¹ Ngan begawe besamo ngan enye, kami jugo mendorong kowe empok hopi nerimo anugerah Allah ngan sio-sio. ² Sabab, nye befirman: " pado waktu Ake bekenan, Ake mendongorme ngan pado hari keselamaton, Ake menolungme." Perhatikolah, kinie adolah wektu nyo bekenan iye. Perhatikolah, kinie adolah hari keselamaton iye. (Yesaya 49:8) ³ Kami hopi memboriko pantukon kepodo siape pun empokonyo pelayanon kami hopi decela, ⁴ meloenko delom segelo caro kami menonjoko diri kami sebagai pelayan-pelayan Allah, ngan ponoh ketabahon delom segelo penderitaon, kesesakon, kesukaron, ⁵ pukolon, pemenjaraon, kerusohon, jereh payoh, hopi tidor, kelaporon, ⁶ ngan ponoh kejerenehon, pengetahuon, kesabaron, kemurahon, Roh Kudus, kaseh nyo tulus, ⁷ pemboeon kebonoron, kuaso Allah, senjeto kebonoron de tangon kanon ngan kiri, ⁸ kemuliaon ngan kehinaon, sesumpahon ngan pujion, deanggap sebagai penipu-penipi padohal kami bonor. ⁹ kami upa hopi dekenal, hambuk tekenal, upa nyo lanak mati, hambuk kolelah, kami hidup; upa urang nyo dehajar hambok hopi tebunoh. ¹⁰ upa nyo bedukacita, cuma selalu bersukacita, kami mesken, cuma membuat urang loen kayo, hopi ado apo-apo, cuma memeleki segelo sesuatu. ¹¹ Kami lah membuka mulot kami kepodome, hai urang Korintus, hati kami tebuka lebor. ¹² Kowe hopi debaptes uleh hopi kami, cuma kowe debaptes uleh hatimu dewek. ¹³ Kinie, untok beloson nyo samo ake buek upa kepodo anak-anakke bukalah pula hatime lebor-lebor. pasongon nyo hopi seimbang ¹⁴ Jengon menjedi pasongon nyo hopi seimbang ngan urang-urang nyo hopi pecayo. Sabab, persamoon apokah nyo ado antaro kebonoron ngan kejahaton? Apo, persamoon apokah nyo terdepot antaro tarang ngan kolom? ¹⁵ Kesepakaton apokah nyo demeleki Kristus ngan Belial? Apo bageon apekah nyo ado antaro urang pecayo ngan urang nyo hopi pecayo? ¹⁶ Ngan, kesepakaton apokah nyo ado antaro Baet Allah ngan berhala-berhala? Sabab, kite adolah Baet Allah nyo hidup, upa firman Allah, " Ake nak tinggal de delom rombongon ngan bejelon de antaro rombongon, ngan ake nak menjedi Allah rombongon iye, ngan rombongon nak menjedi umat-ke." ¹⁷ "Ulenyo iye, keluorlah kowe deri tangah-tangah rombongon, ngan bepisahlah," ujo Tuhan. " ngan, jengonlah menjamah ape nyo najes, mengka ake nak menerimo kowe." ¹⁸ "Ngan, Ake nak menjedi Bepa bageme, ngan kowe nak menjedi anak-ankak-ke jenton-jenton ngan anak-ank-ke betina," demikianlah firman Tuhan, nyo Mahakuaso.