¹ Aka' hal - hal nyian Yesus bajaatn ngalilingi' Galilea, soale Ia ina' siap taamaa' ka Yudea sabab urakng - urakng Yahudi agi' barancana munuha' Ia. ² Angkitn parayaan Dango daukng urakng Yahudi, udah samak. ³ Lalu page - pagee bakata ka Ia," Tingaatn tampat nyian ampus ka Yudea, biar para murid-Nyu uga' bisa nee' pambuatan - pambuatan nang Kao karajaan. ⁴ Ina' seko'pun nang ngarajaan jukut nang batapor kade' ia sandiri' mao' untuk dikanal sacara tabuka'. Kade' Kita' karajaan hal - hal nyian, teeatn diri'Nyu- sandiri' ka dunia. ⁵ Kamaru' - kamaru'E pun ina' uga ' picaya' ka Ia. ⁶ Lalu kata Yesus ka kabatne," WaktuKu nape' sampe, tapi waktu kita' salalu siap. ⁷ Dunia ina' akan banci ka kita', tapi dunia banci' ka Aku sabab Aku basaksi tentang dunia kade' parbuatan - parbuatane adalah jahat. ⁸ Naiklah kita' ka parayaan koa; Aku ina' akan ampus ka parayaan koa sabab waktuKu masih nape' dipanuhi'. ⁹ Aka' Ia bakata parihal nyian ka kabatne Ia masih tatap diapm ka Galilea. ¹⁰ Tapi kamaru' - kamaru'e puakng dari parayaan koa, maka Iapun dari uga', tapi sacara diam - diam. ¹¹ Urakng Yahudi ngagui' Ia ka parayaan koa jakatae," Kamae Ia tadi?" ¹² Urakng nang manyak - manyak koa badiskusi masalah Ia. nang lainne bakata," Ia urakng baik," nang lanne bakata," Ina',Ia mabai' urakng ka nang sasat. ¹³ Namun ina' ada seko'pun urakng nang bakata sacara tabuka' tentang Ia sabab gai' ka urakng Yahudi. ¹⁴ Waktu parayaan koa udah ampir aka' ,Yesus ampus ka Bait Jubata lalu mulai' ngajar. ¹⁵ Urakng Yahudi kagum lalu bakata," Ayamae urakng nyian sidi manyak nahui', sadangkan Ia nape paranah diajari', ¹⁶ Jawab Yesus ka kabatne," AjaranKu buke' nu'Ku, tapi umpat ka Ia nang ngutus Aku ¹⁷ Kade' urakng nangh mao' malakukan nang ia ingini', ia pasti nahui' tentang ajaran nyian, ahe ge' koa atakng umpat ka Jubata, atau ahe ge' koa umpat ka diri'Ku sandiri'. ¹⁸ Saepun nang bakata dari diri'e sandiri' ngago' kamuliaane sandiri', tapi saepun nang ngago' kamuliaan umpat ka Ia nang ngutus Aku, urakng koa adalah banar, ina' ada ka ina' banaratn ka daapme. ¹⁹ Buke me Musa udah mare' ukum ka kita'? malah ina' ada dari kita' majaanan ukum koa. Ngahe kita' mao' munuha' Aku?" ²⁰ Urakng manyak koa bakata," Kao karasukan Ibalis. Sae nang munuha' Kita'?. ²² Yesus nyawab lalu bakata ka kabatne," Aku muat sote' pakarajaan lalu kita' kagum samua dihe," ²¹ Musa udah mare' kita' babaak( hal koa buke'lah umpat ka Musa,tapi umpat ka ene' moyang ) lalu waktu ari Sabat kao maak urakng. ²³ Kade' urakng marima' babaak waktu ari sabat lalu ukum Musa ina' di langgar, ngahe kao bera ka aku sadangkan aku nomoan dangan waktu ari sabat? ²⁴ Ame ngakimi manurut nang kateeatn, tapi akimi' sacara banar. ²⁵ Ada nang dari kabatne barasal dari Yerusalem jakatae," Buke' me urakng nyian nang kabatne coba bunuha' koa? ²⁶ Tee' Ia bakata sacara tarang-tarangan, lalu kabatne ina' bakata ahepun ka Ia. Ina' mungkin kade' para paminpin batol nahui' kade' nyianlah Karistus koa, kan? ²⁷ Kami nahui' urakng nyian barasal. Tapi waktu Karistus koa atakng, ina' seko'pun nang nahui' umpat kamae Ia barasal. ²⁸ Yesus masih ngampak ka Bait Jubata, ngajar lalu bakata," Kita' udah nahui' Aku, nahui' uga' Aku barasal. Aku ina' atakng untuk diri'Ku babaro, tapi Ia nang ngutus Aku adalah banar, lalu kita' ina' kanal ka Ia. ²⁹ Aku kanal ka Ia, sabab Aku atakng umpat ka Ia lalu Ia nang ngutus Aku. ³⁰ Kabatne mao' nyoba nangkap Ia , tapi seko'pun ina' nang nyingihi' Ia sabab waktue nape' sampe. ³¹ Walaupun ayanyian, manyak urakng nang kadaapm picaya' ka Ia.Jakata kabatne," Waktu Karistus atakng, ahe ge' Ia labih manyak minjawat tanda - tanda dari nang urakng nyian pinjawat ?" ³² Urakng Parisi nangar manyak nang babisik - bisik hal - hal nyian tentang Yesus, lalu imam kapala ngirim urakng Parisi ba pagawaie untuk nangkapa' Ia. ³³ Lalu Yesus bakata," Masih sadikit agi' waktuKu ada ba kita, lalu Aku ampus ka Ia nang udah ngutus Aku. ³⁴ Kita' ana ngagoi' Aku tapi kita' ina' namui' Aku, kamae Aku ampus, kita' ina' akan bisa atakng. ³⁵ Lalu urakng Yahudi bakata ka urange babaro," Kamaea' urakng nyian ampusa' lalu diri' ina' namuia' Ia agi'? Ahe ge' Ia ampus ka pangasingan ka antara urakng - urakng Yunani nang ngajar urakng - urakng Yunani sandiri' ³⁶ Pakataatn ahe ge' urakng nyian nang Ia kataatn," Kita' pasti ngagoi' Aku tapi ina' akan namui' Aku, kamaepun aku ampus , kita' ina' akan bisa atakng?" ³⁷ Angkitn waktu ari tarakhir parayaan koa, Yesus badiri' sampe ngampak jakatae," Kade' seko'pun nang aus, biarlah ia atakng ka Aku nyocok. ³⁸ Barangsaepun nang picaya' ka Aku, ayamae kitab Firman ngataatn, dari daapme akan ngalir sunge - sunge ai' idup. ³⁹ Tapi Ia ngataatn hal - hal nyian tentang Roh, barangsae nang picaya' tentang Ia akan narima'. Roh nape dibareatn sabab Yesus nape dimuliaatn. ⁴⁰ Dari kababtne nang rami koa, ada nang bakata, jakatae," Sabanare urakng nyian adalah nabi." ⁴¹ Nang lainne bakata," Nyianlah Karistus." tapi nang lanne agi' bakata," Ahe, adame Karistus atakng umpat ka Galilea? ⁴² Buke' me Kitab Firman ngataatn kade' Karistus akan atakng dari katurunan Daud asale umpat ka Betlehem, kampokng Daud ? ⁴³ Lalu timu pasalisihatn ka urakng nang manyak koa gara - gara Ia. ⁴⁴ Nang lainne mao' nangkap Ia, tapi ina' ada nang masokng Ia. ⁴⁵ Para pagawai ba para Parisi muakng agi' ka imam kapala lalu bakata," Ngahe kita' ina; ngicakng Ia?" ⁴⁶ Para Pagawai manjawab," Nape' paranah ada sanape'e urakng nang bakata ayanyian. ⁴⁷ Sabab koa urakng Parisi nyawab kabatne," Ahe ge' kita' udah dinyasatatn?" ⁴⁸ Adame para pamimpin picaya' ka Ia, ataupun para Parisi?" ⁴⁹ Tapi urakng nang rami nyian ina' nahui' ukum, takutuk kabatne. ⁵⁰ Nikodemus bakata ka kabatne ( ia nang atakng ka Yesus labih doho', salah seko'e urakng Parisi ) ⁵¹ Ahe ge' ukum diri' ngakimi' urakng tanpa nang partama nangar dari ia lalu nahui' ahe nang ia parbuat?" ⁵² Kabatne nyawab jakae," Ahe ge' kao barasal umpat ka Galilea uga'? salidi' lalu tee' kade' ada nabi barasal umpat ka Galilea." ⁵³ Lalu satiap urakng taama' ka rumahe babaro.