta suci, urang am baie totap mangaruh am baie, lalu urang am kudus totap manguduskan kanirinya.'' ¹² ''Dongarkan, Aku laca datang! Lalu, Aku manaing upah-Ku, honi mamalas satiap urang manurut pangawienya. ¹³ Aku iyaham Alfa umakan Omega, Am Partama umakan Am Taakhir, Am Awal umakan Am Taakhir. ¹⁴ Konaberkatlah urang am mangucah jubah urang sampai urang baulih puhun kahidupan iyah lalu tama ka kota iyah malalu pintu gerbangnya. ¹⁵ Am maluar kota iyah iyaham asue, urang am mangaruh sihir, urang pancabul, para pampati, para panyomah berhala, lalu urang am rajin parongka. ¹⁶ Aku, Yesus, jadi manyuruh malaikat-Ku basaksi ka kolai tentang urasnya iti akan ungkup. Akulah tunas umakan keturunan Daud*, Sang Bintang Timur am bagonak.'' ¹⁷ Roh* lalu panganten iyah bapaner,'' Ayo!'' Biar am urang am manongar iti bapaner,'' Ayo!'' Biar am urang am haus datang; biar am urang am basadia mangalap arai kahidupan sacara cuma-cuma.'' Panutup ¹⁸ Aku basaksi ka uras urang am manongar paner nubuat Kitab iti:'' amun tege am manamah suti mula pamaner iti, Hatalla akan manamah ka inya uras bencana am tatulis lalam kitab iti. ¹⁹ Amun tege am magurang suti mula pamaner lalam kitab nubuat iti, Hatalla akan mangalap bagiannya mula puhun kahidupan, mula kota kudus, lalu mula hal-hal am tatulis lalam Kitab iti.'' ²⁰ Inya am basaksi tuntang hal iti bapaner,'' Ui, Aku laca datang.'' Amin*! Datanglah, Tuhan Yesus! ²¹ Anugerah Tuhan Yesus manyertai kolai uras. Amin.