¹ इयाखातोर आय पौल तुमाआ बिहीरादेशालोकाहा वाटो ख्रिस्त येशु बादालो हाय. ² देवाआ कृपातुमावाटो माल मिलली होय तिईया कामाखातोर तुमाआ उनाया वेअेरी ³ एहेकी माल प्रगटकरणाकी खेरा दोबल्या गोठ्या मालुम पोडल्या हाय मायुय तिईयाप थोडीच लिखली हाय. ⁴ जाहा तुमाआ ती वाचाआ ताहा ख्रिस्ताआ खेऱ्या रहस्या की माआ ज्ञान तुमान होमजाई. ⁵ जेहकी तो रहस्य आमी आत्माकी तिईया पवित्र प्रेषिताना आने संदेश देणारान प्रकट केअराम आलो हाय, तेहकीच ते बिहराल पिढ्या माआहा संततील नाहा आखम आलो आथो. ⁶ इ रहस्य तो अहेकी हाय का बिहरादेशा येशु ख्रिस्ताम शुभवर्तमानाकी आमाआरी वारस आने एकुच शरीराआ अवयव हाय आने वोचना भागीदार हाय. ⁷ देवाआ केअेला सामार्थ्या पोरिणाम आखिन जो कृपा दान माल देवाम आल्ले हाथे. तिईयाखाताेर तिईया हारीगोठी सेवोक आय वेअलाे हाय. ⁸ जेहकी माअयु हेाग्गा पवित्र लोकामने हानो हाय, तेबी माल ई ख्रिस्ताआ गहन अेहड्या दौलता सुवार्ता बिहरादेश लोकान आखा खातुर ई कृपाआ दान माल देवाम आलो हाय. ⁹ आने जिईयाई होग्गा बोनाव्या तिया देवाई पेहलाेकालामने जो रहस्य दोबावी थोवलो हाथो, तिया गोठ्या काय हाय इ होग्गा लोकाण प्रोगोट वेअेरा जोजे. ¹⁰ इयाखातोर की आमी मंडहीकी सत्ताधिश आने आकाशामेने शक्ती ईयान देवाआ खुप प्रकाराआ वेअेलो ज्ञान होमजा जोजे. ¹¹ देवा होग्गा काहाका हारी गोठील लागीन जो जिईयाइ आपो प्रभु येशु ख्रिस्त इयाम पुरो केलो हाय. ¹² ख्रिस्तामा आमा तिईयाउपऱ्यो विश्वासाकी धैर्य आने पुरो विश्वास मिललो हाय. ¹³ तिईयाल माआयु विनंती किईक तुमाआ खातोर माल वेअणारे त्राशासारखो तुमा फाचला जाआ नाह काहाका ओ त्रारास आमाआ गौरवा हाय. हृदयाम ख्रिस्ताये आवीन रा जोजे इया खातोरा प्रार्थना ^{14 15} इयाखातोर माआयु बाहकाहुमुर गुडगा टेक्या इयाकेअता होग्गा वंशाल होरगाम आने तोरतीप उपजाविन नाव देवाम आले हाय. ¹⁶ तिइ्रया गोरवाआ मोडवायकी तिईयान तुमान अहेकी दा जोजे देवआ आत्माकी सामर्थ्य मिलवीन तुमआ आपो माजमेने बलवान वेअेरा जोजे. ¹⁷ विश्वासाकी ख्रिस्त तुमाआ मोनाम रा जोजे इयाखातोर का तुमा मोयाम पोराले आले तुमा पायो खुब अेथो हुगू अुतलो जोजे. ¹⁸ इयाखातेार का, जे पवित्रलोक हाय तिईयाआरी ख्रिस्ता मोया रुंदी, लांबी, उंची माने उडो कोतो हाय इ तुमाआ होमजी लाआ जोजे. ¹⁹ तिईयाल तुमान होमजा जोजे ख्रिस्ताआ माहन मोया जी होग्गान फाचला टाकेहे इयाहाटी तुमा देवाआ पुराआरिती पुरे पोराया जोजे, ²⁰ आन आमी देव जो आणे सामर्थ्याकी आपो म काय केअहे ओतोच नाहा ते आमी मागते आने आमा आ विचाराहीन जाहको काम केरा केअेता तो समर्थ हाय. ²¹ निईयाल मोडली ओन ख्रिस्त येशुम होग्गा पिढ्यानपिढ्या सदासर्वकाल गौरव मिले. आमेन.