¹ Yesus nang panuh Roh kudus, atakng umpat ka sunge Yordan, Ia di roh kudus ngicakng ka padang gurun. ² Dikoa Ia diapm salama ampat puluh ari dan di cobai iblis, salama di koa Ia inak makatn ahe-ahe dah akak waktu koa Ia ngarasa kaparatn. ³ Lalu bakatalah iblis ka Ia; "kadek Kao anak Allah suruh batu nyian jaji roti. ⁴ jawab Yesus ka iblis koa; " Manusia idup buke kahe dari roti aja". ⁵ Lalu ia ngicakng Yesus ka tampat nang tinggi dan daapm sakejap mata;e di neeatn ka samua karajaan dunia. ⁶ Jakat iblis koa ka Ia; " sagala kuasa koa ku bareatn ka Kao, srata kamulianne ku bareatn ka Kao, samua koa dah di nyarahatn ka aku mo ku bareatn ka sae aja nang ku kahendaki. ⁷ Jadi kade kao nyambah aku samua koa ku bareatn ka Kao". ⁸ Tapi Yesus bakata ka iblis koa agi; " Ada tatulis kao harus nyambah Tuhan Allah nyu, dan kahe ka Ia lah kao berbakti. ⁹ Lalu ia ngicakng agi Yesus ka Yerusalem di ngakaatn ka bumbungan bait Allah lalu bakat ka Ia; jantuatn lah dirik Nyu dari atas nyian ka babah naun. ¹⁰ Sabab ada tatulis nganai Kao, Ia akan marentahatn malaekat-malaekat untuk lindungi Kao. ¹¹ dan kabatn'ne akan nadah Kao pake kokot'e supaya Kao ame tarantuk ka batu". ¹² ya nyian jawab Yesus; ada firman; ame kao nyobai Tuhan Allah nyu. ¹³ Akak iblis koa nghiri pancobaan'ne, iblis koa pun mundur dari Ia dan ngantiatn waktu nang gagas. ¹⁴ Daapm kuasa roh muakng lah Yesus ka Galilea dan tasiarlah kabar nganai Ia ka saluruh daerah koa. ¹⁵ samintara Ia ngajar ka rumah- rumah ibadat di koa dan samua urakng pun muji Ia. ¹⁷ Ia atakng ka Nazaret tampat Ia di aya'atn, manurut kabiasaan'ne , pas ari sabat Ia taama ka rumah ibadat, lalu Ia badiri mao maca'a Alkitab. ¹⁶ Di mareatn ka Ia kitab nabi Yesaya, pas Ia muka , Ia namu nas, dimae ada tatulis'. ¹⁸ Roh Jubata ada ka Aku, sabab koa lah Ia ngurapi Aku, Ia udah ngutus Aku untuk ngabaratn kabar baik ka urakng miskin. ¹⁹ Untuk ngabaratn kabebasatn ka urakng- urakng tawanan, dan paneean ka urakg-urakng buta , sarata untuk bebasatn urakng-urakng nang tatindas, untuk baritaatn tahutn rahmat Jubat dan atakng. ²⁰ Lalu Ia nutup kitab koa, di mareatn ka pejabat lalu duduk agi; samua mata ka rumah ibadat koa tatujua ka Ia. ²¹ Mulailah Ia ngajar kabatn'ne; jakata'e; " ari nyian pas lah nas sawaktu kao nangaratn'ne. ²² Samua urakng koa banaratn Ia dan kabatne heran ka kata-kata gagas nang Ia ngata'atn, lalu jakata kabatne koa,buke me Ia nyian anak Yusuf?" ²³ Maka bakatalah Ia ka kabatne ;" tantu kao akan ngataan papatah nyian ka Aku; Hai tabib samuhatnlah dirik nyu babaro, pinjawatla ka dian uga , ka tampat asal Nyu nyian, samua nang kami dangar dah tajadi ka kapernaun. ²⁴ dan jakata'e agi;" Aku bakata ka kao, sabatole inak ada Nabi nang di hargai ka tampat asale. ²⁵ Dan Aku bakata ka kao, kadek kata Ku nyian batol; zaman Elia ka Israel manyak nang bini janda waktu angit tatutup salama tiga tahutn anam buatn bahaya kaparatn tajadi ka salauruh negeri. ²⁶ Tapi Elia di utus buke ka salah seko kabatn'ne di koa malainkan ka seko janda ka Serfat, ka tanah Sidon. ²⁷ Waktu zaman Nabi Elisa manyak urakng kusta ka israel dan inak seko pun nang di tahirkan salain dari pada naaman, uarkng siria koa. ²⁸ Nangar aya koa bera sidilah samua urakng nang ka rumah ibadat koa. ²⁹ Kabatn'ne badiri, Lalu Yesus di ngajang ka luar dari kota di ngicakng ka tabikng bukit koa, mao di tabakatn'na ka jurang koa. ³⁰ Tapi Ia bajaatn lewat ka tangah-tangah kabatn'ne, lalu dari. ³¹ Lalu Yesus ampus ka Kapernaun, sabuah kota ka Galilea, di koa Ia ngajar pas ari-ari sabat. ³² Kabatn'ne takjub nangar Ia ngajar, sabab kata-kata'e panuh kuasa. ³³ Ka rumah ibadat koa ada urakng kampak-kampak karasukan setan. ³⁴ He Kao Yesus urakng Nazaret, ahe urusan Nyu ba kami? Kao atakng mo binasaatn kami? aku nahui sae Kao; nang kudus dari Allah" ³⁵ Tapi Yesus ngarahakng ka ia, Jakatae;" Diam, kauas kao dari ia;"iblis koa pun ngampekatn urakng koa ka tangah- tangah uarakng manyak di koa dan kauas dari urakng koa tapi inak nyakiti ia sama saka'i. ³⁶ Dan samua urakng takjub, lalu bakata ka sabayae, hebat sidi pakataatn'Ne! panuh wibawa ba kuasa Ia marentahatn ka Roh-roh jahat dan iblis pun kauwas". ³⁷ Lalu tasiarlah kabar nganai Ia,ka saluruh daerah koa. ³⁸ Lalu Ia ningaatn rumah ibadat koa ampus ka rumah Simon, dikoa datuk Simon rongko parah kabatn'ne minta Yesus nolong ia. ³⁹ Ia badiri ka samak nang bini koa, dan Ia ngarahakng rongko'e koa, dan panyakite pun tomo. nang bini koa pun umpat ngalayani kabatn'ne. ⁴⁰ Pas gumare ari, samua urakng ngicakng urakng rongko ka Ia, nang panyakite baragam, Ia pun ngakaatn kokot'Te ka atas masing-masing urakng koa dan nomoan kabatn'ne. ⁴¹ dari urakng manyak kauwas uga iblis sambi ngampak, Kao anak Allah;" lalu Ia ngalarang sidi kabatne untuk inak bakata, sabab kabatn'ne nahui kade Ia koa Mesias. ⁴² Pas ari dah siakng, Yesus ampus ka tampat nang sunyi. Tapi urakng manyak ngagoi Ia, lalu namui Ia supaya ame ningaatn kabatn'ne. ⁴³ Tapi Ia bakata ka kabatn'ne;'' ka kota-kota lain uga Aku harus baritaatn injil karajaan Allah sabab koa Aku di utus. ⁴⁴ Dan Ia baritaatn injil ka rumah-rumah ibadat ka Yudea.