¹ Yesus ampus ka Bukit Zaitun. ² Buka' kaapm sidi Ia ampus ka Rumah Jubata lalu samua urakng ngatakngi' Ia ia duduk lalu ngajarkabatne. ³ Para ahli kitab ba para Parisi ngicakng seko' nang bini ditangkap sabab bazinah. Kabatne muangan ia ka tangah - tangah. ⁴ Lalu kabatne bakata ka I," Guru nang bini nyian dinangkap babuat bazinah. ⁵ Daapm ukum, Musa marentah kami untuk nabaki' ba batu ka urakng - urakng yang ayanyian, ahe pandapat Kita' ka masalahe nyian?" ⁶ Kabatne ngataatn nyian biar manjebak Ia biar kabatne bisa nuduh Ia, tapi Yesus ngogo' ka tanah nulis bajariE. ⁷ Waktu kabatne tarus nanyai' Ia, lalu Ia badiri bakata kabatne," Ia nang tanpa dosa ka antara kita', biarlah ia nang partama nabak dirie babatu. ⁸ Ia ngogo' agi', lalu nulis agi' ka tanah ba jariE. ⁹ Waktu kabatne nangar koa, kabatne kaluar seko - seko', mulai' dari nang paling tuha. ¹⁰ Akhire Yesus diningaatn babaro, ba nang bini nang ka tangah kabatne. Yesus badiri lalu bakata ka Ia,'" Nang bini kamae para panuduhnyu ?" ¹¹ Ia bakata," Ina' seko'pun, Tuhan." Jakata Yesus ka ia," Bahkan Akupun ina' ngukum kao, ampuslah kamaraganyu, mulai' angkitn ame minjawat dosa agi',"] ¹² Yesus kambali agi bakata ka urakng - urakng jare," AkulahTarakng Dunia, barangsaepun nang nunaan Aku ina' akan bajaatn ka nang galap malainkan akan miliki kaidupatn nang tarakng." ¹³ Para Parisi bakata ka Ia," Kao basaksi tentang diri'Nyu sandiri', kasaksianNyu ina' banar." ¹⁴ Yesus nyawab lalu bakata ka kabatne," Walaupun Aku basaksi tentang diriKu sandiri', kasaksianKu adalah banar. Aku nahui' darimae Aku atakng ba kamae Aku mao' ampus. ¹⁵ Kao ngakimi' manurut dagen, Aku ina' ngakimi' saepun. ¹⁶ Tapi kade' Aku ngakimi',, pangakimanKu adalah banar sabab Aku ina'lah babaro, Apa'lah nang udah ngutus Aku. ¹⁷ Au' kadaapm ukumnyu udah tatulis kade' kasaksian dua urakng adalah banar. ¹⁸ Aku adalah Ia nang basaksi tentang diri'Ku sandiri', lalu Apa' nang udah ngutus Aku basaksi tentang Aku" ¹⁹ Kabatne bakata ka Ia," Kamae Apa'nyu?" Jakata Yesus," Kita' bahkan ina' nahui' Aku mao'pun Apa'Ku." kade' kita nahui' ka Aku, kita'pun nahui' ka Apa'Ku." ²⁰ Ia ngataatn kata - kata nyian samak ba perbendaharaan salagi' Ia ngajar ka Rumah Jubata, ina' ada seko'pun nang mao' nangkap Ia soale waktue masih nape sampe. ²¹ Ia bakata agi' ka kabatne," Aku mao' ampus; kia' akan ngagoi' Aku lalu akan mati ba dosa - dosa kita'. Kamae Aku ampus, kita' ina' akan atakng." ²² Urakng Yahudi bakata," Mao'me Ia munuh diri'E babaro, ia nang bakata, Kamae Aku ampus, kita' ina' akan atakng? ²³ Yesus bakata ka kabatne," kao barasal umpat ka babah, Aku barasal umpat ka atas. Kao dari dunia nyian, Aku buke' dari dunia nyian. ²⁴ Sabab koa, Aku bakata ka kao, kade' kao akan mati ba dosa - dosanyu, kacoali kao picaya' kade' AKULAH, kao akan mati ba dosa - dosanyu. ²⁵ Sabab koa kabatne bakata ka Ia," Sae me kita'?" Yesus bakata ka kabatne," Ahe nang udah Aku ngataatn ka kao dari mulae. ²⁶ Aku miliki' manyak hal untuk Aku sampeatn ba ngadili' tentang kao. Tapi, Ia nang ngutus Aku adalah banar; ba hal - hal nang udah Aku nangar ka Ia, hal - hal nyianlah Aku sampeatn ka dunia." ²⁷ Kabatne ina' nahui' kade Ia ngataatn koa adalah maksute tentang Apa'. ²⁸ Yesus bakata," Waktu kao mao' ningian Anak Manusia, jadi kao mao' nahui' kade' AKULAH, kade' Aku ina' majaanan ahepun dari diri'Ku babaro, ayamae nang Apa' udah ngajari'Ku, Aku nyampeatn hal - hal nyian. ²⁹ Ia nang ngutus Aku ada basama-Ku, ba Ia ina ningaatn Aku babaro, soale aku salalu majaanan hal - hal nang nyenangan Ia. ³⁰ Samentara Yesus masih ngataatn hal - hal nyian, manyak nang jaji' picaya' ka Ia. ³¹ Yesus bakata ka urakng - urakng Yahudi nang udah picaya' ka Ia," Kade' kita' badiapm ka daapm pakataatnKu, maka kita' adalah murit - muritKu; ³² lalu kita' nahui' kabanaratn nang akan mebasatn kita'. ³³ Kabatne nyawab," Kami adalah katurunan Abraham nape' paranah jaji tawanan saepun; ayamae mungkin Kita' bakata " Kao akan dibebasatn?" ³⁴ Yesus nyawab kabatne," Sasungguhe Aku bakata ka kao, satiap urakng nang babuat dosa adalah amba dosa. ³⁵ Amba ina' manatap kadaapm rumah sacara parmanen, Anak manatap sacara parmanen. ³⁶ Sabab koa, Kade' Anak mebasatn kao, kao batol sidi bebas. ³⁷ Aku nahui' kade' kao katurunan Abraham, kao ngagoi' Aku mao' munuha' aku, soale ahe nang Aku ngataatn ina' batampat ka diri'nyu. ³⁸ Aku bakata hal - hal nyian nang udah Aku nee' ka Apa'Ku, lalu kao uga' majaanan hal - hal nang udah kao nangar dari Apa'nyu.. ³⁹ Kabatne nyawab kata Yesus," Apa' kami adalah Abraham, " Yesus bakata ka kabatne," Kade' kao adalah anak - anak Abraham, Kao tantu majaanan pakarajaatn - pakarajaatn dari Abraham. ⁴⁰ Tapi, angkitn kao ngagoi' Aku mao' munuha' Aku, urakng nang udah ngataatn ka kao kabanaratn nang nangar dari Jubata Panampa'. Abraham ina' majaanan hal - hal nyian. ⁴¹ Kao minjawat pakarajaatn - pakarajaatn apa'nyu." Kabatne bakata ka Ia," Kami buke' dimaranakatn apa' nang manyak, kami kahe seko' Apa', Jubata Panampa'." ⁴² Yesus bakata ka kabatne," kade' Jubata Panampa' adalah Apanyu, kao tantu ngasihi' Aku, soale Aku langsung ba udah atakng dari Jubata Panampa'; soale Aku buke' barasal dari diri'Ku sandiri', tapi Ia nang ngutus Aku. ⁴³ Ngahe kao ina' ngarati ka pakataatnKu? koa disababatn kao ina' tahan nangar pakataatnKu. ⁴⁴ Kao adalah umpat ka apa'nyu, ibalis, ba kao mao' ngalakukan awa-nafsu apa"nyu, ia adalah urakng pambunuh sajak dari awal ba ina' bisa batahan daapm kabanaran sabab ina' ada kanaran ka ia. Waktu ia bakata pangalok, ia bakata kamao'an babaro soale ia adalah pangalok ba raja pangalok. ⁴⁵ Tapi, sabab Aku bakata soal kabanaran, kao ina' picaya' ka Aku. ⁴⁶ Nang mae ge' dari kita' nang ngayakinan Aku parihal dosa? kade' Aku bakata kabanaran, ngahe kao ina' picaya' ka Aku? ⁴⁷ Ia nang umpat ka Jubata Panampa' nangar pakataatn - pakataatn Jubata Panampa'; kao ina' nangar pakataatn - pakataan koa sabab kao buke'lah dari Jubata Panampa'. ⁴⁸ Urakng Yahudi manjawab lalu bakata ka Ia," Buke' me sabatole kami bakata kade' Kita' adalah urakng samaria lalu karasukan Ibalis?" ⁴⁹ Yesus nyawab," Aku ina' karasukan Ibalis; tapi Aku manghormati' Apa'Ku tapi kao ina' manghormati' Aku. ⁵⁰ Aku ngagui' kamuliaanKu sandiri'; ada urakng nang ngagoi' lalu ngakimi'. ⁵¹ Sabanar - banare, aku bakata ka kao, kade' urakng mihara pakataatnKu, ia ina' akan paranah nee' kamatian. ⁵² Urakng Yahudi bakata ka Ia," Angkitn kami nahui' kade' Kao karasukan Ibalis, Abraham ba nabi nang lain udah mati, tapi Kao bakata," Kade' kao mihara pakataatnKu, ia ina akan ngalami kamatian." ⁵³ Kao ina' labih aya'e dari apa' kami Abraham nang udah mati, kan? Para nabi uga' udah mati. Ka sae ge' Kao nyamaan diri'Nyu ba nang bisa sabaya?" ⁵⁴ Jawab Yesus," Kade' Aku muliaatn diri'Ku babaro, kamuliaanKu adalah kosong, Apa'Kulah nang muliaatn Aku masalah sae Ia kao bakata kade' Ia adalah Juabata panampa'nyu. ⁵⁵ Kao nape' kanal ka Ia tapi Aku udah nganal Ia, kade saharuse Aku bakata, 'Aku ina' kanal ka Ia', Aku bisa sabaya ba kita', urakng pangalok. Tapi Aku kanal ka Ia ba mihara pakataatnNe. ⁵⁶ Apa'nyu Abraham karepoatn waktu nee' ariKu; Ia udah nee; iya lalu barepo. ⁵⁷ Urakng Yahudi bakata ka Yesus," Kao nape barumur lima puluh tahutn, lalu Kao udah nee' Abraham?" ⁵⁸ Yesus bakata ka kabatne, "Sasungguhe Aku bakata ka kita', sanape Abraham diparanakatn, " AKULAH." ⁵⁹ Lalu kabatne naap batu mao nabakia' Yesus, tapi Ia dari naporatn diri'E lalu kaluar dari Rumah Jubata koa.