¹ Avy eo dra nahita azely mahery hafa nizoso avy agny an-dagnisy. Tao agnaty raho izy, dra nisy avana teo agnabony lohany. Gny tarehiny dra mendriky masoandro dra gny tombony manahaky gny andrin'afo. ² Mita horogna-taratasy masaisaiky amigny tagnany izy, dra nanoby gny tombony havana amigny ranomasy vogny tombony havoa amigny tany. ³ Bak'eo izy dra nikoraky tamigny feo fatrasy tahaky gny feogn'ny liona.Gny fa nikoraky izy ,dra nikotroka fatrasy tamigny feony gny hotriky fito, dra teo andalam-panorata zaho, fa nahare feo avy agny an-dagnisy zaho nizaka ho:"Tano ho siambaratelo izay nizakan'ny hotriky fito. Ka soraty izay." ⁵ Avy eo gny azely hitako nisanga teo agnabony ranomasy vo teo amigny tany, nanandrasy gny tany havana tagny an-dagnisy. ⁶ Izy niania tamigny ray zay velo mandrakizay doria, izzy namoro gny lagnisy vo izay rehetra ao agnatin'izay, dra gny ranomasy vo izay aby ao agnatin'izay, dra gny azely nizaka ho:"Sy hisy fiandriana sasy . ⁷ Fa amy andro raiky gny fa hapagneno gny trompetrany gny azely fahafito,dra ho tateraky gny misteran'Agnahary, tahaky gny nagnambarany tamin'ereo paminany panopony." ⁸ Gny feo ze reko bak'ao andagnisy nizaka taminahy draiky hô:" Mandehana,alao gny horogna-taratasy mibelasy ze egny an-tanagn'ny azely misangana eo agn'abony ranomasy vô agn'abonin'gny tany. ⁹ "Bak'eo dra lasa nagnagny amigny azely zaho dra nizaka taminazy bâ hagnome anahy gny horogna-taratasy masaiky. Hô izy taminahy :" Rambeso gny horogna-taratasy dra hano. Hamparary gny ao atronao zay ,fa ao am_bavanao dra ho mamy tahaky gny tately zay ." ¹⁰ Nalako tamign'ny tagnany azely gny horogna-taratasy masaiky dra nihaniky zay.Mamy tahaky gny tately tao ambavako zay, fa tafarany nihinanako anazy ,dra lasa malailay gny troko. ¹¹ Bak'eo nisy olo raiky nizaka taminahy hô: '' Sy maisy maminany draiky anao momban'ireo olo maro, reo firenena,reo fizaka,dra reo pazaka."