(Pelayanon Utoson-utoson Kristus) ¹ Upanielah hendoknye urang memperhatiko kami nyoieh sebagai hambo-hambo Kristus ngan urang-urang nyo depecayoko resio-resio Allah. ² Ngan demikon urang-urang nyo depecayo ngan hal-hal nyo berega haruslah membuktiko bahwa mike depot depecayo. ³ Hambok, bageke hopilah penteng jiko ake de hakemi uleh kowe atau uleh suatu pengandalon suatu mendeso. Bahkan, ake dewek hopi menghakemi dirike. ⁴ Sabab, ake hopi meyadari ape pon ngan dirike dewek. Hambo bukon ulehnyo hal iye ake debonorkoh, meloinkoh Tuhanlah nyo mehakemi ake. ⁵ Ulehnyo iye, Jengonlah menghakemi sebolom waktunye, yaitu sebolom TUhan jongok, ao nyo nak menarangi hal-hal nyo tekerawo delom kekolomon ngan kan meyatoko maksod-maksod hati. Lalu,setiap urang kan menerimo pujion deri Allah. ⁶ Dolor-dolor, ake sodah menerapkoh hal-hal nie pocok dirike dewek ngan Apolos demi kowe supayo dedelom kami, kowe depot belajor untuk hopi melampaui ape nyo tetules sehinggo hopi ado saloh siko deri kowe nyo menjedi sombong sikok terhadop nyo loen. ⁷ Sabab, siapokoh nyo membeda-bedako kowe ? Ape nyo kou meleki, muo bukon kou terimo ? ngan ulehnyo memang kowe menerimonye, mengkah kowe meyombongkoh diri seolah-olah hopi menerimonye. ⁸ Kowe sodah de konyongko, kowe soda menjedi sogeh ! tanpa kami,kowe soda menjedi rajo empoknyo kami jugo depot memerintah besamome. ⁹ Sabab,menorotkeh, Allah elah mendepotkoh kami, para rasul,de tempat nyo teakher, upah urang-urang nyo de titekki hokomon mati, ulenyo kami dejediko tontonon untok denia, beik untok malwikat-malaikat maupon mendesio. ¹⁰ Kami bodoh demi Kristus, ulenyo kowe bijaksano delon Kristus. Kami lambot, hambok kowe kuat. Kowe tehormat, hambok kami hino. ¹¹ Sampoi kinie nie, kami lapor ngan raous, beperebot compang-campeng, de kepoki, ngan hidop mengembara. ¹² Kami bejerih payo, begawe ngan tangon kami dewek,ketika kami desikso, kami betahan. ¹³ Upah kami de fitnah, kami menjawab ngan ramah. Bahkan, sampoi kinie, kami menjadi upah renyah, denia nie, rengaion deri segelo sesuatu. ¹⁴ Ake menoles hal-hal nie bukon untok mempermalukoh kowe, meloenko untok menasehati kowe sebagai anak-anak nyo ku kasehi. ¹⁵ Sabab, sekalipon kowe mempunyai sepoloh ribu guru delom Kristus, kowe hopi mempunayi namo hapa. Ulenyo delom Yesus Kristus, akelah nyo menjedi bepakme melalui Injil. ¹⁶ Jedi, ake mendorong kowe, jedilah urang nyo menoroti teladanke ! ¹⁷ Iyelah sebab nye, ake lah mengotos kepadome Timotius, anake nyo kukasehi ngan nyo setio dedelom Tuhan. Enye nak mengingotkoh kowe mengenai jelon-jelonke delom Kristus, upah nyo ake ajorkoh de mono-mono, delom setiap jemaat. ¹⁸ Beberape deri kowe menjedi sombong, seolah-olah ake hopi kan jengok lagi kepadome. ¹⁹ Hambok, ake nak segera njongok kepadome, munye Tuhan menghendaki, ngan ake kan mengetahui bukon hanyo pemboekon urang-urang sombong iye, ulehnyo jugo kuaso mike. ²⁰ Sabab, Kerajaon Allah bukon delom pemboekon, meloenko delom kuaso. ²¹ Ape nyo kou kendokko ? apokoh ake haros jongok kepadome ngan tingkat atau ngan kaseh ngan roh kelamah lomboton?