¹ Mienga gny rasy fagnahy raha sy misy olo magneziky anazy, fa gny olo-mary dra mahavany manahakay gny liona tanora. ² Nohonigny fandikan-dalanigny tany, dra mana panapaky maro izy, fa raha mindray aminigny olo mana fahazava-say vo fahalala, dra haharisy ela zay. ³ Gny olo mahatra ze mapahory olo mahatra hafa dra manahaky gny ora mivatravatra ze sy magnenga hany. ⁴ Reo ze mahafo gny lalana dra midera olo rasy fagnahy, fa reo ze mitandry gny lalana dra hialy amin'ereo. ⁵ Gny olo-drasy dra sy mahatakasy gny rariny, fa reo ze mitalia an'i Yaveh gny mahatakasy gny rah'aby. ⁶ Soa kokoa ho anigny olo mahatra gny mandeha aminigny fahisia, noho gny ho anigny olo panandraha ze meloky aminigny lalany. ⁷ Ze mitandry gny lalana gny zanaky mana fahazava-say, fa ze namanigny tenda-kany mahamegnasy gny rany. ⁸ Ze mihary gny heriny aminigny zana-bola be loasy dra mamory gny hareny ho anigny hafa ze hana-piatra amigny olo mahatra. ⁹ Raha misy olo mamarosy gny sofiny sy hiteno gny lalana, na gny fivavahany aza maharikoriko. ¹⁰ Na iza na iza mamily lala gny mahisy aminigny lalan-drasy dra hilasaky ao aminigny lavany avo, fa gny sy mana signy gny hana lova soa. ¹¹ Gny olo manan-draha dra mety ho hendry eo imasony avo, fa gny olo mahatra ze mana fahazava-say gny hahita anazy. ¹² Gny fa misy fandresena ho anigny olo-mary, dra misy voninahisy lahibe, fa gny fa misanga gny rasy fagnahy, dra mivony gny olo. ¹³ Ze magnavony gny fahotany sy hambiny, fa ze miaiky vo mahafo reo gny hanehoa famindra-po. ¹⁴ Ho tahina ze miay aminigny fanehoa-pazaka mandrakariva, fa ze magnamafy gny fony dra ho tra-pahoria. ¹⁵ Manahaky gny liona miero na bera miremby gny panapaky rasy fagnahy eo aminigny olo mahatra. ¹⁶ Gny panapaky sy apy fahazava-say dra papahory lozabe, fa ze malaiky gny sy fahamarigna gny hapitombo gny androny. ¹⁷ Raha meloky gny olo raiky akory nandasaky lion'olo, dra ho pisoa-ponegna mandra-pahafatiny izy dra sy hisy olo hamozy anazy. ¹⁸ Na iza na iza mandeha aminigny fahisia dra harova, fa gny raiky ze mandeha aminigny lala-meloky gny ho lavo tapoky. ¹⁹ Ze miasa gny taniny dra hana hany maro, fa na iza na iza magnaraky gny raha-foana dra hahazo fahatra maro. ²⁰ Gny olo matoky dra hana fitahia lahibe, fa ze malaky mahazo harena dra sy ho afa-may. ²¹ Sy soa gny maneho fengara, fa ho anigny tapa-,ofo gny havoanigny olo gny sy mety. ²² Gny olo kahihisy dra magneziky gny fa malaky, saingy sy fatasy fa gny fahatra gny ho avy eo aminazy. ²³ Na iza na iza magnatrasy olo, dra hahita sitraky maromaro boak'aminigny raiky ze mandoky anazy aminigny lelany afaran'izay, ²⁴ Na iza na iza mandroba gny rany vo gny reniny dra mizaka ho: "Sy fahota zay," dra namanigny raiky ze manola izy. ²⁵ Gny olo sy mahono-tegna magnesiky fifandira, fa ze matoky an'i Yaveh gny hambiny, ²⁶ Ze matoky gny fony avo dra mola, fa na iza na iza mandeha apahendrena dra hienga gny loza. ²⁷ Ze magnome gny mahatra dra sy ho ory na ino na ino, fa na iza na iza mihiri-belo amin'ereo dra handray ozo marobe. ²⁸ Gny fa misanga gny olo rasy, dra miafy gny olo, fa gny olo rasy fagnahy dra ho foa, dra hitombo gny olo-mary.