¹ Jedi, ake memutuskoh bage dirime behwo ake hopi nak jongok lagi kepadome kesedehon. ² Mengkah ake buat kowe besedeh, siapekoh nyo kan membuat ake begembira kecuali ao nyo sodah kubuat bersedih iye. ³ Ake menoles, sebagaimone nyokou lakuko, empoknyo ketika ake jongok ake hopi kan mendepotkoh kesedihon deri rombongon nyo seharusnye membuatke begembira sabab, ake meraso yaken pado kowe segelo bahwo sukacita kan menjedi sukacita kou segelo. ⁴ DEri nemanye penderitaon ngan kepodehon hati, ake menoles kepadome ngan neman aek mato bukon untok membuatme besedeh, meloenkoh empok kowe depot mengetahui kaseh yo ake pogong kososnye tehadop kowe. ⁵ Hambok, muye ado nyo meyebabkoh kesedehon, ao hopi melobeh-lobehkoh untok kowe segelo. ⁶ Bage urang upah iye, tegoron uleh sebagion godong deri kowe cokop bagenye. ⁷ Karena iye, kowe sebeleknye, lobeh beik mengampuni ngan menghiburnye supaya urang nyo upah iye hopi tegolom uleh kesedehon nyo belobehon. ⁸ Jedi, ake mendorong kowe untok menegaskoh kasehme kepodonye. ⁹ Sabab, untok nie pula ake menoles kepadome, yaitu supaya ake depot mengetahui buktinye, apokah kowe taat delom segelo sesuatu ¹⁰ Seurang nyo kowe amponi, ake mengamponinye jugo. Sabab, ape nyo soda ake amponi, empok ado nyo haros ake amponi, ake melakukonye demi kowe de hadopon Kristus. ¹¹ Ngan demikon hopi kan deuntongkoh deni kite karena kite mengetahui maksod-maksodNye . ¹² Ketiko ake sampoi de Teroas untok memberitako Injil Kristus ngan ketika pintu tebuka untoke delom Tuhan, ¹³ Bolom ado kelegaon bage roh e ulehnyo hopi menjumpai Titus, dolorke jedi, ake bepamiton kepado mike ngan lari ke makedonia. ¹⁴ Hambok, syukur kepado Allah, nyo selalu memimpin kami kepado kemenangan dedelom Kristus ngan mengatoko kehoromon pengetahuon akan enye de setiap tempat, melalui kami. ¹⁵ Sabab, kami adolah mambo horom Kristus bage Allah de antaro rombongon nyo deselamatkoh ngan de antaro rombongonyo sedang benaso. ¹⁶ Bagenyo siko, kami adolah mambu kemation ngan bage nyo loen, mambu kehidopon untok kehidopon.Hambok siapekah nyo sanggop untok hal-hal nie ? ¹⁷ Sabab kami hopi upah lobot urang loen, nyo menjual Firman Allah. sebaleknye delom Kristus kami boek de hadopon Allah ngan ketoloson, sebagai mone utoson-utoson Allah.