¹ Lalue, aku manongar bunggie am nyaring mula lalam Dangau Allah am bapaner kan katujuh malekat, "Ingkas keh bunsang kan katujuh caciri am baisi pangusar Hatalla iyah ka tanah." ² Malekat pasulanya inggkas lalue mamunsang cacirinya ka tanah, munimul baluyung am puna manyakit kan urang-urang am mahonie tanae satuwa iyah am manyomah hampatung. ³ Malekat kaduae mamunsangkan caciri katasi , makae tasi baubah jadie darah, berae darah urang matie; lalue uras am hirup kalalamnya gin matie. ⁴ Malaikat katolue mamunsang cacirinya ka sungai-sungai lalue matae-matae araie, kan urasnya jadie darah. ⁵ Lalue, aku manongar malekat am bakuasa tinggie araie bapaner, "Kolaie adil, ya Am Suci, am tege jadie tege Laie kolaie ma adil urasnya tie. ⁶ Sabab pamanya jadie mamunsang darah umat-Mu am kudus kan darah nabi-nabi-Mu*, tapi kolaie mamorie pamanya darah akan dihirup. Pamanya pantas manarimanya." ⁷ Lalue, aku manongar mesbah* bapaner, "Ya Tuhan, Hatalla Am Mahakuasa, bujur kan adilkan hukum-Mu." ⁸ Malekat kaompat mamunsang caciri ka tingie matae arie, makae matae arie di borie kuasa akan manutung kalunen honie apie. ⁹ Kalunen di tutung honie hangat am puna hangat, tapie urang manggacalae nama Hatalla am bagorae kuasa kan uras rancana itie. Pamanya hontae hona batobat lalue mamuliakan Hatalla. ¹⁰ Malekat kalimae mamuansang cacirinya katingie tahta satuwa iyah, makae karajaanya jadie potang; lalue pamanya mangotup lilah pamaya laie kasakitnya, ¹¹ lalue mangacalae Hatalla am ka surga laie mansaie sakit umkan baluyung-baluyung pamanya; tapi pamanya hontae batobat mulae karuhan-karuhan pamanya. ¹² Malekat kaonam mamunsang cacirinya ka sungai bakah, iyaham Efrat, makae araienya jadie tuhur kan manyadiya jalan akan raja-raja mulaie Timur. ¹³ Lalue, aku mailaie mulae nyawa naga, mulaie nyawa satuwa iyah, lalue mulae nyawa nabi palsu maluar tolue roh isa tompaenya berae bakata, ¹⁴ laie pamanya iyaham roh-roh jahat, am mangaruh tanae-tanae ajaib, am ingkas kan rajae-rajae ka tanah akan mangumpul pamaya akan maharap parang metuh arie bakah, iyaham arie Hatalla, Am Mahakuasa. ¹⁵ ("Ilae mah! Aku sampai berae maling. Batuah urang am totap bajaga lalue bujue pakaiannya laie inya hontae kan bajalan talanyang lalue urang-urang hontae mailae pamaluenya.") ¹⁶ Lalue, roh-roh jahat iyah mangumpul pamanya ka homan, am lalam bahasa Ibrani dijokue Harmagedon. ¹⁷ Malekat katujuh mamunsang cacirinya kaudara, makae tadongar bungie am karas mulae lalam Dangau Hatalla, mulae tahta iyah, bapaner, "Jadia am." ¹⁸ Lalue, berae kilat sir-sar am manyamar, bungie guntur mangaruntong mangalagar, lalue tanah bakanyah nyangit, berae hompan basae tajadi mulae kalunen tege katingie tanah, puna karas tanah bakanyah iyah. ¹⁹ Kota bakah iyah tabolah jadie tolue bagian, lalue kota-kota bangsa-bangsa duruh; lalue Babel am bakah iyah hontae dilupae Hatalla akan diborie kan inyae caciri anggur pagusar-Nya am mulak-mulak. ²⁰ Satiap pulau hila umakan bukit-bukit mayan hontae arae. ²¹ Hujan es am bakah, sakira saborat 1 talenta jatue mulae, jatue mulae langit maningang kaluen; tapi kalunen mangacala Hatalla laie bencana hujan es iyah. Sabab, bencana iyah sasar manyangit.