¹ Aka' maan hal - hal nyian, Yesus bajaatn ka sisi lain laot Galilea nang uga' disabut Laot Tiberias. ² Masih manyak urakng nunaan Ia sabab kabatne nee' tanda - tanda nang udah Ia neeatn ka urakng nang rongko'. ³ Yesus ampus naik ka bukit sambil duduk kanaun ba muriTe. ⁴ ( Angkitn parayaan Yahudi udah samak ) ⁵ Waktu Yesus ningkadah lalu ia nee' samua urakng manyak nang atakng ka Ia, Ia bakata ka Filipus," Kamaelah diri' mali roti biar kabatne nyian bisa makatn?. ⁶ ( Tapi Yesus ngataatn nyian kahe nguji Filipus, soale Ia nauan ahe nang Ia karajaana'. ) ⁷ Jawab Filipus," Dua ratus dinar raga roti ina' cukup biarpun seko' uraknge kahe namu sadikit." ⁸ Andreas, kamarkapala Simon Petrus , bakata ka Yesus. ⁹ "Ada kamuda' nang laki kadian ia ada ba lima baku roti ba dua eko' ikatn, tapi ahelah artie koa ina' cukupa' ka urakng manyak nyian. ¹⁰ Jakata Yesus," suruhlah umat duduk." ( ada manyak rumput ka dikoa ). lalu samua urakngv duduk kira - kira lma urakng jumlahe. ¹¹ Lalu Yesus naap lima baku roti koa aka' Ia mangucapsukur, Ia magiatn ka kabatne nang duduk, ba ikatn , samanyak manyake nang kabatne pararuatn. ¹² Aka' umat bakanyangani' Ia bakata ka murite," Kumpulatn irisatn - irisatn nang ta sisa', biar ina' nang tabuakng." ¹³ Lalu kabatne ngumpulatni samuae sampe dua balas bakul agi' sisae nang ina' ta makatn pao nang enek - eneke. ¹⁴ Waktu umat nee tanda - tanda nyian, ahe nang Ia pinjawat, kabatne bakata," Sidi batol nyianlah nabi nang mao atakng ka dunia." ¹⁵ Waktu Yesus sadar kanbatne amper atakng mao' nyergapa' cara paksa untuk nyajiatna' Ia jaji raja, Ia ngindar agi' lalu naik ka bukit Ia babaro. ¹⁶ Waktu abut mulai maam, para murit Yesus turutn ka laot. ¹⁷ Kabatne naik ka parahu, lalu ngaintasi' laot Kapernaum. ¹⁸ Tiba - tiba atakng angin ribut jaji laotpun bagalombang. ¹⁹ Waktu para murit bakayuh ka laot kira- kira lima atau anam kilometer, Kabatne nee' Yesus bajaatn ka atas laot atakng nyamaki' parahu, lalu kabatne bagaiatni'. ²⁰ Tapi ia bakata ka kabatne," nyian Aku ame gai'." ²¹ Akhire kabatne nyuruh ia naik ka parahu, ina' lama parahu kabatne sampe ka daratan agi'. ²² Ari barikute, manyak urakng nang udah badiri ka sabarang laot nee' kade' ina' ada parahu nang lain kacoali sege', kade' Yesus ina' naik ka parahu koa ba para murite tapi para murite udah ampus babaro. ²³ Tapi ada sangahe parahu nang atakng umpat ka Tiberias samak kabatne nang udah makatn roti aka' Jubata Yesus mangucap syukur. ²⁴ Waktu urakng nang manyak namui' kade' Yesus ba para murite ina' kanaun, kabatne naik ka parahu - parahu lalu ampus ka Kapernaum ngagoi' Yesus. ²⁵ Aka' kabatne namui' Ia ka sabarang laot, kabatne bakata ka Ia," Rabi, kamie Kita' atakng kadian?" ²⁶ Yesus bakata ka kabatne," Sasungguhe ,kao buke' ngagoi' Aku, bukae' nee' tanda - tanda, tapi sabape kao udah makatn sangahe baku roti ba ikatn lalu kanyang. ²⁷ Baranti bakaraja makatn makanan nang binasa, malainkan karajaan makanan nang ka kaidupatn kakal, nang Anak Manusia mao' mareatn ka kao, sabab Jubata Panampa' udah natapatn materaiE ka kao. ²⁸ Lalu kabatne bakata ka Yesus," Ahe nang arus kami karajaan, biar kami bisa ngarajaan pakarajaatn Jubata Panampa' ?" ²⁹ Jawab Yesus," Nyianlah pakarajaatn Jubata Panampa : biar kita' picaya ka urakng nang udah Ia utus." ³⁰ " Lalu kabatne bakata ka Yesus ," Tanda ahe agi' nang kita teeatn biar kami picaya' ka Kita'? Ahe nang Kita' karajaanna' ? ³¹ Apa' - apa' kami udah makatn manna ka padang gurun, aya nang udah tatulis," Ia udah mareatn kabatne makanan roti umpat ka subayatn." ³² Lalu Jubata Yesus bakata ka kabatne," Sasungguhe, buke Musa nang marei' roti umpat ka subayatn, malainkan sabanare nang marei' kao Apa'Ku nang umpat ka Subayatn. ³³ Sabab roti dari Jubata Panampa' nang turutn dari subayatn mare' kaidupatn kakal ka dunia. ³⁴ Jadi kabatne bakata ka Ia, " Tuan bare' kami roti salamae." ³⁵ Yesus bakata ka kabatne," Akulah roti kaidupatn, barangsaeoun nang atakng ka Aku ina' akan kaparatn, lalu barangsaeoun nang picaya' ka Aku ina' akan aus. ³⁶ Tapi, Aku udah bakata ka kao kade' sasidie kao udah nee' aku , kao masih nape'picaya'. ³⁷ Samua nang Apa' mare' ka Aku akan atakng ka Aku, lalu iIa nang atakng ka Aku tantu ina' akan muanga' iya. ³⁸ Sabab Aku udah turutn umpat ka subayatn, buke' kahe kahendakKu babaro, tapi kahendak Ia nang ngutus Aku. ³⁹ Nyianlah kahendakKe nang ngutus Aku, kade' Aku ina' akan kailangan samua urakng nang Ia udah mare' ka Aku. ⁴⁰ Sabab nyianlah kahendak Apa'Ku , kade' samua urakng nang udah nee' AnakKe lalu picaya' ka Ia pasti namu kaidupatn nang kakal. lalu Aku mangkitatn ia waktu ari akhir. ⁴¹ Lalu urakng Yahudi basungut - sungut tentang Ia bakata," Akulah roti nang udah turutn umpat ka subayatn." ⁴² Kabatne bakata," Buke' me Yesus nyian Anak Yusuf, nang mae Apa' uwe'e kami kanal? lalu ayamae Ia bakata ," Aku udah turutn umpat ka subayatn? ⁴³ Jawab Yesus lalu bakata ka kabatne," Baranti mareco ka antara kita' sandiri'. ⁴⁴ Ina' bisa seko'pun nang bisa atakng ka Aku kacoali Apa' nang ngutus Aku narik iya, lalu aku mamngkitatn ia waktu ari akhir. ⁴⁵ Udah tatulis daapm kitab nabi - nabi ' kabatne samua mao' di ajar Jubata Panampa'," Satiap uarakng nang udah nangar ba balajar ka Apa', atakng ka Aku." ⁴⁶ Buke' tiap urakng nang nee' Apa', kacoali ia nang barasal dari Jubata Panampa', ia udah nee' Apa'. ⁴⁷ Sasungguhe barangsaepun nang picaya' ia miliki' kaidupatn kakal. ⁴⁸ Akulah roti kaidupatn. ⁴⁹ Apa' - apa'ku udah makatn manna ka gurun, lalu kabatne udah mati. ⁵⁰ Nyianlah roti umpat ka subayatn , lalu ada sangahe kai bisa makatn iya ina' akan mati. ⁵¹ Akulah roti kaidupatn nang udah turutn umpat ka subayatn, kade' seko'pun urakng nang makatn roti nyian , ia akan idup salamae. Roti nang mao' Kubareatn adalah dagenKu untuk kaidupatn dunia. ⁵² Urakng Yahudi udah mulai' bera ka antara kabatne sandiri', lalu mulai' ba tanya - jawab, jakatae," Ayamae me urakng nyian mareatn dagenne untuk diri' makatn, ⁵³ Yesus bakata ka kabatne," Saungguhe, kacoali kao makatn dagen Anak Manusia ba nyocok DarahE, kao ina' miliki' kaidupatn daapm diri'nyu sandiri'. ⁵⁴ Barangsaepun nang makatn dagenKu ba nyocok darahKu ia miliki' kaidupatn kakal, lalu Aku pasti mangkitan ia waktu ari akhir. ⁵⁵ Sabab dagenKu adalah makanan nang banar, ba darahKu adalah minuman nang banar. ⁵⁶ Barangsaepun nang makatn dagenku, ba nyocok darahKu badiapm tatap ka daapmKu, lalu Aku diapm ka daapm ia. ^{57 58} Ayamae Apa' nang idup ngutus Aku, ayamae Aku idup sabab Apa', maka barangsae nang makatn Aku, ia uga' pasti idup sabab Aku. Nyianlah roti nang turutn umpat ka subayan ina aya nang udah dimakatn para ene' moyang nang udah mati. Barangsaepun nang makatn roti nyian pasti idup salamae. ⁵⁹ Yesus ngataatn nyian ka Sinagoge samantara ia masih ngajar ka Kapernaum. ⁶⁰ Lalu manyak dari para murid Yesus nang mareco nang nangar hal nyian jakatae," Nyian adalah ajaran nang sukar, sae nang bisa narima ?. ⁶¹ Yesus nahui' daapm atieE sandiri' kade' para murite bamarecoatni', jakataE," Ada me hal nyian nang nyinggung kita'? ⁶² Ayamae kade' kita' mao' neeya' Anak Manusia naik kamae Ia barada sanape'e ? ⁶³ Roh koalah nang mare' kaidupatn, dagen ina' namu ahe - ahe, pakataatn - pakataatn nang udah Aku sampeatn ka kita' adalah roh, lalu koalah kaidupatn. ⁶⁴ Tapi ada ka antara kits' nang ina' picaya'," Sabab Yesus nahui' dari awal sae urakng nang ina' picaya' ba sae nang mao' manghianati' Ia. ⁶⁵ " Ia bakata," Nyianlah sabape Aku ngataatn kade' ina' seko'pun nang bisa atakng kacoali hal koa dingizinan ka ia di Apa'. ⁶⁶ Sabab hal nyian manyak dari para murite nang babalik lalu ina' agi' bajaatn nunaan Ia. ⁶⁷ Lalu Yesus bakata ka dua balas murite," Kita' ina' ampusa' uga' kan?. ⁶⁸ Simon Petrus nyawab," Tuhan ka sae agi' kami ampus? Kita miliki' pakataatn - pakataatn kaidupatn nang kakal. ⁶⁹ lalu kami udah picaya' lalu atakng untuk nahui' kade' kita' adalah Nang Kudus umpat ka Jubata Panampa'. ⁷⁰ Ja Yesus ka kabatne," Buke' me Aku nang udah milih kita', nang dua balas urakng, lalu seko' dari kita' adalah ibalis? ⁷¹ Angkitn Ia ngomongan Yudas Iskariot, soale ia, adalah salah satu dari kadua balas murite, nang akan manghiati' Yesus.