¹ Ho Balama tamin'i Balaka:''Magnoregna alitara fito eto ho anahy dra magnomana agn'ombilahy fito vo agn'ondry fito.'' ² Koa dra nanao araky zay nangatahinin'i Balama i Balama. Dra nanolosy agn'omby raiky vo agn'ondry raiky teo amin'ereo alitara aby i Balaka vo Balama. ³ Dra ho Balama tamin'i Balaka ho:''Misangana mariny eo gny fagnatisy doranao dra handeha zaho. Mety ho avy hihao asehony anahy dra ho zakako aminao. ''Koa dra lasa nagnagny amy tampon-kavoa sy nisy hazo izy. ⁴ Raha teo aminigny tampon-kavoa izy , dra nihaona taminazy Zagnahary, dra ho Balama taminazy:''Fa nagnory alitara fito zaho, dra fa nanolosy agn'ombilahy raiky vo agn'ondry raiky aby teo amy kirairaiky.'' ⁵ Nametraky hafasy teo am-bavan'i Balama i Yaveh ka nizaka ho:''Miharegna agny amin'i Balaka ka miresaha aminazy. '' ⁶ Koa dra nihery tagny amin'i Balaka i Balama , zay nisangana mariny gny fagnatisy dora teo, dra gny mpitariky an'i Moaba aby dra niaraky taminazy. ⁷ Dra nanomboky nizaka gny faminaniany i Balama ka nizaka ho:''Fa ninday anahy laha tagny amin'i Arama, mpazakan'i Moaba laha tagny amy tendrombohisy asignana i Balaka. ' Avia, ozony ho anahy Jakoba, 'ho izy . 'avia , mihasia an'Israely.' ⁸ Amy fomba manao akory gny hagnozonako reo ze sy bo nozinin'Agnahary? Amy fomba manao akory gny hanoherako reo ze sy notoherin'i Yaveh? ⁹ Avy eo an-tamponigny vatolampy gny ahitako anazy; avy egny havoana gny hagnatiako anazy. Indro, misy vahoaky ze mipetraky raiky dra sy mihevisy gny vatany ho firenena sotra. ¹⁰ Iza gny afaky magnisy gny bony i Jakoba na magnisa na dra gny ampahefasin'Israely aza?Ao ho maty amy fahafatesanigny olo-mary zaho , dra ao gny fahataperany gny aiko ho tahaky gny anazy!'' ¹¹ Ho Balaka tamin'i Balama :''Inoitiho nataonao taminahy?Nandesiko hagnozo gny fahavaloko ianao, nefa indro, nitahianao izy reo.'' ¹² Namaly i Balama ka nizaka ho:''Sy tokony hitandry gny hizaka ze apetrak'i Yaveh eo am-bavako avo seky zaho?'' ¹³ Koa ho Balaka taminazy:''Ba miaraha aminahy ho agny an-toeran-kafa ze hahafahanao mahita anazy reo. Ho hitanao mariny indrindra amin'ereo , fa sy izy aby. Agny gny hagnozonanao anazy reo ho anahy.'' ¹⁴ Koa dra nandesiny tao amy sahan'i Zofima i Balama, teo an-tamponigny tendrombohitr'i Pisga, dra nagnory alitara fito hafa izy. Nanolosy agn'ombilahy raily vo agn'ondry raiky teo amy alitara kirairaiky izy. ¹⁵ Avy eo dra ho Balama tamin'i Balaka:''Misangana mariny gny fagnatisy doranao eto, raha bo mifakahita amin'i Yaveh egny agnabony egny zaho.'' ¹⁶ Koa dra nihao tamin'i Balama i Yaveh dra nametraky hafasy teo am-bavany. Ho Izy ho :''Miharegna agny amin'i Balaka dra halefao aminazy gny hafaso.'' ¹⁷ Nihery tagny aminazy i Balama, dra indro , nisanga mariny teo amy fagnatisy dorany izy, dra niaraky taminazy reo mpitarik'i Moaba. Dra ho Balaka taminazy:''Ino gny nizakan'i Yaveh?'' ¹⁸ Natombok'i Balama gny faminaniany. Ho izy ho:''Misangana, ry Balaka, dra mabdrenesa. Mitenoa anahy, ianao ry zanak'i Zipora. ¹⁹ Sy olo Zagnahary, ka ho havandy, na olombelo, ka ho hiova hevisy. Fa nampanatena raha ka sy nanao anizay seky Izy?Fa nizaka seky Izy fa hanao raha ka sy nitaterahiny zay? ²⁰ Indro, fa nididiany zaho ba hitahy. Fa nagnome fitahia Zagnahary, dra sy afaky hamaliky anizay zaho. ²¹ Sy nahita aly saroay tao amin'i Jakoba na fahoria tao amin'Israely Izy. Momba anazy reo Yaveh Zagnaharin'ereo gny hikoraky ho agny mpazakany. ²² Zagnahary gny ninday anazy reo laha tagny Egypta taminigny hary tahaky gny agn'ombidia. ²³ Sy misy mosavt ze mihasy amin'i Jakoba, dra sy misy zara-vita hagnisy rasy an'Israely. Fa, ao ho zaka gny amin'i Jakoba vo Israely ho:''Atio ze nataon'Agnahary!'' ²⁴ Indro, misanga tahaky gny liom-bavy gny olo, tahaky gny fivoaha gny liona ka mamely. Sy mandrimandry izy raha sy fa mihinana gny hazany dra mino gny liony novonony.'' ²⁵ Dra ho Balaka tamin'i Balama:''Ka magnozo anazy reo na mitahy anazy reo vasa.'' ²⁶ Fa namaly Balama ka nizaka tamin'i Balaka ho:''Sy fa nizaka taminao seky zaho fa sy maisy mizaka ze asan'i Yaveh zakako?'' ²⁷ Koa dra namaly an'i Balama i Balaka ho:''Avia dra, handesiko agny amy toera-hafa ianao. Vasa mety hahafaly an'Agnahary gny hagnozonanao anazy reo ho anahy agny.'' ²⁸ Koa nandesin'i Balaka tegny amy loham-bohisy Peora, ze mahatalaky gny tany efisy i Balama. ²⁹ Ho Balama tamin'i Balaka:''Magnoregna alitara fito eto dra manoma agn'ombilahy fito vo agn'ondry fito.'' ³⁰ Koa dra nanao araky ze nizakan'i Balama i Balaka; nanolosy agn'ombilahy raiky vo agn'ondry raiky teo amy alitara kirairaiky izy.