¹ Ulenyo kite memeleki jenji-jenji nie, hai nyo tekase, ayoklah kite memberesehko diri kite jak segelo kecemaron badan ngan roh sambel menyempurnako kekudoson delom takot akan Allah. ² Borilah deman bage kami dehatime. Kami hopi besaloh kepodo siape pun, hopi merosak siape pun, ngan hopi mengambek untong deri siape pun. ³ Ake hopi menggerako nie untok menyalohko kowe, hambok sebolomnye, ake lah nggerako kepodome bahwa kowe ado delomhati kami, untok mati besamo ngan hidop besamo. ⁴ Keyakenonke godong atas kowe, kebanggaonke godong terhadop kowe, ake deponohi ngan penghiburon ake melimpah ngan sukacita delom segelo kesusahon kami. ⁵ Bahkan, ketika kami sampoi de Makedonia, badan kamie hopi mendepot ketenangon, meloenko tesikso jak segelo sisi, yaitu petengkaron jak luor ngan ketakoton deri delom. ⁶ Cuma hambok, Allah, nyo mehibor urang nyo putos asa, mehibor kami ngan kedetongon Titus. ⁷ Bukon ngan kedetongonyo bae, hambok jugo ulenyo penghiboron nyo membuatnye tehibor dedelom kowe, upanyo enye seritoko kepodo kami tentang kerinduonme, dukacitame, semangotme, untok ake epoknyo ake sajo besukacita. ⁸ Jedi, meskipon ake lah membuatme sedeh ulenyo suratku iye, ake hopi menyosolinye. walaupon ake pernah menyosolinye, iye ulenyo ake ngole bahwa surat iye menyedehko hatime walaupon anyo sesaat. ⁹ Kinie ake besukacita, bukon ulenyo kowe besedeh, cuma ulenyo kowe besedeh untok pertobaton, ulenyo kowe besedeh sesuoi ngan kehendok Allah empoknyo kowe hopi derugiko delom hal ape pun uleh kami. ¹⁰ Sabab, kesedehon nyo sesuoi ngan kehendok Allah menghaslko pertobaton nyo hopi desosoli ngan memempen kepodo keselamaton. Hambok, kesedehon duniawi menghaselko kemation. ¹¹ Sabab, perhatikolah betapa lobotnye kesedehon nyo sesuoi ngan kehendok Allah iye menggaweko bageme kesunggohon nyo godong, pembuktion bahwa kowe hopi besaloh, kemarahon, ketakoton, kendeloon, semangat, ngan pembeloson. Dedelom segelo hal, kowelah membuktiko bahwa kowe hopi besaloh delom hal nie. ¹² Jedi walupun ake menoles surat kepodome, hal iye bukon untok kepentengon urang nyo berbuat saloh ngan bukon jugo untok kepentengon urang nyo desalohko, cuma empoknyo kesunggohonme terhadop kami denyatoko kepodome de hadopon Allah. ¹³ Iyelah sebabnye, kami tehibor. De sampeng penghiburon kami iye, kami lobeh besukacita lagi atas sukacita Titus ulenyo rohnye lah desegarko uleh kowe segelo. ¹⁴ Sabab, munye ake perenah membangga-banggako kowe kepodo Titus, ake hopi depermaluko. Hambok, seupamone kami memboeko segelo sesuatu kepodome delom kebonoron, upaiyoy jugo kebanggaon kami de hadopon Titus terbukti bonor. ¹⁵ Ngan, kaseh sayongnye terhadop kowe betamboh godong, apobila enye mengingot ketaatonme segelonye, upamone kowe menyambot kedetongonye ngan takot ngan gentar. ¹⁶ Ake besukacita ulenyo delom segelo hal ake memeleki keyakenon de delom kowe.