(Doso Penjino delom Jemaat) ¹ Memanglah delaporkoh bahwah ado perzinaon de antaro kowe, Perzinaon nyo bahkan hopi ado de antaro bengeso-bengeso loen, yaitu ado urang ngambek bini bepaknyo. ² Ngan, kowe sombong! hopikah seharusnye kowe justru berduka empoknyo urang nyo melakuko perbuaton nie desengkerko deri antaro kowe? ³ Memang, secaro jasmani ake jouh,hambok ake hader delom roh. Ngan, ake lah nitekko hokomon pucuk urang nyo melakuko hal iye, seolah-olah ake hader. ⁴ Delom namo Tuhan Yesus, ketiko kowe bekompol, ngan ake besamome delom roh ngan kuaso Tuhan kite, Yesus, ⁵ akelah memutuskoh untok meyerahkoh urang nie kepado beles untok kebinasoon degingnye empokoyo rohnye buleh deselamatkoh pado hari Tuhan. ⁶ Kesombongonme iye hopi beik. Hopi tahukoh kowe behewo sekecik ragi sajo kan meragiko segelo adonon?. ⁷ Bersekolah segelo ragi nyo lamo empoknyo kowe menjedi adonon beheru, sebagaimone memang kowe hopi beragi. Sabab,Kristus, domba paskah kite, hopi desemboleh. ⁸ Ulenyo iye marolah kite merayako pesta iye, bukon ngan ragi nyo lamo, bukon jak ragi keborokon ngan kejahaton, meloenko ngan roti hopi beragi jak kejereneon ngan kebonoron. ⁹ Ake menules kepadome delom surat: Jengon begaol ngan urang-urang cabul. ¹⁰ Mekesodkeh, bukonlah ngan urang-urang cabul dedenia nie, urang-urang serakah, para penipu, atau ngan paro penyembah berhelo. Jiko demikion, kowe seharusnye keluor jak denia nie. ¹¹ Hambok, kinie ake menulisko kepadome, jengon begaul ngan urang-urang nyo desobut dolor munye enye adolah urang cabul, serakah, penyembah berhalo, pemitnah, pemabok, atau penipu. Bahkon, jengon makon ngan urang upah iye. ¹² Sabab, apekoh urusonke mehakemi urang-urang luor? Bukonkoh kowe mehakemi mike nyo ado dedelom jemaat. ¹³ Hambok Allah nyo kan menghakemi mike nyo deluor jemaat. Ulehnyo iye userlah urang nyo melakuko kejahaton deri antaro kowe.