¹ Uleh nyo iye, sejak kami memperuleh pelayanon nie, sebagaimone kami menerimoh belas kaseh Allah, kami hopi bekecek hati. ² Hambok, kami menolak hal-hal tekerawo nyo memaluko, hopi bejelon delom kelecekon, apo memalsuko firman Allah, meloenko ngan kenyatoon kebonoron, kami menonjoko diri kami dewek kepodo hati nurani setiap urang de hadopon Allah. ³ Bahkan, jika Injil kami maseh tetotop jugo, Injil iye tetotop untok rombongon nyo akan benaso, v 4 nyo deantaronye, beles dunia nie lah membotohkoh pekeron rombongon nyo hopi pecayo empoknyo rombongon hopi depot ngoleh tarang kemuliaon Injil Kristus, nyo adolah gambaron Allah. ⁵ Sabab, kami hopi memberitako tentang diri kami dewek, meloenko Kristus Yesus sebagai Tuhan ngan diri kami dwek sebagai pelayan-pelayanme ulehnyo Yesus. ⁶ Ulehnyo Allah nyo berfirman, "biarlah tarang becehayo deri kekolomon," lah becehayo delom hati kite untok membori tarang pengetahuon tentang kemuliaon Allah nyo ado podo moka Kristus Yesus ⁷ Hambok, reto nie kami meleki delom bejana tanoh liat empoknyo kelimpaon kuaso iye berasl deri Allah ngan bukon deri diri kami dewek. ⁸ Kami detindas deri segelo sisi, hambok hopi tekepet. kami bingung, hambok hopi potos asa. ⁹ Kami deaniayo, hambok hopi detinggalko. kami decampoko, hambok hopi debenasoko. ¹⁰ Kami selalu ngunda kemation Yesus delom badan kami empoknyo kehidopon Yesus jugo denyatoko delom badan kami. ¹¹ Ulehnyo kami, nyo hidop nie, selalu deserahko kepodo kemation ulehnyo Yesus empoknyo kehidopon Yesus jugo denyatoko delom badan kami nyo fana nie. ¹² Upanielah kemation begawe de delom kami, hambok kehidupon begawe de delomme. ¹³ Hambok sebeleknye ngan mempunyoi Roh iman nyo samo, sesuoi nyo sodah tetoles," Ake pecayo, ulehnyo iye ake boek," kami jugo pecayo ngan ulehnyo iye, kami jugo boek. ¹⁴ Sabab, kami tahu bahwa ye, nyolah membangketko Tuhan Yesus, akan membangketko kami jugo besamo-samo ngan Yesus ngan akan ngunda kami besamo-samo ngan Yesus ngan akan ngunda kami besamo kowe dehadopon -Nye. ¹⁵ Sabab, segelo hal nie terjedi untok kepentengonme empoknyo anugerah, nyo semaken menjangkau neman urang, depot melimpahko ucapon syukor bage kemuliaon Allah. ¹⁶ Iyelah sebabnye, kami hopi perenah bekecek hati. walaupon badan laheriah kami sajo mberosot keadaonye, hambok mendesio batiniah kami selalu deperbaharui hari demi hari. ¹⁷ Sabab, penderitaon heran nyo kinie nie, menggaweko bage kami sebuah kelimpahon kekal kemuliaon nyo melobehi segelo-gelonye. ¹⁸ Kami hopi memperhatikoh hal-hal nyo tekoleh, meloenko hal-hal nyo hopi tekoleh sabab, hal-hal nyo tekoleh adolah sementaro sedangko hal-hal nyo hopi tekoleh adolah kekal.