¹ Dra nitoliky zaho dra napiandrandra gny masoko, dra nahita, indro, horogna-taratasy mizoso! ² Hoy gny azely taminahy ho: "Ino gny hitanao?" Dra namaly zaho ho: "Horogna-taratasy mitily gny hitako, ropolo hakio gny halavany dra folo hakiho gny halavany dra folo hakiho gny sakany." ³ Dra hoy izy taminahy ho: "Tihoky gny ozo ze miboaky maneran'anizao totolo izao, fa gny pangalasy aby dra ho fongory manomboky amizao ze mifehy amizay zakany aminigny andanini, dra ze mizaka fiegnan-diso aby dra ho fongory ze mifehy amizay zakany aminigny akilany, araky gny zakan'ereo. ⁴ "Haboaky zay__zay gny fagnambaran'i Yaveh toponigny maro__ko hizoso ao atragnonigny pangalasy vo ao aminigny tragnonize miay diso aminigny agnarako zay. Hitoby ao atragnony zay dra hanola gny hazony vo reo vatony." ⁵ Dra niboaky gny azely ze nizaka taminahy vo nizaka taminahy ho: "Asandrato gny masonao dra atio ze av'eo" ⁶ Dra hoy zaho ho: "Ino igny?" Dra hoy izy ho: "Haro misy efaha igny avigny. Tihoky gny helok'ereo aminigny tany manotolo." ⁷ Dra nala taminigny haro gny firaky fandrakofa dra nisy apela tao ambaninizay nitoby tao! ⁸ Dra nizaka gny azely ho: "Faharasia ty!" Naria tao agnaty haro ndraiky izy, dra naria teo aminigny fisokafany gny firaky fandrakofa. ⁹ Napiandrandra gny masoko zaho dra nahita apela ro magnotany anahy, dra gny rivosy dra tegny aminigny elas'ereo reo__fa nana elasy manahaky gny elasy gny vano ereo. Napisandrasy gny haro teo agnelagnelanigny tany vo gny lagnisy ereo. ¹⁰ Dra nizaka taminigny azely ze nizaka taminahy ndraiky zaho ho: "Hndesin'ereo magneza gny taty?" ¹¹ Dra hoy izy taminahy ho: "Hamboara tepoly agny aminigny tanin'i Sanara ho an'izay, Dra gny fa vonona gny tepoly, dra hatobe agny eo aminigny fotosy voaoma honazy gny haro."