¹ Gny zakan'i Agora zanak'i Jake__fapita: nitory tamin'i Itiela io lelahy io, tamin'i Itiela vo i Okala: ² Manahaky gny biby tokoa zaho mihoasy gny olo dra sy mana gny fahazavasainigny olombelo zaho. ³ Sy nianasy fahendrena zaho, na mana gny fahalala gny Ray masy. ⁴ Iza gny niakasy vo hizoso tagny an-dagnisy? Iza gny namory gny rivosy tegny atagnany? Iza gny navoavory gny rano teo aminigny lambany? Iza gny nagnory gny faranigny tany aby? Iza gny agnarany, dra iza gny ragnaranigny zanany? Fatasao tokoa zay! ⁵ Voazaha toetra avokoa gny zakan'Agnahary; apinga ho an'ireo ze mialoky aminazy Izy. ⁶ Ka magnapy aminigny zakany, soa ho faizy hanao, dra ho voaporofo fa pavandy. ⁷ Raha ro gny angatahiko aminao, dra ka mihazo reo melohanigny hahafatesako: ⁸ Alaviro anahy gny zava-poa vo gny vandy. Ka omen'anahy na gny fahatra na gny harena, fa omeo anahy avo gny hany ze taliaviko. ⁹ Fa raha mana maro loasy zaho, dra mety handa hanao dra hizaka ho: "Iza moa i Yaveh?" Na raha tonga mahatra zaho, dra mety hangalasy dra handoto gny agnaranigny Zagnahariko. ¹⁰ Ka mangendrikendriky gny andevo eo agnatrehanigny topony, soa hagnozon'anao iza dra ho voata ho ory hanao izy dra ho voata ho meloky hanao. ¹¹ Misy taranaky magnozo gny rany sady sy misaotra gny reniny. ¹² Misy taranaky malio eo imasony avo, kinazo sy voasasa taminigny lotony akory. ¹³ Misy taranaky manaadrasy gny masony, dra endrey gny fisandratanigny holi-masiny! ¹⁴ Misy taranaky ze mandrasy gny nifiny, dra gny valanoranony manahaky gny rasy, ba handrapahany gny mahatra hiala aminigny tany dra gny ory sy ho eo aminigny zanak'olombelo. ¹⁵ Gny lita managnanaky vaviny ro: "Omeo, Omeo" hoy gny fihiakiakiny. Misy raha telo ze sy mety afapo, efasy ze sy ba mizaka mihisy ho: "Apy zay": ¹⁶ dra gny Fiegna-sy hita; gny kibo momba; gny tany sy voton-drano; dra gny afo gny sy ba mizaka mihisy ho: "Apy zay!" ¹⁷ Gny maso ze manirasira gny babany sady mandrabiraby gny fakatoava gny reny, ho saingohanigny koaky agny agnahisy gny mason'izay, dra ho laninigny volotoro izy. ¹⁸ Misy raha telo izay mahagaga loasy ho anahy,eny efasy izay sy takaso: ¹⁹ Gny lalan'ny voramahery egny an-dagnisy; gny lalan'ny bado egny an-dagnisy; gny lalan'ny sambo egny amigny ranomasina; ary gny lalan'ny lelahy miaraky amigny tovovavy. ²⁰ Zao gny fombanigny apela zanga: mihina izy dra mamafa gny vavany dra mizaka ho: "Sy nanao rasy zaho." ²¹ Mihovisovisy eo ambaninigny raha telo gny tany, dra ambaninigny raha efasy gny sy zakany: ²² dra gny andevo raha avy pazaka, gny mola raha visy hany; ²³ gny apela hala raha apakary; dra panopo vavy raha mangalaky gny toeranigny topo vaviny. ²⁴ Raha efasy eto atany gny kely kanefa hendry tokoa: ²⁵ gny vikisy dra voahary sy matazaky, kanefa magnoma gny sakafony aminigny fahavarasy ereo; ²⁶ gny hyraky gny vato dra sy voahary mahery, kanefa manao gny fonegnany agnaty vatolapy. ²⁷ Gny valala dra sy mana pazaka, kanefa mirindra milahasy soa gny liany. ²⁸ Dra gny aminigny asiasy, dra azonao hazogny aminigny tagnanao ro zay, kanefa dra hita agny amireo lapanigny pazaka. ²⁹ Misy raha telo tena soa famindra vo efasy tena soa gny fomba fandehany: ³⁰ gny liona, ze mahery indrindra amireo bibidia__sy miery aminigny ino na ino zay; ³¹ gny akoholahy pialy; gny osilahy;dra gny pazaka ze eo agnilany gny miaramilany. ³² Raha mola hanao, manandra-tegna, na raha namisavisa rasy__dra atovy eo am-bavanao gny tagnanao. ³³ Gny fagnosakosagna gny ronono gny mahavy ronono mandry dra manahaky gny fiboahan-dio aminigny oronigny olo raha ahodikody zay, dra manahaky anizay koa gny asa atao amin-kahoria dra miteraky aly.