¹ Waktu Yesus badiri ka dano pantai Genesaret, urakng manyak ngarumuni Ia mao nangaratn firman Allah. ² Ia neek ada dua parahu ka sisi pantai nelayane pun dah turutn nyasah pukate. ³ Ia naik ka parahu nang sege koa, yakoa parahu Simon dan nyuruh ia ngayuh parahue ampari jauh dari pantai, lalu Ia duduk ka atas parahu ngajar urakng manyak. ⁴ Akak bakata, Ia ngomong ka Simon" batolaklah ka tampat nang daapm dan tebaratn pukat nyu untuk naap ikatn. ⁵ jawab Simon;' Guru, dah samaaman kami bakaraja karas tapi inak namu ahe-ahe, tapi karana Kao nang nyuruh, biar ku tebaratn uga pukat ku. ⁶ pas udah kabatn'ne ngalakuatn , kabatn'ne pun namu ikatn- ikatn nang ayak sampe pukate rojek. ⁷ Lalu kabatn'ne marek isarat ka ayukng-ayuknge untuk nuukngi ia, kabatn'ne pun atakng nginsi dua buah parahu koa sampe mo karapm. ⁸ Waktu Simon neek hal koa ia pun basujud ka adapatn Yesus dan bakata;" Jubata, darilah dari aku, karana aku nyian urakng badosa" ⁹ Sabab ia ba samua urakng nang dikoa takjub karana manyak sidi ikatn nang kabatn'ne namu. ¹⁰ yakoa uga Yakobus ba Yohanes, Zebedeus nang jaji ayukng Simon, kata Yesus ka simon;" ame gaik,mulaik angkitn kao pukat manusia" ¹¹ Dan akak kabatn'ne nyorong parahue ka darat kabatn'ne pun nunaan Yesus. ¹² Waktu Yesus barada ka sabuah kota , dikoa ada urakng nang kana kusta. pas neek Yesus, basujudlah ia dan mohon;" Tuan, kade tuan mao, Tuan bisa mentahirkan aku". ¹³ Lalu Yesus nyangkam urakng koa, dan bakata;" Aku mao, jajilah kao tahir," sakatika koa uga samuhlah panyakit kustae. ¹⁴ Yesus ngalarang urakng koa marek nauan ka sae pun uga dan bakata;" ampuslah teeatn diri nyu ka imam dan sambahatn untuk pentahiran nyu persambahatn uga nang di marentahatn Musa, sabagai bukti ka kabatn'ne. ¹⁵ Tapi kabar nganai Yesus makin tasiar jauh. dan ataknglah urakng manyak ka bakarumun ka Ia untuk nangaratn ia uga minta di tomoan dari panyakite. ¹⁶ Tapi Ia malah ampus ka tampat-tampat nang sunyi dan badoa. ¹⁷ Pada waktu koa Yesus ngajar, ada urakng-urakng Farisi dan ahli taurat duduk nangaratn Ia. kabatn'ne atakng dari samua desa ka Galilea,Yudea dan Yerusalem. kuasa Jubat nyaratai Ia, sahingga Ia bisa nomoan urakng rongko. ¹⁸ Lalu atakng uga urakng mikut urakng lumpuh ka atas tampat tidur, kabatn'ne barusaha sidi ngicakng ia taama tarus mo di akaatn ka adapatn Yesus. ¹⁹ kabatn'ne pun inak bisa ngicakng ia taama karana urakng talalu manyak gia dikoa, lalau naiklah kabatn'ne ka tas atap mungkar atap koa dan nurunan urakng koa ka tangah urakng manyak pas ka adapatn Yesus. ²⁰ Waktu Yesus neek imam kabatn'ne, bakatalah Ia" hai saudara , dosa nyu udah di ngamponi. ²¹ Tapi ahli taurat dan urakng farisi bapikr ka daapm ati'e" sae sih urakng nang hujat Allah nyian." sae nang bisa ngamponi dosa salain Allah babaro. ²² Tapi Yesus nauan ahe nang kabatn'ne mikiratn, Ia pun bakata; ahe sabatole nang kitak mikiratn?. ²³ mae nang labih mudah di kataatn: dosa nyu dah di amponi ato ngataatn: umpat dan bajaatn lah. ²⁴ Tapi supaya kao nahui, kade ka Dunia nyian Anak manusia bakuasa ngamponi dosa" Lalu bakatalah Ia ka urakng lumpuh koa,; Aku bakata ka kao umpat lah, angkat tampat tidur nyu icakng puakng ka rumah nyu. ²⁵ Lalu waktu koa uga umpat lah ia, ka adapatn kabatn'ne, lalu ngangkat tampat tidure ia ngicakng ka rumahe sambi memuliakan Allah. ²⁶ Samua urakng pun takjub sambi memuliakan Allah, kabatn'ne ka gaik'annan, " ari nyian kami dah neek hal-hal nang minjawat heran sidi. ²⁷ Waktu Yesus kauwas Ia neek pamungut cukai nang badama Lewi. gik duduk ka rumah cukai. Yesus bakata ka ia ; ampus lah ba Aku" ²⁸ Lalu badirilah Lewi ningaatn samuae, tarus nunaan Yesus. ²⁹ Lalu Lewi minjawat pesta ayak untuk Ia ka rumahe dan sajumlah pamungut cukai ba urakng-urakng lain makatn di koa. ³⁰ Urakng-urakng Farisi pun mareco ka murid- murid Yesus, ngahe kitak makatn nyocok ba urakng pamungut cukai nang badosa. ³¹ Lalu kata Yesus ka kabatn'ne; buke urakng sehat nang perlu tabib, tapi urakng sakit; ³² Aku atakng buke nyaru urakng nang banar, tapi urakng nang badosa, supaya kabatn'ne batobat. ³³ Urakng-urakng Farisi koa pun bakata ka Yesus: murid- murid Yohanes pancah bapuasa dan sambayang, yakoa uga murid-murid urakng Farisi, tapi murid-murid Nyu malah makatn ba nyocok." ³⁴ Jawab Yesus ka kabatn'ne:" bisa na ayukng panganten nang laki di suruh puasa samintara calon panganten koa ada ba kabatn'ne? ³⁵ Tapi akan atakng waktue calon panganten koa di taap dari kabatn'ne, waktu koa lah kabatn'ne bapuasa. ³⁶ Ia ngataatn uga parumpamaan ka kabatn'ne: " inak ada ada urakng mao ngarojek baju nang barahu, untuk nambala baju nang lama, kadek aya koa baju nang barahu koa pun akan rojek uga, kaikng tuha koa inak akan cocok di tambala ba kaing nang barahu. ³⁸ Aya koa uga inak ada urakng nang mao nginsia anggur ka dapm kantong nang tuha, kade aya koa, anggur barahu koa pun akan ngarojek kantong tuha koa dan anggur koa pun akan ka buakng tarus kantong koa pun akan ancur. ³⁷ Tapi anggur barahu harus di tarohi ka kantong barahu uga. ³⁹ dan inak ada urakng nang dah nyocok anggur tuha mao nyocoka anggur nang barahu. sabab ia akan bakata; anggur nang tuha koa baik.