¹ Aku maila tana bukan ka langit, am bakah lalu ajaib, tujuh malaikat am manaing tujuh bencana, iyah am bencana am taakhir, laie lalam katujuh bencana iyah am murka Hatalla am taakhir. ² Lalu,aku maila suti bera lautan kaca bacampur api lalu urang am jadi mangalahkan lau iyah, patungnya, lalu angka namanya, badiri ka damping lautan kaca iyah samil maragap kacapi Hatalla. ³ Urang manyanyi nyanyian Musa,* hamba Hatalla, lalu nyanyian Ana Domba: ''Bakah lalu ajaib uras pangawie-Mu' ui Tuhan,Hatalla Am Mahakuasa. Adil lalu bakah uras jalan-Mu, ui Raja sagala bangsa. ⁴ Sapakah am honta gola ka Kolai, ui Tuhan lalu honta mamuliakan nama-Mu? Laie, baya Kolai mah am kudus. Uras bangsa akan datang lalu manyomah ka paharap-Mu Laie kaadilan-Mu jadi kona nyatakan.'' ⁵ Limah jadi uras hal iti, aku maila Bait Hatalla, kemas kasaksian Hatalla ka serga, tabuka. ⁶ Tujuh malaikat am manaing tujuh bencana iyah maluar mula Bait Hatalla, bapakaian linen am putih lalu bakilau, lalu bahoni salempang amas ka dara urang. ⁷ Suti mula kaompat mahluk mamori ka tujuh malaikat iyah tujuh cawan amas, ponuh murka Hatalla, am hidup sampai salama-lamanya. ⁸ Bait Hatalla kona ponuh laie asap mula kamulian Hatalla lalu mula kuasa-Nya; lalu mayan siku urang mun am tahu tama Bait Hatalla sahompan katujuh malaikat iyah baakhir