¹ Ireo zakan'i Lemoela pazaka__anasy napianarin'ny reniny anazy. ² Ino, ry zanako? Ino izay, ry zanaky gny kiboko? Ino gny taliavinao, ry zanaky gny voadiko? ³ Ka ame gny vehivavy gny herinao, na gny lalanao ho an'ireo izay mamotiky gny pazaka. ⁴ Izay dra sy ho an'ny pazaka, dra Lemoela, sy ho an'ireo pazaka gny fisotrana divay, na koa ho an'ny panapaky ba hagnotany ho: ''Eza gny zava-pisotro mahery?'' ⁵ Fadrao halignon'izy ireo izay fa voadidy, dra hamadiky gny marina izay amigny fahoriana rehetra. ⁶ Omeo zava-pisotro mahery gny olo izay fa ho maty dra divay hi an'ireo agnaty fahoria mangily. ⁷ Hino izy dra hagnaligno gny fahatrany dra sy hahasiaro gny fahoriany izy. ⁸ Mizaka ho an'ireo izay sy afaky mizaka, ho an'ny adin'izay rehetra fa ho maty. ⁹ Mizaka matrasy dra misara araky gny rariny dra misoloa vava ho an'ny olo mahatra vo ory. ¹⁰ Iza gny afaky mahita vehivavy mahavita anazy? Gny lazany dra mihoasy lavisy noho gny firavaky. ¹¹ Gny fon'ny valiny mitoky aminazy, dra sy hahatra mihisy izy. ¹² Manao zava-soa hon'azy izy dra sy manao rasy amigny andro-piaignany rehetra. ¹³ Misafidy volon'agnondry vo rongony izy, dra miasa an-kafaliana amigny tagnany. ¹⁴ Manahaky ireo sambon'ny panao raharaham-barosy izy; avy lavisy gny andesany gny sakafony. ¹⁵ Mifoha izy gny bo hariva dra magnome hany ho an'ny ankohonany, dra mizara gny asa ho an'ireo panopo vaviny. ¹⁶ Izy gny mandiniky gny saka dra mivily izay, amigny vokasy gny tagnany gny amboleny voaloboky. ¹⁷ Mapitafy hery gny vatany dra mapatazaky gny sandrny. ¹⁸ Mahafatasy izay mety ho tombony nsoa hon'azy izy; mandrisy gny alina tontolony gny zirony dra sy maty. ¹⁹ Apetrany eo amigny ampela gny tagnany, dra tanany gny fihazognam-bohavona. ²⁰ Magnasotra gny tagnany amigny olo ory izy. ²¹ Sy matahosy amigny oram-panala ho amigny ankohonany rehetra dra mignisy volona-gnondry mena. ²² Magnamboasy firakosy ho an'ny fandriany izy, dra miakazo fitafy rongony matify voloparasy. ²³ Gny avaliny gny fatasy ao amigny vavahady, rehefa mitoboky midray amigny loholon'ny tany izy. ²⁴ Magnamboasy akazo rongony fosy izy dra mamarosy ireo, dra namasy samboady ho an'ireo pamarosy izy. ²⁵ Mitafy gny hery vo gny voninahisay izy, dra mohomehy amigny fotoana ho avy izy. ²⁶ Manokaky gny vavany amigny fahedrena izy dra eo amigny lelany gny lalan'ny hasara-pagnahy. ²⁷ Mihobia gny lalan'ny ankohonany izy dra sy mihinana gny mofon'ny fahalainana. ²⁸ Manokaky gny zanany dra mitoka anazy ho voatahy, dra midera anazy gny valiny, manao ho: ²⁹ ''Maro gny vehivavy fa nanao gny soa, saingy mihoasy anazy rehetra hanao.'' ³⁰ Fitaky gny fahasarana, zava-poana gny hasaran-tarehy, fa gny vehivavy matahosy an'i Yaveh, dra ho deraina izy. ³¹ Omeo anazy gny vokasy gny tagnany dra aoka gny asany hidera anazy amigny vavahady.