¹ तेहकीज मायु जाे प्रभुमे बंदीवान ता तुमान विनवनी की रीईलो हाय, देवाहीन तुमान हादावले हाय तियाम हारकीरीती जिवा जोजे. ² होग्गाई नम्रतेकी खुप हारीरीती आने ऐकबिहीराल सहन किईन मोयाकी स्विकार केअेनु हाय. ³ शांतीकी बाधाईन आत्मा ऐकी राखा खातोरा होग्गी गाेठीम हारेातो केरा. ⁴ जी रिती तुमानबी एकत्व आशाम एकजागे वेराखातोर हादलो हाय ती रितीकी एक शरीराल आने एकुज आत्मो हाय. ⁵ एकुच प्रभु एकुच विश्वास, एकुच बाप्तिस्मो. ⁶ एकुच देव जो हाग्गा बाहाको तो, तो होग्गाप आने होग्गामेने आने होग्गाम हाय. ⁷ ख्रिस्ताई देदला दाना माजमापाकी आपोल होग्गान दान मिललो हाय ⁸ वाचन अेकही आखेहे, जाहा तो उच्चो चोड्यो, ताहा तिईयाई कैदील तोबाम लेदे ओन लिगीये ओन तिईयाई लोकाहानर देणग्या देद्या. ⁹ आमी जाहा वाचन अेहकी आखेहे “उचे चोड्यो” ते इया अर्थ काय ? तेहकीच तो तोरतीपने अधेलोकाम बी उत्यो अेहकीच वेअेहे का नाहा ? ¹⁰ जाे अेठा उत्यो तोच अचे होग्गा होरगाहीने उंचो ठिकाणाम चोड्यो. इयाखातोर का होग्ग्या गोठ्या तिइ्रयाई पोय काडा जोजे. ¹¹ आन तिईयाई खुद लोकान प्रेषीत, संदेष्टे, सुर्वातिक, पालक ओन शिक्षक अेहकी दाने देदीह. ¹² ते देणग्या देवाआ सेवा कार्याम पवित्रलोकान तियार केअेरा ओन ख्रिस्ताआ शरीला आत्मिकरित्या सामर्थ्यवान वेअेरा खातोर देद्याहा. ¹³ देवा ई इच्छा हाय का आपो होग्गे विश्वास थोवणारे एक वेजी काहाका आपु तिइया पोयराप विश्वास थोवतेहे ओन आपो तिईयाम वादा जोजे तेहकीज तिइया केअतो ज्ञान आपोण होमजा जोजे. देवाआ इ इच्छा हाय काक आपो मोडे विश्वास थोवणारे वेअेरा जोजे, एक विईन, वादीन ख्रिस्ता हारके बोनीन जो पुर्ण हाय. ¹⁴ इर्याखातोर का आपो इया आगला हाना पेायराहोले बादा नाहा जोजे तेहकीच माआहा कपटाकी, ठोगावीनाऱ्या मार्गाहीने जाणारा युक्तीकी अेहड्या होग्ग्या नाव्या हेकवुनरुपी वाआराकी तुमआ रोस्तो लाटाकी अेहेते हे डोलणारा उड्याहोस नाहा वेअेरा जोजे. ¹⁵ तिइयापेक्षा आपो मोयाकी यखेरो गोगणु आने होग्गा मार्गाहीने तिइयाम वादा जोजे जो आमा मुनको हाय ख्रिस्त. ¹⁶ जिइयाकी विश्वास थोवाणाराआ होग्गो शरील जोडालो रेहे ओन तो होग्गो सांधाकी एकच जागे बांधलो रेहे ओन होग्गो भोग तो जेहकी काम केअेरो जोजे तेहकी तो केअेहे आपो रोचना मोयाम वेअेरा खातोर शराीलाआ होग्गा भागाआ बाद वेअेहे. जुनो आने नोवो जीविताक्रम. ¹⁷ तियाल आये इ आखु आन प्रभु नावाम तुमान विनंती कीइहू, जेहकी परराष्ट्रीय भ्रष्ट मोना खराबरीतीकी चाचतेहे तेहकी चाला नाहा. ¹⁸ तिया विाचार आंदारामाने वेअेले हाय, आन तिया मोनामे जिद केअेता तियामेन अनाडीपोन देखाइेन देवाआ जीवनाहीने ते जुदे वेअेले हाय. ¹⁹ तिइयाइ खुद आपोल सिनालाम वाचावी लेदलो हाय, आने होग्गा प्रकारा अशुध्दगोठीला अगलाई किन वोयाीव लेदले हाय. ²⁰ पेन तुमाआ ख्रिस्ताईने अेहडीरिती हिकले नाहा. ²¹ तुमा तिईयाबोद्दोल उनाये वेअेरी आने तिईयाईने येशुहीने जो खेरो हाय, तिच रितीकी तुमान तियाम शिक्षण मिलली वेअेरी . ²² ते तुमा जुनो माआवु तियाल काडी टाका जोजे, काहाका तो तुमाआह पेहलो बागुलाकी जो जुनाक कपटाकी हारो नाहा माठ्या गोठीकी पोरालो आसिन तिईया नाश विरीईलो हाय. ²³ ईयाखातोर तुमा आत्माकी मोनाम नोवे केअेले जाजोजे ²⁴ आन जो नोवो माआहु, जो देवाआज्ञा की नितीमान ओन ओन खोरा पवित्रआत्माम उबजावलो हाय तो वेअेरो जोजे. रोज्या जिवनु नियम ²⁵ तिईयाल खोटो केअेरो सोडी द्या होग्गाही तिईया आऱ्या आरी खेरो तोज गोगा जोजे काहाका आपो एकबिजा अवयव हाय. ²⁶ तुमआ रोगावाया पेन पाप केअेरा नाहा, बाआतीवेअेला पोडे पोडे ताव तुमाआ रेाग सोडी द्या. ²⁷ सैतानाल संधी द्या नाहा. ²⁸ जो केडो चोरी केअेतो वेरी ते तिईया ही ईया आगला चोरी केअरा नाहा, उलटो तिइयाई आपो हाथाकी काम केअरो जोजे काहाका तिइयाल गोरोज वेअेरी ते तिईयाई तिईया वाटामेन दाखातोर तिईयापाही काईतेबी जोजे. ²⁹ तुमाआ मुयामने केअेल्लीबी मोठी भाषा निगा नहा जोजे,तिईया उलटो गोरजेकी तिईयाहारी गोठ वेअेरा जोज, तिईयाखातोर उपयोगाम आवणारा शब्द निगा जोजे, ईयाखातोर जे उनाया तिईयान कृपा मिला जोजे. ³⁰ आन देवाआ पवित्र आत्माल दुखी केअरा नाहा काहाका तुमान खोडणी पोईन मुक्ती दिईयाकेअेतो तिईयाही ने तुमान शिक्को मारम आल्ले अेहेडे तुमा हाय. ³¹ होग्गा पेकारा कोडवी, रोग, रोग, बोबलुनु, देवाआ निंदा ई होग्गा प्रकार खोठ्याआरी तुमाआईने दुर केअेरा जोजे. ³² एकबिहीराआरी मोयालु ओन कनवाळु वेरा, आने देवाही ख्रिस्ताम उघडी रितीकी क्षमा केअेही, तेहकी एकबिहीरान माफ केअेरा.