¹ Apekah kami mulai memuji diri kami dewek lagi ? apo, upa beberape urang, apokah kami membotohkoh surat pujion untokme apo deri kowe. ² Kowelah suarat kami, nyotetoles delom hati kami, nyo deketahui ngan debeco uleh segelo urang. ³ Kowe menunjuko bahwa kowe adolah surat Kristus nyo delayani uleh kami, nyo de tules bukon ngan titah meloenkoh dengan roh Allah nyo hidop bukon de pocok roh-roh betu meloenkoh de loh-loh hati mendesio. ⁴ Keyakenon upah nie nyo kami milik terhadop Alllah melalui Kristus. ⁵ Bukon bearti kami, ngan diri kami dewek mampu mengagap sesuatu berasal deri diri kami dewe hambok kemampuon kamie berasal deri Allah. ⁶ Ngoleh buat kami mampu menjedi pelayan-pelayan perjanjion beheru bukon menorot huruf hambok deri roh sabab, huruf iye mematikoh , hambok roh menghidopkoh. ⁷ Hambok jika pelayanon nyo ngunda kepado kemation nyo ngan horof-horof detoleh pado loh betu iye jongok ngan kemuliaon, sampoi-sampoi bengeso Israel hopi pacok ngoleh moka musa ulehnyo kemuliaon iye, padahal saat iye kemuliaanye soda memudar, ⁸ Bukonkoh pelayanon roh memilii kemuliaan nyo bahkan nyo lobeh godong. ⁹ Sabab, jika pelayanon nyo membewoh hukomon memilik kemuliaon terlobeh lagi pelayaanon kebonoron iye melimpah delom kemurahon. ¹⁰ Sesongggohnye ape nyo dehulu deanggap mulia delom hal nie hopi lagi demuliakoh karena kemuliaon nyo melipah iye. ¹¹ Sabab, jika nyo meudar iye jongo ngan kemuliaon terlobeh lagi nyo kekal iye delom kemuliaon. ¹² Ulehnyo memiliki pengharopon nyo upah nie, kami menggunakoh keberanion godong. ¹³ Ngan hopi upah musa nyo motekoh seloongde mokanye emponyo anak-anak Israel hopi depot ngoleh akher deri ape nyo memudar ¹⁴ Hambok pekeron mike lah dekeraskoh sampoi sari nie delom pembecoon perjenjion nyo lamo, selobong nyo samo hambok hopi deangket ulehnyo ango de delom Kristus selobong iye depot deangket. ¹⁵ Bahkan sampoi sari nie, ketiko kitab musa de beco, sebuah selebong menotop hati rombongon. ¹⁶ Hambok saat seseurang bebelek kepado Tuhan selobong iye akan deangkot. ¹⁷ Tuhan adolah roh ngan de tempat roh Tuhan hader de sane ado kemerdekaon. ¹⁸ Ngan, kite segelo nyo ngan moka hopi teselobong mencerminkoh kemuliaon Tuhan, sedang di ubah kapado gambar nyo samo deri kemuliaon kepado kemuliaon samo upa Tuhan, nyo adolah Roh iye.