¹ Dra raha hitan'i Balama fa sitrak'i Yaveh gny hitahia an'Israely, dra sy nandeha nanao sikily, tahaky gny tamy andro taloha izy. Fa dra nagnety nagnagny amy tany afisy. ² Nampiandra gny masony izy ka nahita fa nitoby isaky gny fokony aby gny Israely, dra avy tao aminazy gny Fagnahin'Agnahary. ³ Naharay zao faminania zao izy dra nanao ho :''Fa hizaka i Balama zanadahin'i Beoro, gny lelahy ze midiridiry maso. ⁴ Mizaka vo mahare gny zakan'Agnahary izy. Mahita fahita aby amy Sitoha izy, Zay eo anoloany gny hiankohofany amy masony magnety. ⁵ Andrey gny hakatony lainao,ry Jakoba, gny toera ze itoeranao, ry Israely! ⁶ Tahaky gny lohasaha gny fielezan'ereo, tahaky gny saha egny amorony renirano, tahaky gny vaho ze nambolen'i Yaveh, tahaky gny sedera amoron-drano. ⁷ Miroro laha tao asinin'ereo gny rano, dra reo tegnany nafafiny dra soa tondraky. Gny mpazakan'ereo dra ho avo noho i Agaga, dra gny fazakan'ereo dra home-zaza. ⁸ Zagnahary gny minday anazy miboaky an'i Egypta, aminigny tazaky tahaky gny agn'omby. Hitely reo firenana ze manohisy anazy reo Izy. Hanorotoro gny tolan'ereo Izy. Hitifisy anazy reo amy sipikany Izy. ⁹ Mamisaky tahaky gny liona Izy, tahaky gny liona vavy. Iza gny ho sahy hanelignely anazy? Zay mitahy anazy dra voatahy; ze magnozo anazy dra voaozo.'' ¹⁰ Nirehisy tamin'i Balama gny hahorian'i Balaka dra namoky gny tagnany tamim-pahohoria izy. Ho Balaky tamin'i Balama:''Mitoka anao ba hagnozo gny fahavaloko zaho, fa indro m fa intelo nitahy anazy reo ianao. ¹¹ Koa angao zaho amizao ka molia. Nizaka gny hagnome valisoa lahibe anao zaho, kanefa Yaveh fa nagnalaky anao tamy fahazoa valisoa.'' ¹² Dra ho Balama namaly an'i Balaka ho:''Nizakako tamin'ereo mpanday hafasy ze nalefanao taty aminahy fa: ¹³ 'Na dra nagnome gny lapany feno volafosy vo volamena anahy aza i Balaka, dra sy afaky hihoasy gny zakan'i Yaveah vo gny raha rasy na soa, na gny raha tiako hatao . Zay nizakan'i Yaveh anahy avo gny azoko zaka.'Sy nizakako tamin'ereo seky zay? ¹⁴ Koa indro amizao , hihery agny amy vahoakako zaho. Kanefa mamela anahy ianao hampitandry anao ze hataon'ereo vahoaky reo amy vahoakinao amy andro ho avy.'' ¹⁵ Nanomboky zao faminania zao i Balama. Ho izy ho :''Balama zanak'i Beora gny mizaka, gny lelahy ze mahitasy . ¹⁶ Zao gny faminania gny olo ze mahare tegny aby amin'Agnahary, ze mana fahalala bavy aminigny Avo indrindra, ze mana fahita avy aminigny Sitoha , zay ei anoloany gny iankohofany amy fagnatiany. ¹⁷ Mahita anazy zaho , fa sy eto Izy zao. Magnety anazy zaho, fa sy maruny eto Izy. Hisy vasia hiboaky avy amin'i Jakoba, dra tehim-pazaka hisandrasy avy amin'Israely. Hanorotoro gny mpitarik'i Moaba izy dra hamotiky gny taranak'i Seta aby. ¹⁸ Dra ho lasa fagnanan'i Israely i Edoma. dra Seira avo koa ho lasa fanagnan'ereo, reo fahavalon'Israely, ze ho resen'i Israely amin-kery. ¹⁹ Avy amin'i Jakoba gny hiaviany gny mpazaka ze hana gny fanapaha, dra hamotiky reo ze tavela sy maty amy tananan'ereo Izy.'' ²⁰ Dra nagnety an'i Amaleka i Balama dra nanomboky gny faminaniany. Ho izy ho:''Amaleka dra fa lahibe indrindra teo amin'ereo firenena tahola, kanefa dra ho fahapoteha gny ho fiafarany.'' ²¹ Avy eo dra nagnety amin'ereo Kenita i Balama dra nanomboky gny faminaniany. Ho izy ho:''Gny toera ze ipetrahandrareo dra mahery, dra gny akaninandrareo dra ao amy harambato. ²² Na dra zay aza dra ho hotoro i Kaina raha minday anao ho babo i Asyria.'' ²³ Dra nanomboky gny faminaniany faraby i Balama. Ho izy ho:''Loza! Iza gny ho velo raha hanao anizay Zagnahary? ²⁴ Hisy sambo ho avy agny aminigny sisin'i Kitima; hanafiky an'i Asyria vo handresy an'i Ebera izy reo, kanefa , dra ho fahatorotorony avo koa gny hiafaran'ereo.'' ²⁵ Avy eo dra niakasy i Balama dra lasa. Noly tagny an-tragnony izy , dra lasa avo koa i Balaka.